ឆាបឆេះ រថយន្តក្រុង យ៉ាងសន្ធោសន្ធៅ សម្លាប់ក្មេងៗ ដល់ទៅ ៣១ នាក់ (មានវីដេអូ)
ព័ត៌មានអន្តរជាតិ ៖ ទំព័រសារព័ត៌មាន ស៊ីអិនអិន ប៉ុន្មានម៉ោងមុននេះ បន្តិច បានចេញផ្សាយអត្ថបទ យ៉ាងហោចណាស់ មនុស្ស ៣២ នាក់ បានស្លាប់បាត់បង់ជីវិត ក្នុងករណី គ្រោះថ្នាក់ ភ្លើងឆាបឆេះរថ យន្តក្រុងមួយគ្រឿង យ៉ាងសន្ធោសន្ធៅ កាលពីថ្ងៃ អាទិត្យ ម្សិលមិញ នៅឯ ប្រទេស កូឡុំប៊ី ។
សេចក្តីរាយការណ៍ បន្តអោយដឹងថា រថយន្តក្រុងខាងលើបានដឹកបណ្តាក្មេងៗជាច្រើន ចេញពីវិហារ មួយកន្លែង ក្រោយពីមានការប្រារព្ធកម្មវិធីនៅទីនោះ តែដឹងអីថា នៅក្នុងដំណើរវិលត្រលប់មកវិញ ក៏ បានជួបនឹងគ្រោះថ្នាក់ រន្ធត់នេះតែម្តង ។
អ្នកទាំងអស់គ្នា ស្រែកឆោឡោ ភ័យស្លន់ស្លោ និង រត់យកតែរួចខ្លួន ស្របដែលភ្លើងកំពុងតែឆាបឆេះ នេះបើយោងតាមសម្តីក្មេងប្រុសម្នាក់ ដែលបានរួចផុត ពីសេចក្តីស្លាប់ខាងលើ ក្រោយពីរត់ចេញតាម មាត់បង្អួច ។ លោក Harry Aaron ជាមន្រ្តីផ្លូវការ មកពីនាយកដ្ឋាន ការពារជនស៊ីវិល បញ្ជាក់អោយ ដឹងថា ក្នុងចំណោមជនរងគ្រោះ ទាំង ៣២ នាក់ ដែលបានស្លាប់ បាត់បង់ជីវិតនោះ ៣១ នាក់ជាក្មេង តូចៗ ខណៈម្នាក់ជាមនុស្សពេញវ័យ ។
អាជ្ញាធរ ប្រចាំតំបន់ ក៏កំពុងតែធ្វើការតាមដាន ស៊ើប អង្កេត ដើម្បីកំណត់អោយបាននូវមូលហេតុ ដែលនាំអោយមានគ្រោះអគ្គីភ័យ ឆាបឆេះយ៉ាងសន្ធោសន្ធៅ យ៉ាងដូច្នេះ ។ យ៉ាងណាមិញ បើតាម សម្តីសាក្សីមួយរូប បញ្ជាក់អោយដឹងថា បុរសជាអ្នកបើកបរ បានចាក ចេញឆ្ងាយពីរថយន្ត ទៅរក ភេសជ្ជៈផឹក ខណៈទុកអោយក្មេងៗចាក់សាំង ចូលទៅក្នុង រថយន្តដោយខ្លួនឯង ។
ប្រធានាធិបតី ប្រទេស កូឡុំប៊ី លោក Juan Manuel Santos បានចែករំលែក នូវសារកាន់ទុក្ខ នៅលើ ទំព័រទ្វីតធើ ខណៈទូទាំងប្រទេស បានចាប់ផ្តើម កាន់ទុក្ខ ទៅនឹងករណីខាងលើនេះ ៕
ប្រែសម្រួល ៖ កុសល
ប្រភព ៖ ស៊ីអិនអិន
- ចិន ថា ការចង់បានឯករាជ្យរបស់កោះតៃវ៉ាន់ គឺជារឿងយល់សប្តិ ដែលគ្មានថ្ងៃក្លាយជាការពិត (29/03/2017 16:16:00)
- ផ្ទុះបាតុកម្ម ហឹង្សា នៅកណ្តាលទីក្រុង ល្បី ក្រោយប៉ូលីស បាញ់សម្លាប់ជនជាតិ ចិន ដល់ផ្ទះ (29/03/2017 15:27:00)
- "គ្រោះថ្នាក់" ស្រីស្រស់ អ្នកជំនួញវ័យក្មេង ស្លាប់ ក្រោយវះកាត់កែសម្ភស្ស ៣ កន្លែង ក្នុងពេលតែមួយ (29/03/2017 14:45:00)
- រកឃើញ បំណែកសាកសព នៅក្នុងនាវា Sewol ដែលគ្រប់គ្នាគិតថា បំណែកសាកសព មនុស្ស តែការពិត បានភ្ញាក់ផ្អើល (29/03/2017 10:06:00)
- ការពិត ចឹងសោះ បានជណ្តើរយន្ត គ្រោះថ្នាក់ វិល ថយក្រោយ បណ្តាលឲ្យមនុស្ស ១៨នាក់ របួស (មានវីដេអូ) (27/03/2017 15:40:00)
- សូម្បីតែ អ្នកសំអាត ក៏ក្លាយជាអ្នកមានដែរ, Porsche ប្រកាសឲ្យ Bonus គ្រប់ៗគ្នា ក្នុង១នាក់ជិត 14.000$ (25/03/2017 09:59:00)
- កាន់តែវីវរ, បញ្ជា ត្រឹមតែ ៥ ថ្ងៃ ឲ្យប្រមូលសាច់ ត្រលប់មកវិញ ពី ៣ ក្រុមហ៊ុន ប្រេស៊ីល ក្រោយផ្ទុះអាស្រូវ (25/03/2017 09:28:00)
- ស្លាប់សិស្សសាលាបឋម ២នាក់ ព្រោះតែរត់ជាន់គ្នា ពេលទៅបន្ទប់ទឹក ក្នុងសាលារៀន (24/03/2017 15:35:00)
- ថាមែនមែន, ISIS ចេញមុខ ថាខ្លួនជាអ្នកវាយប្រហារ ភារវកម្ម នៅក្រុង London សម្លាប់មនុស្ស ៤នាក់នៅជិតរដ្ឋសភា (24/03/2017 09:50:00)
- ភារវកម្ម សម្លាប់មនុស្ស ៤នាក់ នៅមុខសភា ជនសង្ស័យ ៧នាក់ ត្រូវចាប់ខ្លួនបានហើយ (23/03/2017 15:56:00)
ព័ត៌មានអន្តរជាតិ ដែលមើលច្រើន
