CamNews

យើងតែងតែឃើញការលេងល្បែងបែបនេះមានតែចំពោះយុវវ័យឈាមរាវមួយចំនួនតូចតែ
ប៉ុណ្ណោះ តែពេលនេះស្រាប់តែល្បែងលេងបៀរភ្នាល់ស្រាតខោអាវនេះកំពុងទទួលបានការ
ពេញនិយមបំផុតនៅទូទាំងប្រទេសអាល្លឺម៉ង់ទៅហើយ ។

ក្នុងការប្រកួតល្បែងនេះគេសង្កេតឃើញអ្នកចូលប្រកួតទាំងអស់សុទ្ធតែពោពេញទៅដោយ
សមត្ថភាពគ្រប់ៗគ្នា ហើយពួកគេបានខិតខំយ៉ាងពេញទំហឹងដើម្បីឈ្នះបានសំបុត្រធ្វើដំនើរ
កំសាន្តទៅកាន់រដ្ឋ Las Vegas ក្នុងប្រទេសអាមេរិក ផងដែរ ។

ការប្រកួតល្បែងនេះត្រូវបានក្លាយជាល្បែងប្រកួតប្រចាំឆ្នាំជារៀងរាល់ឆ្នាំទៀតផងនៅក្នុង
ប្រទេស អាល្លឺម៉ង់ ដែលការប្រកួតលើកដំបូងបានធ្វើឡើងនៅក្នុងកាស៊ីណូ Blauer Salon
របស់សណ្ឋាគារ Dresden Park Hotel​ ដែលមានអ្នកចូលរួមប្រកួតទាំងអស់ ៤០ នាក់ ក្នុង
នោះមានប្រុស ៣៣ នាក់ និងស្រី ៧នាក់ ។

ម្នាក់ៗខិតខំអស់ពីកំលាំងកាយចិត្តនិងប្រាជ្ញាដើម្បីធ្វើយ៉ាងណាររក្សាអោយបាននូវសំលៀក
បំពាក់លើខ្លួនពួកគេ​ បើមិនដូច្នោះទេគេនឹងត្រូវស្រាតចេញបន្តិចម្តងៗពេលដែលចាញ់ក្នុង
ការប្រកួតមួយក្តារៗ ។ ការប្រកួតនេះមិនតំរូវអោយអ្នកប្រកួតណាម្នាក់ចេញប្រាក់នោះទេ
គឹមានត្រឹមតែសម្ថភាពគឺអាចចូលរួមប្រកួតបាន ។


ការប្រកួតល្បែងដ៏គួរអោយចំលែកបែបនេះគឺធ្វើឡើងដោយក្រុមហ៊ុនស្រោមអនាម័យ
Billy Boy ដែលហៅឈ្មោះជាផ្លូវការថា Dresden Strip Poker Tournament ។ នៅចុងបញ្ចប់
១២នាក់នឹងត្រូវបានជាប់នៅក្នុងការរប្រកួតជំរុះចុងក្រោយ ដែលនឹងធ្វើការប្រកួត Strip
Poker Championship នៅក្នុងទីក្រុង Hamburg ប្រទេអាល្លឺម៉ង់ ។ ហើយពានរង្វាន់ជ័យលាភី
ចុងក្រោយគឺជាការធ្វើដំណើរកំសាន្តនៅក្នុងរដ្ឋ Las Vegas ប្រទេសអាមេរិករយៈពេលបួន
រាត្រីនៅឯសណ្ឋាគារ MGM Grand Hotel និងមានរថយន្តទំនើប limosine មកទទួល និងការ
ជិះឧទ្ធម្ភាគចក្រធ្វើដំណើរទស្សនាចរណ៍នៅជុំវិញទីក្រុង Sin City ទៀតផង ៕

ពិតជាគួរអោយចាប់អារម្មណ៍មែន ! តើប្រិយមិត្តចង់សាកល្បងដែររឺទេ ?

ប្រភព៖ ione.net
ដោយ៖ រដ្ឋា