តារាម៉ូដែលស្រីម្នាក់ ត្រូវបងប្រុសសម្លាប់ ព្រោះតែបង្ហោះរូបសិចស៊ីពេក លើបណ្តាញសង្គម

តារា

តារាម៉ូដែលស្រីម្នាក់ ត្រូវបងប្រុសសម្លាប់ ព្រោះតែបង្ហោះរូបសិចស៊ីពេក លើបណ្តាញសង្គម

11:38 AM 18.07.2016
Print Email

(ប៉ាគីស្ថាន)៖ តារាម៉ូដែលស្រីជនជាតិប៉ាគីស្ថានម្នាក់ ឈ្មោះ Qandeel Baloch អាយុ២៦ឆ្នាំ ត្រូវបានបងប្រុសរឹតកសម្លាប់ យ៉ាងព្រៃផ្សៃ បន្ទាប់ពីខឹងនាងបង្ហោះរូបថត និងវីដេអូរបស់ខ្លួនមានលក្ខណៈ អាសអាភាសខ្លាំងពេកនៅ លើ Instagram ដែលធ្វើឲ្យប៉ះពាល់ កិត្តិយសគ្រួសារ។

សាកសពនារីរងគ្រោះ ត្រូវបានប៉ូលិសប្រទះឃើញ នៅក្បែរទីក្រុង Multan កាលពីយប់ថ្ងៃសុក្រកន្លងទៅនេះ ដោយពួកគេឲ្យដឹងថា នៅថ្ងៃកើតហេតុ តារាស្រីរូបនេះ និងគ្រួសារបានធ្វើដំណើរចេញ ពីទីក្រុង Karachi ទៅកាន់ភូមិ Muzzafarabad ខេត្ត Punjab ដើម្បីសម្រាកវិស្សមកាល ហើយបងប្រុសនាងក៏ទៅដែរ។

កន្លងមក Baloch ធ្លាប់ត្រូវបងប្រុសគំរាម មិនឲ្យថតរូបសិចស៊ីហួសហេតុទៅបង្ហោះ ឲ្យគេឯងមើលបែបនេះទេ ប៉ុន្តែនាងមិនស្តាប់ និងមុនថ្ងៃកើតហេតុនាង ក៏បានថតរូបសិចស៊ី បង្ហោះលើបណ្តាញសង្គមទៀត ដោយចែករំលែកជាមួយអ្នកគាំទ្រ ជាងមួយសែននាក់ផងដែរ ទើបធ្វើឲ្យបងប្រុសផ្ទុះកំហឹង រហូតដល់លើកដៃប្រហារប្អូនស្រីមិនប្រណី។

គួរបញ្ជាក់ថា ជារៀងរាល់ឆ្នាំ មានស្ត្រីមិនតិចនាក់ទេត្រូវបានសម្លាប់ នៅប៉ាគីស្ថានដោយសារតែរឿង ប៉ះពាល់កិត្តិយសគ្រួសារនេះ ព្រោះច្បាប់ក្នុងប្រទេសអនុញ្ញាត ឲ្យក្រុមគ្រួសារជនរងគ្រោះលើកលែង ទោសឲ្យជនដៃដល់បាន ជាពិសេសសាច់ញាតិតែម្តង៕