បាត់កងដៃ និងក្រវិល រៀបចំអន្ទាក់ យកដុល្លារ ទៅដាក់កន្លែងបាត់ លេចមុខចោរ មកលួច
ភ្នំពេញ ៖ បុរសម្នាក់រកស៊ីលក់ដូរ ដោយ សារតែបាត់កងដៃនិងក្រវិល មិនដឹងមុខ ក៏ រៀបចំអន្ទាក់ យកលុយដុល្លារ២០០ ដាក់ កន្លែងដែលបាត់ រួចបំពាក់ កាមេរ៉ាសុវត្ថិភាព ស្រាប់តែលេចមុខជនសង្ស័យម្នាក់មកលួច លុយដុល្លារនេះ ក៏ក្របួច បានតែម្ដង ។
ហេតុការណ៍ចោរលួចទ្រព្យសម្បត្ដិខាងលើនេះ បានបង្កឱ្យមានការភ្ញាក់ផ្អើល កាល ពីវេលាម៉ោង ១០និង៣០នាទី ព្រឹកថ្ងៃទី១៦ ខែតុលា ឆ្នាំ២០១៤នេះ ស្ថិតនៅ ភូមិត្រពាំងឈូក សង្កាត់កន្ទោក ខណ្ឌពោធិ៍សែនជ័យ ។
មន្ដ្រីនគរបាល ប៉ុស្ដិ៍កន្ទោក បានឱ្យដឹងថា ជនសង្ស័យដែលត្រូវចាប់ខ្លួនខាងលើនេះ ឈ្មោះគង់ ធារ៉ា អាយុ១៨ឆ្នាំ មុខរបរនិងទីកន្លែងស្នាក់នៅមិនពិតប្រាកដ ហើយមានស្រុកកំណើតនៅឃុំកំពង់អម្ពិល ស្រុកពារាំង ខេត្ដព្រៃវែង ដោយឡែកជនរងគ្រោះវិញ ឈ្មោះមិន សុផល ហៅកាយ អាយុ៤៩ឆ្នាំ មុខរបរលក់ដូរ ។
បើតាមសមត្ថកិច្ច ក្រោយពីបាត់កងដៃ និងក្រវិល រួចមក ជនរងគ្រោះបានរៀបចំ អន្ទាក់ ដោយយក លុយ ចំនួន ២០០ ដុល្លារ ដាក់នៅកន្លែងបាត់ ដោយបំពាក់កាមេរ៉ា សុវត្ថិភាព ស្រាប់តែនៅវេលាម៉ោងកើតហេតុ ក៏លេចមុខ ជនសង្ស័យ រូបនេះ ចូលមកលួចម្ដងទៀត ធ្វើឱ្យជនរងគ្រោះដឹងទាន់ស្រែកឆោឡោ ហើយពេលនោះ ជនល្មើស បានរត់គេចខ្លួន រហូតដល់ចំណុចទួលសេះស្លាប់ ក៏ត្រូវបានប្រជាពលរដ្ឋនិងសមត្ថកិច្ចមូលដ្ឋាន ឡោមព័ទ្ធចាប់បានតែម្ដង ។
បច្ចុប្បន្នជនសង្ស័យរូបនេះ ត្រូវបានឃុំ ខ្លួននៅប៉ុស្ដិ៍នគរបាលសង្កាត់កន្ទោក ដើម្បី បញ្ជូនទៅកាន់ អធិការដ្ឋាន នគរបាលខណ្ឌ ពោធិ៍សែនជ័យ ចាត់ការបន្ដតាមផ្លូវច្បាប់ ។
ផ្ដល់សិទ្ធិដោយ៖ ដើមអម្ពិល
- អូអុិឈិ តែបៃតងលេខ១ នៅកម្ពុជា រកឃើញអ្នកឈ្នះរង្វាន់ ៨នាក់ ពីកម្មវិធី (05/03/2019 17:02:00)
- គន្លឹះទាំងនេះ ជួយឱ្យអ្នកស្រកខ្លាញ់ក្បាលពោះយ៉ាងមានប្រសិទ្ធភាព (04/03/2019 16:07:00)
- ហេតុអ្វី ខ្ញុំមិនប្រសើរដូចគេ? វគ្គ១ (27/02/2019 12:05:00)
- វីធីរក្សាជីវិតគូឲ្យបានយួរអង្វែង (20/02/2019 14:36:00)
- រៀបការបានមួយខែ នី រតនា មានកាដូពិសេសជូនហ្វេនៗ (19/02/2019 09:59:00)
- តោះមកដឹងទីតាំងដែល តារាចម្រៀង សុខ ពិសី ប្រកាសអញ្ជើញលោកតា លោកយាយ ដែលខ្វះខាតមកពិសារបាយថ្ងៃមួយពេល (13/02/2019 12:04:00)
- សុខ ពិសី មិនត្រឹមតែស្អាត និងច្រៀងពិរោះប៉ុណ្ណោះទេ តែថែមទាំងចិត្តល្អទៀត! តើនាងធ្វើអំពើល្អអ្វីខ្លះទៅ (12/02/2019 13:45:00)
- មិននឹកស្មានថា ស្លឹកត្របែកក៏អាចព្យាបាលរោគស្រ្ដីប្រភេទនេះបានដែរ! (09/02/2019 09:08:00)
- វិធីទាក់ចិត្ដបុរសឱ្យលង់ស្នេហ៍នឹងអ្នក ដែលអ្នកមិនធ្លាប់ដឹង (30/01/2019 15:08:00)
- សុខ ពិសី ទប់ទឹកភ្នែកលែងជាប់ ក្រោយម្តាយ ខេមរៈ ស្រីពៅ រៀបរ៉ាប់រឿងរ៉ាវមុនពេលនាងទទួលមរណភាព (28/01/2019 11:07:00)