ក្រុមចម្រៀង២ក្រុមដែលមានឈ្មោះល្បីល្បាញនៅកូរ៉េខាងត្បូងគឺ Wonder Girls និង
SNSD នឹងមានការប្រឈមមុខដាក់គ្នានៅខែវិច្ឆិកាខាងមុខនៅពេលក្រុមទាំង២បានមក
កាន់ឆាប្រយុទ្ធក្នុងពេលតែមួយ។
Wonder Girls រៀបនឹងបញ្ចប់ការវាយលុកទៅលើទីផ្សាចម្រៀងអាមេរិក ពួកគេនឹងវិលត្រលប់
មកកាន់ Kpop នាខែវិច្ឆិកាខាងមុខ។ ក្រុមចម្រៀងស្រី Wonder Girls បានអវត្តមានពីប្រទេស
កូរ៉េខាងត្បូងរយៈពេលមួយឆ្នាំកន្លះបន្ទាប់ពីបានបញ្ចេញវ៉ល់ចម្រៀង "Two different tears"
កាលពីខែឧសភាឆ្នាំទៅ។ក្រោយពីបានសម្រេចរាល់ផែនការនៅអាមេរិក ថ្ងៃទី៩តុលា ក្រុមនេះ
បានចាប់ផ្ដើមថតចម្រៀងវ៉ល់ថ្មីបន្ទាប់សម្រាប់ទីផ្សាកូរ៉េខាងត្បូង។
![](/FileManager/Articles/mce/2011/10/13/5532-09f63fb3-1169-4238-a681-f85c2a693d0f.jpg)
ក្នុងខណៈនោះដែរ ស្រីស្អាត៩នាក់របស់ក្រុម SNSD នឹងបញ្ចេញអាលប៊ូមថ្មីរបស់ខ្លួននៅថ្ងៃទី
១៩ខែតុលា ហើយពួកគេនឹងឡើងឆាកសំដែងនាចុងខែតុលា។ដើមឡើយ ក្រុម SNSD មាន
គម្រោងនឹងបញ្ចេញអាលប៊ូមថ្មីនាថ្ងៃទី៥តុលា ប៉ុន្ដគម្រោងការនេះបានត្រូវពន្យាពេលចំនួន
២សប្ដាហ៍ ដូច្នេះ ក្រុម SNSD និងក្រុម Wonder Girls នឹងចាប់ផ្ដើមផ្សព្វផ្សាយពីអាលប៊ូមថ្មី
របស់ពួកគេនៅក្នុងខែវិច្ឆិកា។
![](/FileManager/Articles/mce/2011/10/13/5532-d71a2b2b-1737-4536-995d-1c64ae21e4cb.jpg)
ពេលថ្មីៗនេះ ក្រុម SNSD ទើបបានបង្ហើបពី អាលប៊ូម two teaser MV "The Boys" តាមរយៈ
YouTube របស់ SM Entertainment ។ មិនយូរប៉ុន្មាន ចំនួនអ្នកចូលទស្សនាបានកើតឡើងរាប់
លាននាក់ក្នុងរយៈពេលតែប៉ុន្មានថ្ងៃប៉ុណ្ណោះ។
ដោយសារតែក្រុម Wonder Girls កំពុងធ្វើសកម្មភាពនៅក្រៅប្រទេស ដូច្នេះបច្ចុប្បន្ន ក្រុម
SNSD ហាក់ដូចជាកំពុងលេចធ្លោនៅប្រទេសកូរ៉េ។ទោះជាយ៉ាងណាក៏ដោយ ការវិលត្រលប់
មកវិញបន្ទាប់ពីបានបាត់មុខមួយរយៈពេលនេះ Wonder Girls ត្រូវបានគេជឿថានឹងធ្វើឱ្យក្រុម
អ្នកគាំទ្រមានការទន្ទឹងរង់ចាំយ៉ាងខ្លាំង ហើយការប្រកួតប្រជែងផ្នែកចម្រៀងរវាងក្រុមទាំងពីរ
នេះនឹងធ្វើឱ្យអ្នកគាំទ្រកាន់តែយកចិត្តទុកដាក់ពីមួយថ្ងៃទៅមួយថ្ងៃ។
គេបានកត់សម្គាល់ឃើញថា ពីមុន នៅពេលក្រុម Wonder Girls កំពុងធ្វើសកម្មភាព នោះក្រុម
SNSD បែរជានៅស្ងៀម ហើយក្រុម Wonder Girls ក៏ដូចគ្នា។ប៉ុន្ដែក្នុងខែវិច្ឆិកាខាងមុខ ក្រុមទាំង
ពីរនឹងប្រជែងគ្នាលើគ្រប់ផ្នែក តាំងពីលំដាប់លេខរៀងក្នុងតារាងចំណាត់ថ្នាក់ចម្រៀង ចំណាត់
ថ្នាក់ការប្រគំតន្ដ្រី រហូតដល់ប្រាក់ចំណូលដែលបានមកពីការលក់អាលប៊ូម។
ការប្រកួតប្រជែងដែលគួរឱ្យទន្ទឹងរង់ចាំរវាងក្រុម Wonder Girls និង SNSD ថ្វីបើមិនទាន់មាន
ជារូបរាងពិតប្រាកដ ប៉ុន្ដែក្រុមអ្នកគាំទ្ររបស់ក្រុមទាំងពីរហាក់ដូចជាបានចូលសមរភូមិទៅ
ហើយ។ព័ត៌មានចចាមអារាមជាច្រើនបានលេចឮថា អ្នកគាំទ្ររបស់ក្រុមទាំងពីរកំពុងប្រឹង
ប្រែងអស់ពីសមត្ថភាពដើម្បីយកឈ្នះលើក្រុមគូប្រជែងរបស់ខ្លួន។
សូមរង់ចាំតាមដានការប្រកួតប្រជែងដ៏អស្ចារ្យរបស់ក្រុមចម្រៀងស្រីស្អាតទីពីរនៅកូរ៉េ ថាតើ
រវាង Wonder Girls និង SNSD មួយណានឹងដណ្ដើមបានលំដាប់ថ្នាក់ខ្ពស់ជាង ?
ដោយ ៖ សូរីយ៉ា
ប្រភព ៖ BM