(អាមេរិក)៖ កាលពីប៉ុន្មានថ្ងៃកន្លងទៅនេះ មានរឿងរ៉ាវកើតឡើង រវាងតារាចម្រៀង Justin Bieber ជាមួយអ្នកគាំទ្ររបស់ខ្លួន រហូតមានការប្រើហិង្សា ដាក់គ្នាទៀតផង ពេលនេះបុរសដែលរង ការវាយប្រហារបានគំរាមដាក់ពាក្យប្តឹង តារាចម្រៀងរូបនេះទៅកាន់តុលាការ។
អ្នកគាំទ្រជនជាតិអេស្ប៉ាញ Kevin Ramirez ត្រូវបាន Justin ដាល់បែកមាត់ចេញឈាម កំឡុងពេលផ្ទុះជម្លោះ ខណៈដែលតារាចម្រៀងរូបនេះ បម្រុងនឹងចេញរថយន្តទៅហើយ បន្ទាប់ពីសម្តែងនៅ Barcelona ប៉ុន្តែមិនមានការលើកឡើងថា មានរឿងអ្វីកើតឡើងទេ ទើបនាំឲ្យមានការប្រើហិង្សាដាក់គ្នា បែបនេះ។
Kevin Ramirez និយាយថា ពេលនេះសំណុំរឿងប្តឹងផ្តល់ បានដល់ដៃមេធាវី ហើយគាត់មិនចង់និយាយអ្វី លើសពីនេះទៀតឡើយ។ នេះមិនមែនជាលើកដំបូងទេ ដែលតារាចម្រៀងវ័យក្មេង Justin Bieber មានបញ្ហាជាមួយអ្នកគាំទ្រ ហើយមហាជនសង្ឃឹមថា លើកនេះប្រហែលជាលើកចុងក្រោយ ដែល Justin ផ្ទុះជម្លោះ ជាមួយអ្នកគាំទ្រ៕
ផ្តល់សិទ្ធដោយ ៖ ខ្មែរថកឃីង