CamNews

(កូរ៉េ)៖ បន្ទាប់ពីចូលបម្រើការងារយោធាអស់រយៈពេល២ឆ្នាំមក តារាប្រុសស្រស់សង្ហា៨ដួង នឹងត្រឡប់មកជួបអ្នកគាំទ្ររបស់ខ្លួនវិញហើយនៅលើឆាកសម្តែង។ ការចូលបម្រើការងារយោធា ទាមទារឲ្យមានអាយុចន្លោះពី១៨ឆ្នាំ ដល់៣៥ឆ្នាំហើយអាចបំពេញកាតព្វកិច្ចនេះចាប់ពី២១ខែ ដល់ ៣៦ឆ្នាំទើបបុរសៗ អាចត្រឡប់មកធ្វើការងារដែលខ្លួនធ្លាប់ធ្វើពីមុនវិញ។ តារាប្រុសទាំង ៨ដួងនេះត្រូវបានមហាជនរំពឹងថានឹងឡើងចូលមក K-Pop ជាថ្មីនៅឆ្នាំ២០១៧ ខាងមុខនេះរួមមាន៖

1. Super Junior’s Shindong

Shindong ចូលបម្រើយោធានៅឆ្នាំ២០១៤ តែត្រូវពន្យារដល់២០១៥ ហើយគេនឹងបំពេញការងារនេះរយៈពេល ២១ខែ។ តារាប្រុសរូបនេះចាប់ផ្តើមថតខ្សែភាពយន្តឲ្យ KBS ក្នុងរឿង Battle Trip ។

2. JYJ’s Jaejoong

JaeJoong ចូលបម្រើទ័ពឆ្នាំ២០១៥ រយៈពេល២១ខែដូចគ្នាហើយគេក៏ទទួលបានពានរង្វាន់កិត្តិយសច្រើនដែរពីការងារនេះ។ តារាប្រុសរូបនេះអាចនឹងបញ្ចប់កាតព្វកិច្ចយោធា នៅចុងខែធ្នូ ឆ្នាំ២០១៦។

3. Super Junior’s Sungmin

Sungmin ចូលបម្រើយោធានៅថ្ងៃតែមួយនឹង Jaejoong ដែរហើយរំពឹងថានឹងចប់កាតព្វកិច្ចនៅថ្ងៃដូចគ្នា។ មិនតែប៉ុណ្ណោះតារាប្រុសរូបនេះត្រូវបានជ្រើសរើសធ្វើជាតំណាងក្រុមដើរតួដូចជាតារាម៉ូដែលទាហានទៀតផង។

4. TVXQ‘s Yunho

Yunho ធ្វើការងារយោធារយៈពេល២១ខែហើយនឹងបញ្ចប់នៅខែមេសា ឆ្នាំ២០១៧។ គេជាមេដឹកនាំក្រុមទាហានមួយកងពលនិងបានទទួលពានរង្វាន់ស្នាដៃឆ្នើមទៀតផង។

5. Super Junior’s Eunhyuk

Eunhyuk នឹងបញ្ចប់ការងារបម្រើងទ័ពនៅកំឡុងខែកក្កដា ឆ្នាំ ២០១៧ ហើយតារាប្រុសរូបនេះក៏ជាអ្នកលេងត្រុំ ប៉ែតក្នុងក្រុមតន្ត្រីយោធាដែរ។

6. Super Junior’s Donghae

Donghae ចូលបម្រើយោធានៅឆ្នាំ២០១៥ ហើយគ្រោងនឹងបញ្ចប់កាតព្វកិច្ចនៅខែកក្កដា ឆ្នាំ២០១៧ ខាងមុខនេះ។

7. Super Junior’s Siwon

Siwon នឹងបញ្ចប់ការងារយោធានៅកំឡុងខែសីហា ឆ្នាំ២០១៧ ។

8. TVXQ’s Changmin

Changmin ចូលបម្រើការងារទ័ពនៅថ្ងៃតែមួយដូចតារាចម្រៀង Siwon ដែរនិងគ្រោងបញ្ចប់កាតព្វកិច្ចនៅថ្ងៃតែមួយ។
មហាជនក៏ដូចជាអ្នកគាំទ្រសង្ឃឹមថា នៅឆ្នាំ២០១៧ខាងមុខនេះនឹងបានជួបការសម្តែង  ជាថ្មីរបស់តារាប្រុស    ដ៏ស្រស់សង្ហាទាំង ៨ដួងនេះឡើងវិញ៕