១៤ នាក់ស្លាប់ ក្រោយរថយន្តក្រុង បោលចូលជ្រោះជ្រៅ ជម្រៅដល់ទៅជិត ១០០ ម៉ែត្រ
ព័ត៌មានអន្តរជាតិ ៖ បន្ទាប់ពីមានការដកស្រង់ពាក្យ សម្តី មន្ត្រីផ្លូវការក្នុងស្រុក គេហទំព័រសារ ព័ត៌មានបរទេសនាំមុខ ស៊ីអិនអិន បានចេញផ្សាយអត្ថបទ អោយដឹងថា យ៉ាងហោចណាស់ មនុស្ស ១៤ នាក់ បានស្លាប់បាត់បង់ជីវិត ខណៈ ២៨ នាក់ផ្សេងទៀត របួស ធ្ងន់ និង ស្រាល ក្រោយពីមានករណី គ្រោះថ្នាក់ រថយន្តក្រុង បើករអិល ធ្លាក់ផ្លូវ និងបោលចូល ជ្រោះជ្រៅមួយ កន្លែង នៅក្នុង ប្រទេស ឥណ្ឌា ។
បន្ថែមពីលើនេះ មន្រ្តីរដ្ឋាភិបាលជាន់ខ្ពស់ មួយរូប បានគូសបញ្ជាក់បន្តអោយដឹងថា រថយន្តក្រុង ដឹកលើសចំណុះមួយនេះ បានបោលចូលជ្រៅ មួយកន្លែង មានជម្រៅដល់ទៅ ជិត ១០០ ម៉ែត្រ ឯណោះ ។ លោក Shant Manu ស្នងការរង មកពីស្រុក Jammu និងស្រុក Kashmir បានផ្តល់ជា កិច្ចសម្ភាសន៍ ដល់ទំព័រ ស៊ីអិនអិនអោយដឹងថា ១៤ នាក់ បានស្លាប់នៅនឹងកន្លែង ខណៈ ២៨ នាក់ផ្សេងទៀត របួស ក្នុងនោះ ភាគច្រើន របួសធ្ងន់ ។
លើសពីនេះ គាត់បន្ថែមថា ភ្លាមៗនោះ កាលទទួលបានព័ត៌មាន ថាមានសោកនាដកម្មខាងលើ យ៉ាងដូច្នេះហើយនោះ ក្រុមកងទ័ព ប្រទេស ឥណ្ឌា ក៏ដូចជា មន្រ្តីប៉ូលីស ជាច្រើនសិបនាក់ ត្រូវ បានគេដាក់ពង្រាយ នៅកន្លែងកើតហេតុ ខណៈ ឧទ្ធម្ភាគចក្រជាច្រើនគ្រឿង ត្រូវបានគេបញ្ជូន ទៅកាន់កន្លែងកើតហេតុ ដើម្បីជម្លៀសខ្លួនជនរងគ្រោះ ទៅសម្រាកព្យាបាល នៅមន្ទីរពេទ្យ ដែលមានទីតាំង នៅជិតបំផុត ។
ប្រភពបន្តអោយដឹងថា រថយន្តក្រុង មួយគ្រឿងនេះ បានខូចខាតទាំងស្រុង ។ យ៉ាងណាមិញ សេចក្តីរាយការណ៍ បន្តអោយដឹងថា ជារឿយៗ តំបន់នេះ តែងតែកើតមានឡើងនូវគ្រោះថ្នាក់ ពី ព្រោះថា ល្បឿនហួសកំណត់ និង លក្ខខ័ណ្ឌផ្លូវ គឺជា បញ្ហាចោទជាចម្បង ៕
ប្រែសម្រួល ៖ កុសល
ប្រភព ៖ ស៊ីអិនអិន
- ចិន ថា ការចង់បានឯករាជ្យរបស់កោះតៃវ៉ាន់ គឺជារឿងយល់សប្តិ ដែលគ្មានថ្ងៃក្លាយជាការពិត (29/03/2017 16:16:00)
- ផ្ទុះបាតុកម្ម ហឹង្សា នៅកណ្តាលទីក្រុង ល្បី ក្រោយប៉ូលីស បាញ់សម្លាប់ជនជាតិ ចិន ដល់ផ្ទះ (29/03/2017 15:27:00)
- "គ្រោះថ្នាក់" ស្រីស្រស់ អ្នកជំនួញវ័យក្មេង ស្លាប់ ក្រោយវះកាត់កែសម្ភស្ស ៣ កន្លែង ក្នុងពេលតែមួយ (29/03/2017 14:45:00)
- រកឃើញ បំណែកសាកសព នៅក្នុងនាវា Sewol ដែលគ្រប់គ្នាគិតថា បំណែកសាកសព មនុស្ស តែការពិត បានភ្ញាក់ផ្អើល (29/03/2017 10:06:00)
- ការពិត ចឹងសោះ បានជណ្តើរយន្ត គ្រោះថ្នាក់ វិល ថយក្រោយ បណ្តាលឲ្យមនុស្ស ១៨នាក់ របួស (មានវីដេអូ) (27/03/2017 15:40:00)
- សូម្បីតែ អ្នកសំអាត ក៏ក្លាយជាអ្នកមានដែរ, Porsche ប្រកាសឲ្យ Bonus គ្រប់ៗគ្នា ក្នុង១នាក់ជិត 14.000$ (25/03/2017 09:59:00)
- កាន់តែវីវរ, បញ្ជា ត្រឹមតែ ៥ ថ្ងៃ ឲ្យប្រមូលសាច់ ត្រលប់មកវិញ ពី ៣ ក្រុមហ៊ុន ប្រេស៊ីល ក្រោយផ្ទុះអាស្រូវ (25/03/2017 09:28:00)
- ស្លាប់សិស្សសាលាបឋម ២នាក់ ព្រោះតែរត់ជាន់គ្នា ពេលទៅបន្ទប់ទឹក ក្នុងសាលារៀន (24/03/2017 15:35:00)
- ថាមែនមែន, ISIS ចេញមុខ ថាខ្លួនជាអ្នកវាយប្រហារ ភារវកម្ម នៅក្រុង London សម្លាប់មនុស្ស ៤នាក់នៅជិតរដ្ឋសភា (24/03/2017 09:50:00)
- ភារវកម្ម សម្លាប់មនុស្ស ៤នាក់ នៅមុខសភា ជនសង្ស័យ ៧នាក់ ត្រូវចាប់ខ្លួនបានហើយ (23/03/2017 15:56:00)
ព័ត៌មានអន្តរជាតិ ដែលមើលច្រើន
