ឪពុកកំពូលតិរច្ឆាន ច្របាច់.ក សម្លាប់កូនប្រុសបង្កើតពីនាក់ ក្នុងពេលតែមួយ
មន្ត្រីយោធាពាក់សក្តិ ៤ នៅផ្នែករដ្ឋបាលវិស្វកម្ម អគ្គបញ្ជាការកងទ័ពជើងគោក មានទីលំនៅ
ភូមិព្រៃជីសាក់ សង្កាត់ចោមចៅ បានសម្លាប់កូនប្រុសរបស់ខ្លួនឯង២នាក់ ក្នុងពេលតែមួយ រួច
បានព្យាយាមសម្លាប់ខ្លួនឯង តែមិនស្លាប់ ។
កាលពីវេលាព្រឹកថ្ងៃទី២៨ សីហា ឆ្នាំ២០១២ មានហេតុការណ៍ដ៏គួរអោយភ្ញាក់ផ្អើលមួយបាន
កើតឡើងនៅចំណុចផ្ទះលេខI១៥ បុរីប៊ុនហួរ ភូមិព្រៃព្រីងខាងត្បូង សង្កាត់ចោមចៅ បន្ទាប់ពី
មានបុរសម្នាក់ឈ្មោះកែវ ឡាដាំង អាយុ៣៨ឆ្នាំ ជាមន្ត្រីយោធាពាក់សក្តិ៤នៅផ្នែករដ្ឋបាលវិស្វ
កម្មអគ្គ បញ្ជាការកងទ័ពជើងគោក មានទីលំនៅភូមិព្រៃជីសាក់ សង្កាត់ចោមចៅ បានសម្លាប់
កូនប្រុសរបស់ខ្លួនឯង២នាក់ ក្នុងពេលតែមួយ រួចបានព្យាយាមសម្លាប់ខ្លួនឯងដែរតែមិនបាន
សម្រេច។ បន្ទាប់មកត្រូវបានក្រុមគ្រួសារនាំទៅសង្គ្រោះនៅមន្ទីរពេទ្យ កាល់ម៉ែត។
បន្ទាប់ពីបានចេញពីមន្ទីរពេទ្យ ជនសង្ស័យសម្លាប់កូនខ្លួនឯងរូបនេះ ត្រូវបានឃុំខ្លួនបណ្តោះ
អាសន្ន នៅក្នុងផ្នែកព្រហ្មទណ្ឌខណ្ឌពោធិ៍សែនជ័យ រង់ចាំបញ្ជូនបន្តទៅតុលាការ។
ប្រភពព័ត៌មានបានដកស្រង់សំដីរបស់ជនសង្ស័យ អោយដឹងថា កាលពីវេលាថ្ងៃទី២៧ សីហា
មុនពេលកើតហេតុ ឪពុកតិរច្ឆាននេះ បានទៅផឹកស៊ីជាមួយមិត្តភក្តិនៅម្តុំម៉ុងឌីយ៉ាល់រហូតមក
ដល់ម៉ោងប្រហែល៩យប់ទើបឈប់ ហើយបានបែកពីមិត្តភក្តិ រួចជិះម៉ូតូមួយគ្រឿងម៉ាកវីវ៉ា ស៊េរី
២០១១ យកទៅបញ្ចាំនៅឯកាស៊ីណូបានប្រាក់ចំនួន១ពាន់ដុល្លារ ក៏លេងល្បែងនៅទីនោះរហូត
ចាញ់អស់។ នៅវេលាម៉ោងជាង១២រំលងអធ្រាត្រទើបជិះម៉ូតូឌុបក្នុងតម្លៃ ១ម៉ឺនរៀលពីកាស៊ីណូ
ត្រឡប់ទៅផ្ទះម្តាយនៅចំណុចកើតហេតុ ខាងលើនោះវិញ ។
ប្រភពព័ត៌មានបន្ដថា ពេលត្រឡប់ទៅដល់ផ្ទះវិញ ម្តាយរបស់ជនសង្ស័យបានចេញមកបើកទ្វារ
ឱ្យ ហើយពេលចូលទៅដល់ក្នុងផ្ទះខ្លួនបានឃើញកូនប្រុសទាំង២នាក់ ដេកក្នុងបន្ទប់ជាមួយនឹង
ម្តាយ បន្ទាប់មកខ្លួនបានចូលទៅលើកបីកូនម្តងមួយៗយកទៅដេកនៅ ក្នុងបន្ទប់របស់ខ្លួនវិញ
