CamNews

ភ្នំពេញ៖ តារាចម្រៀងបែបយុវវ័យ ឱក សុគន្ធកញ្ញា ត្រូវបានមហាជន និងអ្នកគាំទ្រមើលឃើញ
ថា នាងមិនត្រឹមតែ អាចលេចធ្លោរជាងគេផ្នែកសំឡេង និងក្បាច់រាំទេ ថែមទាំងស៊ីដាច់គេ ខាង
ផ្សព្វផ្សាយពាណិជ្ចកម្ម ដែលហាក់មាននាងស្ទើរតែគ្រប់ផ្ទាំង និងវីដេអូផ្សព្វផ្សាយ ពាណិជ្ជកម្មពី
បណ្ដាក្រុមហ៊ុនធំៗនានា។ ជោគជ័យរបស់ ឱក សុគន្ធកញ្ញា ត្រូវមហាជនភាគច្រើនបាននិយាយ
ថា មានចំណែកលោក រ៉េតធី ដូណា ជាអ្នកនិពន្ធបទភ្លេងល្អៗ ឲ្យនាង ទំរាំដណ្ដើមបានទីផ្សារបទ
ចម្រៀង ទាំងស្រុងបែបនេះ ។

កន្លងមកសារព័ត៌មានក្នុងស្រុក បានផ្គូរផ្គង ឱក សុគន្ធកញ្ញា ជាមួយលោក រ៉េតធី ដូណា ថាជាគូ
ស្នេហ៍ ដែលគ្មានការទទួលស្គាល់ពីឱក សុគន្ធកញ្ញាបន្តិចឡើយ សូម្បីម្ដាយរបស់នាង ប្រឆាំង
ដាច់ខាតថា គ្មានទំនាក់ទំនងស្នេហាជាមួយ លោក រ៉េត ធីដូណាឡើយ។ តែសារព័ត៌មាន ពុំបាន
ជឿជាក់លើម្ដាយកូនពីរនាក់នេះឡើយ ចេះតែចេញព័ត៌មានហូរហែ ដែលធ្វើឲ្យ នាង ឱក សុគន្ធ
កញ្ញា សាំទៅនឹងព័ត៌មាន លែងចេញបកស្រាយអ្វីទាំងអស់ ។

ប្រភពចេញពីអ្នកជិតដិតបំផុត របស់នាង ឱក សុគន្ធកញ្ញា តារាចម្រៀងល្បីល្បាញប្រចាំស្រុក
ខ្មែរ បាននិយាយប្រាប់ LookingTODAY ថា ឱក សុគន្ធកញ្ញា គ្មានទំនាក់ទំនងស្នេហាអ្វីទាំងអស់
ជាមួយតន្រ្តីករមាឌធំ លោក រ៉េតធី ដូណា ព្រោះកន្លងមក អ្វីៗចេញមកពីការផ្សំផ្គុំ នៃអ្នកសារ
ព័ត៌មាន មិនមែនជាការពិត សូម្បីតែបន្តិច ។ អ្នកទាំងពីរនេះ រាប់អានគ្នាប្រៀបបីដូចបងប្អូន
បង្កើត តែសម្រាប់លោក រ៉េត ធីដូណា ប្រហែល អាចមានចិត្តស្រឡាញ់លើ ឱក សុគន្ធកញ្ញា
ដែលជាស្រីស្អាត ។ តែសម្រាប់ កញ្ញា វិញគ្មានទាល់តែសោះ ។

គូស្នេហ៍ពិតប្រាកដរបស់ ឱក សុគន្ធកញ្ញា ត្រូវបានគេទម្លាយថា គឺជាកូនប្រុសអ្នកមានទ្រព្យ
សម្បត្តិ ស្ដុកស្ដម្ភម្នាក់ ដែលមានខ្សែស្រឡាយកូនកាត់ចិន វ័យស្របាក់ស្របាលនឹងនាង ឱក
សុគន្ធកញ្ញា ខណៈដែលប្រុសសង្ហាម្នាក់នេះ តែងតែចេញចូលហាងសំអាងការរបស់នាង ជា
ញឹកញាប់។ តែគ្មានអ្នកណាចាប់អារម្មណ៍ថា ជាសង្សាររបស់ ឱក សុគន្ធកញ្ញា នោះទេ ព្រោះ
គេបានចាប់អារម្មណ៍តែលើ លោក ដូណា ប៉ុណ្ណោះ ។ ប្រភពបានបន្តថា ពួកគេស្រឡាញ់គ្នា
តាំងពីដើមឆ្នាំ ២០១១មកម្ល៉េះ តែនាងពូកែលាក់រឿងនេះខ្លាំងណាស់ គ្មានអ្នកណាដឹងនោះទេ។
ជុំវិញព័ត៌មានដ៏រសើបនេះ LookingTODAY មិនអាចទាក់ទងសុំការបំភ្លឺពី ឱក សុគន្ធកញ្ញា បាន
ទេ ៕

ផ្តល់សិទ្ធិដោយ៖ ដើមអំពិល