CamNews

ព័ត៌មានអន្តរជាតិ ៖ លុយមូលនិធិ ប្រមាណ ៨០០ លានដុល្លារសហរដ្ឋអាមេរិក ដែលជាកម្មសិទ្ធ ស្ថិតនៅក្រោមការគ្រប់គ្រង ពីក្រុមឧទ្ទាមរដ្ឋអ៊ីស្លាមជ្រុលនិយមនោះ រងនូវការបំផ្លាញ កំទេចឲ្យ ខ្ទេចឆេះ ពីការវាយប្រហារ ទ័ពអាកាសសហរដ្ឋអាមេរិក នេះបើយោងតាមការគូសបញ្ជាក់ ពីមន្រ្តី យោធាសហរដ្ឋអាមេរិក។ 

លោកឧត្តមសេនីយ៍ទោ Peter Gersten ដែលកំពុងតែប្រចាំការនៅទីក្រុង បាដាដ បញ្ជាក់ឲ្យដឹងថា សហរដ្ឋអាមេរិក បានធ្វើការវាយប្រហារទ័ពអាកាស ទៅលើទីតាំងឃ្លាំងស្តុកលុយ ISIS ជាច្រើន លើកច្រើនសា ។ ការវាយប្រហារផ្លូវអាកាស បំផ្ទុះឃ្លាំងស្តុកលុយ ISIS លើកនេះ គឺជាបរិបទក្នុង ការបង្កកការកើនឡើង វិស័យហរិញ្ញវត្ថុ ISIS បានដល់ទៅ ៩០ភាគរយ ខណៈនាំមកនូវការធ្លាក់ចុះ នៃមូលនិធិថ្មីៗដូចគ្នាដែរ។ 

នៅក្នុងសន្និសិទកាសែត លោកឧត្តមសេនីយ៍ទោ Peter Gersten គូសបញ្ជាក់ជាសង្ខេបឲ្យដឹងថា អាមេេរិកបានបើកការវាយប្រហារផ្លូវអាកាស ដល់ទៅ ២០ដង ឈានទៅកំទេចឃ្លាំងស្តុកលុយ ពួក ISIS ។ ទោះជាយ៉ាងណាក៏ដោយចុះ លោកមិនបានបញ្ជាក់ពីតួរលេខ ផ្លូវការ នៃលុយសុទ្ធ ដែលអាមេរិក បានកំទេចនោះទេ ។ ប៉ុន្តែ ការវាយប្រហារមួយលើកនេះ លោកប៉ាន់ប្រមាណឲ្យ ដឹងថា លុុយប្រមាណ ១៥០លានដុល្លារ ត្រូវបានបំផ្លាញពីឃ្លាំងស្តុកមួយ នៅក្នុងទីក្រុង Mosul ប្រទេស អ៊ីរ៉ាក់ ។ 

កងកម្លាំងវាយប្រហារ ប្រឆាំង ISIS ទទួលបានដំណឹង ពីក្រុមស៊ើបអង្កេត ដោយចង្អុយបង្ហាញពី ទីតាំងឃ្លាំងណាមួយដែល ISIS ប្រើប្រាស់រក្សាទុកលុយរបស់ខ្លួន ក្រោយមក ឃ្លាំងស្តុកនោះ ក៏រង នូវការវាយប្រហារកំទេច តាមអាកាសផ្ទាល់តែម្តង មិនមែន ១លើក ឬ ២លើក តែនេះគឺជាការវាយ ប្រហារ​ ២០លើក តាមផ្លូវអាកាស ។ ខណៈមានការពិបាក ក្នុងការកំណត់ឲ្យបាននូវតួរលេខផ្លូវការ នៃលុុយសុទ្ធ ISIS រងនូវការកំទេចនោះ មន្រ្តីប៉ាន់ប្រមាណឲ្យដឹងថា លុយពួក ISIS ចន្លោះពី ៥០០ លានដុល្លារ ទៅ ៨០០លានដុល្លារ រងនូវការបំផ្លាញ តាមរយៈការវាយប្រហារ ទ័ពអាកាស ៕

ប្រែសម្រួល ៖ កុសល

ប្រភព ៖ ប៊ីប៊ីស៊ី