ភាពយន្ត ៖ ប្រិយមិត្តបែបជាចាប់អារម្មណ៍ហើយ ថាហេតុអ្វីបានជារឿងនៅក្នុងខែមិថុនានេះ សុទ្ធតែ ជារឿងខ្មោច និងរឿងរន្ធត់ទៅវិញ បើពុំមានបុណ្យ រឺពិធីអ្វីផង ហើយចុះចំពោះប្រិយមិត្តដែលចូលចិត្តទៅទស្សនារឿងនៅតាមរោងកុន ហើយមិនចូលចិត្តមើលរឿងខ្មោចវិញ តើពួកគាត់ មានរឿងអ្វីមើលទៅ បើសិនជាគ្រប់រោង បញ្ចាំងសុទ្ធតែរឿងខ្មោច និង រឿង រន្ធត់ អញ្ជឹង ? សំណាងល្អផងដែរនោះ សំរាប់ បងប្អូនដែលពុំ សូវចូលចិត្តទស្សនា រឿង បែបរន្ធត់នោះ បងប្អូនទាំងអស់គ្នាអាចអញ្ជើញទៅទស្សនារឿងវៃគ្នាបែបកំប្លែង ដែល មានចំណងជើងថា “SPY” ដែលបានចាប់ផ្ដើមចាក់បញ្ចាំងពីថ្ងៃទី 12 ខែមិថុនា ឆ្នាំ2015 នេះតទៅហើយ។
អ្វីដែលពិសេសសំរាប់រឿង “SPY” នេះ គឺយើង សង្កេតឃើញថា មានការចូលរួមពីតួសម្ដែងដ៏ល្បីម្នាក់ គឺលោក Jason Statham ដែល គាត់ ទើប តែបញ្ចេញថ្វីដៃវៃគ្នា និង ការបើកបររថយន្ដដ៏អស្ចារ្យក្នុងរឿងមុនរបស់គាត់ “Fast and Furious 7” ។ ជារឿយៗ យើងតែងតែចំណាំថា អោយតែឃើញលោក Jason ចូលរួមសម្ដែង រឿង នោះ ប្រាកដជាមានឈុតឆាកវៃ គ្នា យ៉ាងសាហាវ អស្ចារ្យដែលធ្វើអោយអ្នកទស្សនាទាំងអស់គ្នា ជាពិសេសបង ប្អូន ប្រុសៗ ទប់ចិត្ត និងខ្លួនប្រាណមិនបានក៏ កំរើកទៅតាមក្បាច់វៃរបស់គាត់។
ហើយសំរាប់ក្នុងរឿង “SPY” ដែលជារឿងថ្មីបង្អស់របស់គាត់នេះវិញ គាត់ ក៏បានមកចូលរួមក្នុងការសម្ដែងជាភ្នាក់ងារសំងាត់ម្នាក់ ដែលបានចូលរួមស៊ើបអង្កេតតាមដាន ក្រុមចោរអន្ដរជាតិមួយ។ គាត់បានបញ្ចេញសមត្ថភាពថ្មីរបស់គាត់ក្នុងរឿងនេះ ជាមួយនឹងតួស្រី Melissa McCarthy ដែលធ្វើអោយយើងទប់សំណើចមិនបាន សើចពីដើមរឿងរហូតដល់នាទីចុងបញ្ចប់ នៃរឿង ។ រោងណាដែលចាក់រឿង “SPY” នេះ គឺលឺតែសំលេង ស្រែក ហ៊ោ ទះដៃផ្អើលរោងក្បែរៗ ។ មាន អ្នកខ្លះសើចទាល់តែហូរទឹកភ្នែកក៏មាន។ បើចង់ដឹងថា រឿង នេះល្អ យ៉ាងណានោះ សូមអញ្ជើញទៅទស្សនាទាំងអស់គ្នានៅចុងសប្ដាហ៍នេះ។
ប្រិយមិត្ត អាចកក់ ឬ ទិញសំបុត្រទស្សនាពីថ្ងៃនេះតទៅបាន នៅ គ្រប់រោងភាពយន្តទំនើប ដែលបញ្ចាំងជាលក្ខណះ 2D។ តាមដានពត៌មានភាពយន្តជាមួយ ចៃកុនតាមហ្វេសបុក www.facebook. com/jaikon.cambodia និង add ចៃកុន ជាមិត្តនៅក្នុងកម្មវិធី LINE ដែលមាន ID: @JAIKON ដើម្បី មានឳកាសឈ្នះរង្វាន់ ជា ច្រើន ជារៀង រាល់ សប្តាហ៏ដូចជាសំបុត្រកុនឥតគិតថ្លៃជាដើម៕
- អាន ៖ ភ្នាក់ងារបន្លំខ្លួនពិសេស “SPY” បានមកដល់ស្រុកខ្មែរហើយ! (Trailer Inside)
សូមទស្សនាវីដេអូ Trailer ខាងក្រោម:
ប្រភព ៖ Westec Media Limited