ខណៈនោះម្តាយរបស់ខ្លួនបាននិយាយថា បើកូនដេកនៅកន្លែងហ្នឹងហើយលើកវាធ្វើអ្វី តែខ្លួន
បានប្រាប់ទៅម្តាយវិញថា ចង់ឱ្យពួកវាដេកជាមួយ ។ រហូតមកដល់ម៉ោង២ រំលងអធ្រាត្រ ជន
សង្ស័យបានសម្រេចចិត្តធ្វើសកម្មភាព ដោយចាប់ច្របាច់កកូនប្រុសទី ១ ឈ្មោះកែវ សុវណ្ណ
អាយុ៦ឆ្នាំមុន ដោយយកកន្សែងខ្ទប់មាត់ និងច្របាច់ករហូតដល់ស្លាប់ ។ បន្ទាប់មកបានដាក់
នៅក្បែរកូនប្រុសទី២ឈ្មោះកែវ តារ៉ា អាយុ៣ឆ្នាំ ហើយក្រោយពេលសម្លាប់កូនទី១ហើយ ខ្លួន
បានអង្គុយមួយសន្ទុះ រួចទើបចាប់ផ្តើមធ្វើសកម្មភាពចាប់ច្របាច់កកូនប្រុសទី២នោះ សម្លាប់
ចោលទៀត រួចដាក់ឱ្យដេកនៅជិតគ្នា។ ក្រោយពេលសម្លាប់កូនប្រុសទាំង២នាក់នោះរួចហើយ
ខ្លួនបានយកកាំបិតដែលបានលាក់ទុកនៅក្នុងបន្ទប់នោះរួចជា ស្រេចយកមកអារ.ក និងអារ.ក
ដៃខ្លួនឯងទាំង២ ដើម្បីសម្លាប់ខ្លួនទៅតាមក្រោយប៉ុន្ដែមិនស្លាប់។ រហូតដល់ព្រឹកឡើង ទើបគេ
បានដឹងហេតុការណ៍នេះ៕
ដោយ ៖ សីហា
ប្រភព ៖ ksd
- អូអុិឈិ តែបៃតងលេខ១ នៅកម្ពុជា រកឃើញអ្នកឈ្នះរង្វាន់ ៨នាក់ ពីកម្មវិធី (05/03/2019 17:02:00)
- គន្លឹះទាំងនេះ ជួយឱ្យអ្នកស្រកខ្លាញ់ក្បាលពោះយ៉ាងមានប្រសិទ្ធភាព (04/03/2019 16:07:00)
- ហេតុអ្វី ខ្ញុំមិនប្រសើរដូចគេ? វគ្គ១ (27/02/2019 12:05:00)
- វីធីរក្សាជីវិតគូឲ្យបានយួរអង្វែង (20/02/2019 14:36:00)
- រៀបការបានមួយខែ នី រតនា មានកាដូពិសេសជូនហ្វេនៗ (19/02/2019 09:59:00)
- តោះមកដឹងទីតាំងដែល តារាចម្រៀង សុខ ពិសី ប្រកាសអញ្ជើញលោកតា លោកយាយ ដែលខ្វះខាតមកពិសារបាយថ្ងៃមួយពេល (13/02/2019 12:04:00)
- សុខ ពិសី មិនត្រឹមតែស្អាត និងច្រៀងពិរោះប៉ុណ្ណោះទេ តែថែមទាំងចិត្តល្អទៀត! តើនាងធ្វើអំពើល្អអ្វីខ្លះទៅ (12/02/2019 13:45:00)
- មិននឹកស្មានថា ស្លឹកត្របែកក៏អាចព្យាបាលរោគស្រ្ដីប្រភេទនេះបានដែរ! (09/02/2019 09:08:00)
- វិធីទាក់ចិត្ដបុរសឱ្យលង់ស្នេហ៍នឹងអ្នក ដែលអ្នកមិនធ្លាប់ដឹង (30/01/2019 15:08:00)
- សុខ ពិសី ទប់ទឹកភ្នែកលែងជាប់ ក្រោយម្តាយ ខេមរៈ ស្រីពៅ រៀបរ៉ាប់រឿងរ៉ាវមុនពេលនាងទទួលមរណភាព (28/01/2019 11:07:00)
ដែលមើលច្រើន
