រឿងធំសម្រាប់អ៊ីរ៉ង់ ! ទីក្រុងតេហេរ៉ង់អាចនឹងបាត់ចេញពីផែនទីពិភពលោក នៅ២០ឆ្នាំខាងមុខដោយសារគ្រោះរញ្ជួយដី
(តេហេរ៉ង់)៖ អ្នកវិទ្យាសាស្ត្រអ៉ីរ៉ង់ ផ្នែករញ្ជួយដី លោក Bahram Akkasheh បានព្រមានថា នៅរយៈពេល១៥ ទៅ២០ឆ្នាំខាងមុខ គ្រោះរញ្ជួយដីដ៏មហាប្រល័យមួយ មានកម្លំាង ៧.០ ទៅ៨.០ រ៉ិចទ័រអាចនឹងវាយប្រហារ មកលើទីក្រុងតេហេរ៉ង់ ដោយនឹងធ្វើឲ្យរដ្ឋធានីមួយនេះ បាត់ចេញពីផែនទីពិភពលោក។ នេះបើយោងតាម ការចេញផ្សាយរបស់សារព័ត៌មាន Sputnik នៅព្រឹកថ្ងៃព្រហស្បតិ៍ ទី២៧ ខែតុលា ឆ្នាំ២០១៦។
នៅក្នុងបទសម្ភាសន៍ ជាមួយ Sputnik លោក Bahram Akkasheh បានលើកឡើងថា «គេគួរតែគិតពី លទ្ធភាពនៃការផ្ទេររដ្ឋធានីតេហេរ៉ង់ ទៅកាន់តំបន់ណាមួយ ដែលមានហានិភ័យតិចតួច»។ លោក Akkasheh បន្តថា «វាមិនមែនជារឿងចៃដន្យឡើយ ដែលយើងចុះកិច្ចព្រមព្រៀង សហប្រតិបត្តិការជាមួយជប៉ុនក្នុងការ ត្រួតពិនិត្យសកម្មភាពរញ្ជួយដី នៅទីក្រុងតេហេរ៉ង់ ត្បិតនៅពេលដ៏ខ្លីខាងមុខ គ្រោះរញ្ជួយដីដ៏មហាប្រល័យមួយ អាចនឹងវាយប្រហារ លើទីក្រុងមួយនេះ ដោយនឹងបង្កឲ្យមានជនរងគ្រោះរាប់លាននាក់ ក៏ដូចជាអាចធ្វើឲ្យរដ្ឋធានីតេហេរ៉ង់ បាត់ចេញពីផែនទីពិភពលោក ផងដែរ»។
គួរបញ្ជាក់ថា ការផ្ដួចផ្ដើមគំនិតផ្ទេររដ្ឋធានី តេហេរ៉ង់ទៅតំបន់ផ្សេង មានតាំងតែពីឆ្នាំ២០០៩ មកម្ល៉េះ ដោយមានការជម្រុញ ពីសំណាក់មេដឹកនាំកំពូលអ៉ីរ៉ង់ លោក Ayatollah Khamenei ហើយគំនិតនេះក៏ត្រូវបាន ក្រុមប្រឹក្សាសុវត្ថិភាពជាតិ ផ្ដល់អនុសាសន៍ក្នុងការរៀបចំផ្ទេរ រដ្ឋធានីផងដែរ ប៉ុន្តែអ៉ីរ៉ង់មិនទាន់បានបង្ហើប ពីទីតាំងសម្រាប់រដ្ឋធានី អនាគតថ្មីនោះឡើយ៕
ផ្តល់សិទ្ធដោយ ៖ ខ្មែរថកឃីង
- មេដឹកនាំពិភពលោក ចិន-អាមេរិក ណាត់ជួបគ្នាដោយផ្ទាល់ នៅអាទិត្យក្រោយ តើនឹងមានអ្វីកើតឡើង?? (30/03/2017 15:02:00)
- កាត់ក្បាល ប្រពន្ធ យួរពេញផ្លូវ រួចដុតសាកសព ផ្អើលគេផ្អើលឯង ទាំងកណ្តាលថ្ងៃ (30/03/2017 14:43:00)
- ដល់ក, មន្រ្តីទូតអាមេរិក ត្រូវចាប់ឃាត់ខ្លួន ជុំវិញការចោទប្រកាន់ ទទួលសំនូក រាប់ម៉ឺនដុល្លារពីចារកម្មចិន (30/03/2017 14:06:00)
- ចិន ថា ការចង់បានឯករាជ្យរបស់កោះតៃវ៉ាន់ គឺជារឿងយល់សប្តិ ដែលគ្មានថ្ងៃក្លាយជាការពិត (29/03/2017 16:16:00)
- ផ្ទុះបាតុកម្ម ហឹង្សា នៅកណ្តាលទីក្រុង ល្បី ក្រោយប៉ូលីស បាញ់សម្លាប់ជនជាតិ ចិន ដល់ផ្ទះ (29/03/2017 15:27:00)
- "គ្រោះថ្នាក់" ស្រីស្រស់ អ្នកជំនួញវ័យក្មេង ស្លាប់ ក្រោយវះកាត់កែសម្ភស្ស ៣ កន្លែង ក្នុងពេលតែមួយ (29/03/2017 14:45:00)
- រកឃើញ បំណែកសាកសព នៅក្នុងនាវា Sewol ដែលគ្រប់គ្នាគិតថា បំណែកសាកសព មនុស្ស តែការពិត បានភ្ញាក់ផ្អើល (29/03/2017 10:06:00)
- ការពិត ចឹងសោះ បានជណ្តើរយន្ត គ្រោះថ្នាក់ វិល ថយក្រោយ បណ្តាលឲ្យមនុស្ស ១៨នាក់ របួស (មានវីដេអូ) (27/03/2017 15:40:00)
- សិស្សវិទ្យាល័យ ៦នាក់ រងនូវការសម្លាប់ ដោយបាក់ផ្ទាំងទឹកកក នាព្រឹកថ្ងៃច័ន្ទនេះ (27/03/2017 14:36:00)
- សូម្បីតែ អ្នកសំអាត ក៏ក្លាយជាអ្នកមានដែរ, Porsche ប្រកាសឲ្យ Bonus គ្រប់ៗគ្នា ក្នុង១នាក់ជិត 14.000$ (25/03/2017 09:59:00)
ព័ត៌មានអន្តរជាតិ ដែលមើលច្រើន
