CamNews

ស្វែងរកកំរិតខ្ពស់

អាមេរិកនាំខ្លួនទាហានសម្លាប់មនុស្ស១៦នាក់ ចេញពីអាហ្គានីស្ថាន

ទាហានអាមេរិកដែលត្រូវបានចោទពីបទសម្លាប់ជនស៊ីវិលអាហ្គានីស្ថាន ១៦នាក់កាលពី
ថ្ងៃទី ១១មិនា ត្រូវបាននាំខ្លួនចេញពីប្រទេសនេះ ខណៈដែលរដ្ឋមន្ដ្រីក្រសួងការពារជាតិ
អាមេរិក Leon Panetta កពុងធ្វើទស្សនកិច្ចនៅប្រទេសអាស៊ីខាងត្បូង។


រដ្ឋមន្ដ្រីការពារជាតិអាមេរិក Leon Panetta មកទស្សនកិច្ច អាហ្គានីស្ថានកាល
ពីម្សិលមិញ

ក្រុមមន្ដ្រីបានអោយដឹងថា លិខិតស្នាមប្រឆាំងនឹងពលបាលត្រីដែលត្រូវបានលាក់ឈ្មោះ
នឹងត្រូវបានធ្វើឡើងនៅប្រទេសផ្សេង។ បច្ចុប្បន្នគេមិនទាន់ដឹងថា​ ទាហានដែលត្រូវបាន
ចោទប្រកាន់នោះត្រូវបាននាំទៅទីណានោះទេ។

គួររំឮកថា កាលពីវេលាម៉ោងជាង ៣ ទាបភ្លឺ ថ្ងៃទី ១១មិនា ឆ្នាំ ២០១២ ក្រុមទាហានអាមេរិក
បានសម្រុកចូលទៅក្នុងផ្ទះប្រជាជននៅក្បែរមូលដ្ឋានទ័ពរបស់ខ្លួននៅស្រុក Panjwayi ខេត្ត
Kandahar ភាគខាងត្បូងអាហ្គានីស្ថាន និងបានបាញ់សម្លាប់មនុស្សចំនួន ១៦នាក់ ក្នុងនោះ
មានក្មេង ៩នាក់ និងស្ដ្រី ៣នាក់។ ហេតុការណ៍នេះបានធ្វើអោយមានការខឹងសម្បារយ៉ាង
ខ្លាំងពីសំណាក់ប្រជាជនអាហ្គានីស្ថាន។

អ្នកនាំពាក្យរបស់មន្ទីរបញ្ចកោណ លោក John Kirby បានអោយដឹងថា ទាហានដែលត្រូវបាន
ចោទប្រកាន់នោះ ត្រូវបានឃុំខ្លួននៅមូលដ្ឋានទ័ពអាមេរិកនៅខេត្រ Kandahar រហូតដល់យប់
ថ្ងៃពុធមុននឹងត្រូវបាននាំខ្លួនចេញពីអាហ្គានីស្ថាន។ លោកបន្ដថា ៖ "យើងពុំមានទីកន្លែងឃុំ
ខ្លួនអោយបានសមស្របនៅអាហ្គានីស្ថាន"។

ក្រុមសមាជិកសភាអាហ្គានីស្ថាន បានស្នើអោយកាត់ទោសទាហាននោះនៅក្នុងប្រទេស
អាហ្គានីស្ថាន។

ទោះជាយ៉ាងណាក៏ដោយ ក្រុមអ្នកវិភាគបានថ្លែងថា ប្រការនោះនឹងមិនអាចកើតឡើងជា
ដាច់ខាត។ អាមេរិកតែងអះអាងថា ការចោទប្រកាន់ប្រឆាំងនឹងទាហានអាមេរិកនានានឹង
ត្រូវបានចាត់ការទៅតាមប្រព័ន្ធច្បាប់នៅអាមេរិក៕

ដោយ ៖ សូរីយ៉ា
ប្រព ៖ DT
Theo BBC

Tags: usa, afghanistan

ដែលមើលច្រើន

ប្រទេសទាំង ១០ ដែល​មហាអំណាច​អាមេរិក ជំពាក់លុយច្រើនបំផុត លើលោក

ប្រទេស​ចំនួន ១០ ដែល​ជា​ម្ចាស់​បំណុល​​ធំៗ នៃ​មហាអំណាច​អាមេរិក ច្រើន​ជាង​​គេ​ចិន និង ជប៉ុន

យដឹងថា ជំងឺវីរុសកូរ៉ូណា មានអ្នកឆ្លងដល់ទៅប្រទេសថៃ តារាថៃនាំគ្នាពាក់ម៉ាស់សឹងតែគ្រប់គ្នា

ជំងឺវីរុសថ្មី កូរ៉ូណា ដែលជាជំងឹឆ្លងតាមរយៈផ្លូវដង្ហើម និងភ្នែក ពិសេស នៅវូហានផ្ទាល់ គឺមានអ្នកឆ្លងបានកើនឡើងជំងឺមួយនេះ រហូតដល់ ២៧៦១នាក់ និងមានអ្នកស្លាប់ដោយសារជំងឺនេះ៨១នាក់ផងដែល។

ចៅក្រមញ៉ូវហ្ស៊ីលែន កាត់ទោសបុរសអូស្រ្ដាលីម្នាក់ ដាក់គុកមួយជីវិត ព្រោះតែ.......

នៅថ្ងៃព្រហស្បិ៍នេះ តុលាការញ៉ូវហ្ស៊ីលែន បានកាត់ទោសបុរសម្នាក់ ដែលសម្លាប់បរិស័ទកាន់សាសនាកាតូលីកចំនួន ៥១ នាក់ នៅក្នុងការបាញ់......