(ភ្នំពេញ)៖ដើម្បីបំពេញតួនាទីធ្វើជាម្តាយល្អ ក្នុងការមើលថែរក្សាថ្នាក់ថ្នមកូន ដែលប្រសូត្រចេញពីផ្ទៃរបស់ខ្លួន តារាចម្រៀងសំឡេងពីរោះរណ្តំអង្រួនបេះដូងអ្នកស្តាប់ អ្នកនាង ម៉េង កែវពេជ្ជតា បានប្រកាសជំហយ៉ាងដាច់ណាត់ថា ទោះបីជាខ្លួនត្រូវដាច់ពោះស្លាប់ ក៏គ្មានថ្ងៃត្រូវបោះបង់ចោលកូន ទៅស្រវ៉ាយកទ្រព្យសម្បត្តិនោះឡើយ។
នៅលើបណ្តាញសង្គមហ្វេសប៊ុក របស់អ្នកមេម៉ាយរូបស្រស់ ម៉េង កែចពេជ្ជតា ថ្មីៗនេះ បានបង្ហោះរំឭករឿងអតីតកាល គ្រាដែលប្តឹងឡើងតុលាការលែងលះស្វាមី លោកឧត្តមសេនីយ៍ទោ ផ្កាយ២ មួង ឃីម ហើយត្រូវបានតុលាការ សួរនាំជុំវិញជម្រើសពីរ រវាងកូននិងទ្រព្យសម្បត្តិ តើមួយណាសំខាន់ ដែលនាងគួរពិចារណា ជ្រើសរើសយកមុនគេ។
តារាចម្រៀងចាស់វស្សា សំឡេងរៃកណ្ដឹង អ្នកនាង ម៉េង កែវពេជ្ជតា បានសរសេរលើកឡើងថា «នៅពេលលែងលះ ! ស្ត្រីជាម្តាយត្រូវតុលាការសួរថា តើរវាងកូនៗ និងទ្រព្យសម្បត្តិចង់ជ្រើសរើសយក មួយណា ??? ខ្ញុំនឹងឆ្លើយថា ទោះជាត្រូវដាច់ពោះស្លាប់ ក៏ខ្ញុំត្រូវតែយកកូនៗជាដាច់ខាត!!! នេះជាក្រមសីលធម៌ នេះជាព្រហ្មវិហាធម៌ នេះជាចរិតពិត នៃត្រកូលខ្ញុំ ។ ជូនពរបងប្អូន ពុកម៉ែ មីងមានិងមិត្ត..»។
តាមរយៈខ្លឹមសាខាងលើនេះ អាចបញ្ជាក់បានថា តារាស្រី ម៉េង កែវពេជ្ជតា ពិតជាម្តាយ និងជាស្រ្តីដែលមានទំនូលខុសត្រូវខ្ពស់ ក្នុងនាមបំពេញតួនាទីជាម្តាយ ដើម្បីផ្តល់សេចក្តីសុខ និងភាពកក់ក្តៅសម្រាប់កូនៗ។ មិនតែប៉ុណ្ណោះព្រហ្មវិហាធម៌នេះ ក៏ទទួលបានការលើកសរសើរ ពីសំណាក់ទស្សនិជននៅជុំវិញខ្លួនផងដែរ ខណៈនាងគឺមនុស្សស្រីដែលមើលឃើញ ពីសុខទុកកូនសំខាន់ជាងទ្រព្យសម្បត្តិ ដែលជារបស់កើតក្រោយមនុស្ស។
សូមបញ្ជាក់ថា បើគិតរហូតមកទល់ពេលនេះ អ្នកនាង ម៉េង កែពេជ្ជតា និងអតីតស្វាមីលោកឧត្តមសេនីយ៍ទោ ផ្កាយ២ មួង ឃីម បានសម្រេចលែងលះគ្នា ជាផ្លវការមានរយៈពេលជាង៥ឆ្នាំមកហើយ ខណៈកូនៗក៏ត្រូវបានតុលាសម្រេចឲ្យនាង ទទួលភារកិច្ចចិញ្ចឹមថែរក្សា៕
ផ្តល់សិទ្ធដោយ ៖ ហ្វ្រេសញូវអាស៊ី