នាងខ្ញុង បដិសេធរឿងស្នេហា ពាក់មី ប្រាប់ថាចាំទៅធ្វើជា កូនក្រមុំរបស់បុរសនៅបរទេស

តារា

នាងខ្ញុង បដិសេធរឿងស្នេហា ពាក់មី ប្រាប់ថាចាំទៅធ្វើជា កូនក្រមុំរបស់បុរសនៅបរទេស

10:19 AM 07.11.2012
Print Email

រឿងរ៉ាវរបស់តារាកំប្លែងល្បីនាយ ពាក់មី និងនាងខ្ញុង ដែលវាបានក្លាយជារងើកភ្លើងឆេះតិចៗតែក្ដៅ
ងំ នោះមិនទាន់បានបញ្ចប់ស្រួលបួលនោះទេ កាលពីប៉ុន្មានខែមុននេះ ដោយសារតែការសម្ដែងលើ
ឆាករបស់អ្នកទាំង ២ ហាក់ដូចជាមានការស្និទ្ធស្នាលខុសពីធម្មតា នោះទើបមានពាក្យនិយាយពីមាត់
មួយទៅមាត់មួយថានាយ ពាក់មី និងនាងខ្ញុង ដែលជាសមាជិកក្រុមសម្ដែងកំប្លែង CTN នោះមាននូវ
សម្ព័ន្ធស្នេហាលួចលាក់ រហូតដល់ថ្នាក់រស់នៅក្នុងដំបូលតែមួយទៀតផង។

នរណាៗក៏បានដឹងថានាយពាក់មី ជាបុរសដែលជាមេគ្រួសារមានភរិយាស្របច្បាប់ហើយថែមទាំង
មានកូនទៀតផង ខណៈដែលនាងខ្ញុង ជាតារាមេម៉ាយកូនមួយក្ដៅស្រួយនោះ។ ពាក្យចចាមអារាម
នេះផងដែរ ក៏ត្រូវបាននាយ ពាក់មី ចេញមុខមកបកស្រាយម្ដងរួចមកហើយតាមរយៈទស្សនាវត្តីក្នុង
ស្រុកមួយកាលពីប៉ុន្មានខែមុននេះ។

តែយ៉ាងណាទោះបីជាមានការបកស្រាយពីនាយពាក់មី យ៉ាងណាក្ដីក៏ពាក្យនិយាយតៗគ្នានៅតែ
មានមិនដាច់ថាអ្នកទាំង ២ មានសម្ព័ន្ធភាពស្នេហាលួចលាក់ ដោយហេតុនេះទើបកាលពីពេលថ្មីៗ
កន្លងមកនេះអ្នកនាង ស្រេង សុកាន់ដា ហៅខ្ញុង បានចេញមុខមកបកស្រាយ តែម្ដងថានាងកំពុង
តែរៀបចំខ្លួនធ្វើជាកូនក្រមុំ របស់បុរសនៅឯនាយសមុទ្ទ មិនមែនមានស្នេហាជាមួយនាយពាក់មី
នោះទេ។

នាងខ្ញុងបានប្រាប់អោយដឹងថា មុនពេលដែលនាងចេញមកប្រលូកក្នុងវិស័យសិល្បះកំប្លែងនេះ
នាងបានដាច់ស្រាច់គ្នាជាមួយអតីតស្វាមីដែលជាអាជីវករនៅខែត្រសៀមរាប រួចស្រាច់មកហើយ
ដោយការលែងលះគ្នាស្របច្បាប់តាមអំណាចសាលក្រមតុលាការ ហើយបញ្ហានេះគឺបណ្ដាល
មកពីការរស់នៅ មិនចុះសម្រុងគ្នា។

ហើយចំពោះបញ្ហាពន្លកស្នេហាថ្មីរបស់តារាមេមាយក្ដៅស្រួយរូបនេះ នាងបានប្រាប់ផងដែរថាពី
ដើមឡើយមិនដែលបានគិតរឿងថានឹងរកស្វាមីថ្មី នោះទេ។ ហើយមកដល់ពេលនេះដោយសារ
តែមានពាក្យនិយាយតមាត់គ្នា ថានាងខ្ញុងមានស្នេហាជាមួយនាយ ពាក់មី ទើបនាងខ្ញុងបានចេញ
មុខមកបកស្រាយតែម្ដងថា "បុរសដែលខ្ញុំភ្ជាប់ទំនាក់ទំនងនោះមិនមែនជាបង ពែកមី ដូចដែល
ពាក្យឮនាពេលកន្លងមកនោះទេ ផ្ទុយទៅវិញបុរសនោះ គាត់ស្គាល់ខ្ញុំក៏តាមរយៈបង ពែកមី ដែរ។
ខ្ញុំបានស្គាល់បុរសនៅខាងក្រៅស្រុកម្នាក់ ហើយមកទល់ពេលនេះ ពួកខ្ញុំបានភ្ជាប់ទំនាក់ទំនង
ស្នេហានឹងគ្នាជាងមួយឆ្នាំហើយ ក្រោយពីគាត់សុំលេខទូរស័ព្ទខ្ញុំពីបង ពែកមី"។

នាងបញ្ជាក់ថា ការព្យាយាម រស់លាក់បាំងសមាសភាពជាស្ត្រីមេម៉ាយកន្លងមក មិនមែនដើម្បីជា
រនាំងបិទបាំងស្នេហ៍ជាមួយបុរសណានោះទេ តែជាហេតុផលមួយដើម្បីការងារ និងចំណូលពីសិ
ល្បៈ ប្រសិនបើគេដឹងនាងម៉េម៉ាយគេមិនចង់បាននាងកាត់សក់ការនោះទេ៕