វាយប្រហារគុកមួយកន្លែង មនុស្ស ៧ នាក់ស្លាប់ ខណៈអ្នកទោស ច្រើននាក់ រត់គេចខ្លួន
ព័ត៌មានអន្តរជាតិ ៖ យ៉ាងហោចណាស់ មនុស្ស ៧ នាក់ បានស្លាប់បាត់បង់ជីវិត ខណៈ អ្នកទោស ជាច្រើននាក់ផ្សេងទៀត បានរត់គេចខ្លួន បានសម្រេច កាលពីថ្ងៃព្រហស្បត្តិ៍ ម្សិលមិញនេះ បន្ទាប់ ពីមានករណីវាយប្រហារគុក មួយកន្លែង ពីសំណាក់ ក្រុមសកម្មប្រយុទ្ធ នេះបើតាមការអះអាង អោយដឹងពីក្រសួងមហាផ្ទៃ ប្រទេស យេមែន ។
បន្ទាប់ពីមានការដកស្រង់សេចក្តីរាយការណ៍ ពី ក្រសួងមហាផ្ទៃ ប្រទេស យេមែន ទំព័រសារព័ត៌ មានបរទេស ស៊ីអិនអិន បានចេញផ្សាយ អោយដឹងថា ករណីវាយប្រហារគុកមួយកន្លែងខាងលើ នេះ ដោយស្នាដៃ ពួកសកម្មប្រយុទ្ធ បានកើតឡើងក្នុងក្រុង Sanaa ។
ប្រភពដដែល បន្តអោយដឹងថា ករណីវាយប្រហារលើកនេះ អាចកើតឡើងទៅបាន ក្រោយពីមាន ការវាយប្រហារ ដោយបានប្រើប្រាស់ រថយន្តបំផ្ទុះ គ្រាប់បែកអត្តឃាត ដោយនៅក្នុងនោះ ក៏មាន ករណីផ្ទុះអាវុធ រវាងក្រុមសន្តិសុខ ដែលត្រូវជា ឆ្មាំគុក និង ក្រុមសកម្មប្រយុទ្ធ មានរយៈពេលដល់ ទៅ ១ ម៉ោងកន្លះ នៅចំពីមុខទ្វារគុកចេញ និង ចូល ផ្ទាល់តែម្តង។
បន្ថែមពីលើនេះ បើយោងតាមសម្តីសាក្សី ដែលបានឃើញហេតុការណ៍ខាងលើ ដោយផ្ទាល់នឹង ភ្នែក បានផ្តល់ជាកិច្ចសម្ភាសន៍ ដល់ទីភ្នាក់ងារ សារព័ត៌មានបរទេសនាំមុខ ស៊ីអិនអិន អោយដឹង ថា ក្នុងរយៈពេល ត្រឹមតែ ១ នាទី ដំបូង នៃការវាយប្រហារ គេឃើញមាន ការបំផ្ទុះគ្រាប់បែកដល់ ទៅ ៧ គ្រាប់ព្រមៗគ្នា ដោយនៅក្នុងនោះ បានបណ្តាលអោយ សំណង់អាគារ ពន្ធនាគារមួយទាំង មូល រងនូវការខូចខាត បាក់រលំ និង រញ្ជួយ ស្របពេលដែលបានធ្វើអោយ មនុស្សយ៉ាងហោច ណាស់ ៧ នាក់ស្លាប់ ខណៈ ២ នាក់ផ្សេងទៀត ទទួលរងរបួស ៕
ប្រែសម្រួល ៖ កុសល
ប្រភព ៖ ស៊ីអិនអិន
- ចិន ថា ការចង់បានឯករាជ្យរបស់កោះតៃវ៉ាន់ គឺជារឿងយល់សប្តិ ដែលគ្មានថ្ងៃក្លាយជាការពិត (29/03/2017 16:16:00)
- ផ្ទុះបាតុកម្ម ហឹង្សា នៅកណ្តាលទីក្រុង ល្បី ក្រោយប៉ូលីស បាញ់សម្លាប់ជនជាតិ ចិន ដល់ផ្ទះ (29/03/2017 15:27:00)
- "គ្រោះថ្នាក់" ស្រីស្រស់ អ្នកជំនួញវ័យក្មេង ស្លាប់ ក្រោយវះកាត់កែសម្ភស្ស ៣ កន្លែង ក្នុងពេលតែមួយ (29/03/2017 14:45:00)
- រកឃើញ បំណែកសាកសព នៅក្នុងនាវា Sewol ដែលគ្រប់គ្នាគិតថា បំណែកសាកសព មនុស្ស តែការពិត បានភ្ញាក់ផ្អើល (29/03/2017 10:06:00)
- ការពិត ចឹងសោះ បានជណ្តើរយន្ត គ្រោះថ្នាក់ វិល ថយក្រោយ បណ្តាលឲ្យមនុស្ស ១៨នាក់ របួស (មានវីដេអូ) (27/03/2017 15:40:00)
- សូម្បីតែ អ្នកសំអាត ក៏ក្លាយជាអ្នកមានដែរ, Porsche ប្រកាសឲ្យ Bonus គ្រប់ៗគ្នា ក្នុង១នាក់ជិត 14.000$ (25/03/2017 09:59:00)
- កាន់តែវីវរ, បញ្ជា ត្រឹមតែ ៥ ថ្ងៃ ឲ្យប្រមូលសាច់ ត្រលប់មកវិញ ពី ៣ ក្រុមហ៊ុន ប្រេស៊ីល ក្រោយផ្ទុះអាស្រូវ (25/03/2017 09:28:00)
- ស្លាប់សិស្សសាលាបឋម ២នាក់ ព្រោះតែរត់ជាន់គ្នា ពេលទៅបន្ទប់ទឹក ក្នុងសាលារៀន (24/03/2017 15:35:00)
- ថាមែនមែន, ISIS ចេញមុខ ថាខ្លួនជាអ្នកវាយប្រហារ ភារវកម្ម នៅក្រុង London សម្លាប់មនុស្ស ៤នាក់នៅជិតរដ្ឋសភា (24/03/2017 09:50:00)
- ភារវកម្ម សម្លាប់មនុស្ស ៤នាក់ នៅមុខសភា ជនសង្ស័យ ៧នាក់ ត្រូវចាប់ខ្លួនបានហើយ (23/03/2017 15:56:00)
ព័ត៌មានអន្តរជាតិ ដែលមើលច្រើន
