ព័ត៌មានអន្តរជាតិ ៖ តារាសម្តែងថៃ កូន មួយ លោក Triedsadee Sahawong ហៅ ផរ បានទទួល មរណៈភាព ហើយនៅរសៀលថ្ងៃច័ន្ទ ទី ១៨ មករា ២០១៦ នេះ បន្ទាប់ពីលោក សម្រាកព្យាបាលជំងឺ អស់មួយរយៈពេល ហើយស្ថានភាពជំងឺ របស់លោកកាន់តែធ្ងន់ ទៅៗ ដោយ មិន អាចជួយសង្គ្រោះ បាន ។
យោងតាមសារព័ត៌មានរបស់ Thairath ដែលចេញផ្សាយឲ្យដឹង នៅរសៀលថ្ងៃច័ន្ទ នេះអោយដឹងថា តារាប្រុសលោក Triedsadee Sahawong បានទទួលមរណៈភាពហើយ ដែល ដំណឹង នេះ ធ្វើឲ្យអ្នក គាំទ្រលោក ជាច្រើន មានការតក់ស្លុត និង ឈឺចាប់ ពេលតារា ក្នុង ដួងចិត្តរបស់ ពួកគេត្រូវលាចាកលោកទាំងវ័យក្មេង។សូមជម្រាបផងដែរថា តារា សម្តែង កូនមួយ លោក ផរ បានទទួលមរណៈភាព នៅក្នុងវ័យ៣៧ឆ្នាំ ដោយ កាលពីពេលថ្មីៗនេះលោកបានធ្លាក់ ខ្លួនឈឺ ជា ទំងន់ ដោយសារតែជំងឺ គ្រុនឈាម កម្រិតធ្ងន់ ដោយលោក ចូលទៅ សម្រាកព្យាបាលជំងឺនៅ មន្ទីរពេទ្យ Ramathibodi ។
ក្រោយពី តាមដាន ស្ថានភាពជំងឺក្រុមវេជ្ជបណ្ឌិត បាន បង្ខំ ចិត្តកាត់ ប្រអប់ ជើង របស់លោក មួយចំហៀង ដើម្បីសង្គ្រោះជីវិតតែជា អកុសលអី អាការៈ ជំងឺ របស់តារាសម្តែង កូនមួយរូបនេះ បែរជាត្រូវបានក្រុមវេជ្ជបណ្ឌិតរកឃើញថា ជំងឺគ្រុនឈាមរបស់លោកបានបណ្តាលឲ្យសួតរបស់គាត់រលាក យ៉ាងធ្ងន់ធ្ងរ ហើយស្ថានភាពជំងឺរបស់ លោក ផរ ក៏មានការវិវត្តន៍ កាន់តែធ្ងន់ធ្ងរឡើង ពី មួយថ្ងៃទៅ មួយថ្ងៃ រហូតដល់បាត់បង់ជីវិតតែម្តងទៅ ៕
*បញ្ជាក់ ៖ ចុចទីនេះ ដើម្បីទស្សនា វីដេអូ
ប្រភព ៖ ថៃរ៉ាត់ និង ហ្វេសប៊ុក