CamNews

ព័ត៌មានកីឡា៖ កីឡាករប្រដាល់ជនជាតិ អង់គ្លេស ឈ្មោះថា Amir Khan បានថែ្លងក្នុងសន្និសិតការសែត អំពី​ឱកាសនៃការប្រកួតជាមួយ ប៉ាក់គីអៅ ខណៈដែលអ្នកទាំងពីអាចនឹងត្រូវបានគ្រោងចូលប្រកួតនៅដើមឆ្នាំ​ខាងមុខនៅទីក្រុង Dubai បន្ទាប់ពីមានការអះអាងរបស់ លោក Bob Arum។ 

Amir Khan បានបរាជ័យនឹងការឈរឈ្មោះជាបេក្ខជន ជម្រើសរបស់ Floyd សម្រាប់ថ្ងៃប្រកួត ទី១២ ខែក្រោយ។ ទន្ទឹមនឹងការខកខានមិនបាន ប្រកួតនេះ កីឡាករក៏បានងាកមកចាប់អារម្មណ៍កីឡាករ ប៉ាក់គីអៅ​វិញម្ដង ដែលគ្រោងនឹងជួបគ្នានៅដើមឆ្នាំក្រោយនេះ រឺអាចចុងឆ្នាំនេះក៏បានប្រសិនជាកីឡាករ បាក់គីអៅ មានលក្ខណៈជាសះស្បើយដូចដើមហើយ។ Amir Khan មិនទាន់ជាយល់ព្រមទាំងស្រុងនឹងការ ប្រកួតនេះ​នៅ​ឡើយទេ ប៉ុន្ដែកីឡាករធ្លាប់បានឆ្លើយតបទៅកាន់លោក​ Bob Arum ម្ដងហើយកាលពីខែមុនថា កីឡាករ​ រង់ចាំមើល ថា Floyd សម្រេចចិត្ដជ្រើសរើស កីឡាករ​ រឺអ្នកផ្សេងសម្រាប់គូរប្រកួត​ចុងក្រោយ ប្រ​សិ​ន​ជា Floyd ជ្រើសរើសអ្នកដទៃ នោះកីឡាករនឹងយល់ព្រមប្រកួត ជាមួយ ប៉ាក់គីអៅ នៅទីក្រុង Dubai ។ ទាំងនេះ គឺជាពាក្យសម្ដីដែលអាចធ្វើឲ្យលោក Bob Arum មានសង្ឃឹមថា អ្នកទាំងពីរនឹងមានឱកាស ប្រ​កួត​គ្នា ។ ហើយ​បើ Amir Khan មិនបានធ្វើតាមសម្ដីដូចមាត់នោះ ទេ​លោក Bob Arum នឹងមានសិទ្ធប្ដឹង កីឡាករបាន។

ថ្វីត្បិតតែការប្រកួតមិនទាន់សម្រេចជាផ្លូវការ ប៉ុន្ដែ Amir Khan ក៏បានបង្ហាញពីចំណាប់អារម្មណ៍គម្រោងនៃការប្រកួតនេះថា ប្រសិនជាមានការប្រកួតមែននោះ កីឡាករគួរតែរៀនសូត្រយកគំរូបតាម យុទ្ធសាស្រ្ដប្រកួតរបស់ Floyd ដែលបាន យកឈ្មះ ប៉ាក់គីអៅ កាលពីប្រកួត នៅខែឧសភា។ ព្រោះថាក្បាច់ដែល​ប្រកួត​ដើម្បីយកឈ្មះដៃគូរប្រកួតដូចជា​ ប៉ាក់គីអៅ ត្រូវមានលក្ខណៈដូចជា​ រហ័ស ទន់ភ្លន់ ក្នុងការគេច នោះ​ហើយជាលក្ខណៈរបស់ Floyd ដែលអាចយកឈ្នះ ប៉ាក់គីអៅបាន ។ Floyd អាចយកឈ្នះ បាក់គីអៅ ដោយ​ ភាពទន់ជ្រាយ ហើយមើលទៅគាត់ធ្វើ ដូចជាងាយស្រួលខ្លាំងណាស់ ។ Amir Khan បានបន្ដទៀតថា ប្រសិនជាកីឡាករ រៀនធ្វើដូច្នេះតាំងតែពីយូរ នោះការប្រកួតកន្លងមក គឺមិនដែលចាញ់នោះទេ។ ហេតុនេះហើយ រៀនសូត្រតាម ក្បាច់របស់ Floyd អាចនឹងជួយឲ្យគាត់ យកឈ្នះ ប៉ាក់គីអៅ បានហើយ។​

ដោយ៖ អឿ អ៊ុយ

ប្រភព៖ skysports