CamNews

ព័ត៌មានវីដេអូ៖ ភ្ញៀវចិត្ដខ្លាំងម្នាក់​ខឹងនឹង ម្ចាស់សណ្ឋាគារ​ក៏បានបើករថយន្ដរបស់ខ្លួន បុកទម្លុះទ្វារចូលទៅក្នុង សណ្ឋាគារទាំងកម្រោល ខណៈដែលស្ទើរតែបុក ស្ដ្រី២នាក់នៅទីនោះ​ ដែលម្នាក់ក្នុងចំណោមអ្នក​ទាំងពីរគឺ ជាប្រពន្ធរបស់ម្ចាស់សណ្ឋាគា តែម្ដង។ ហេតុការណ៍នេះ បានកើតឡើងនៅទីក្រុង Alva រដ្ឋ ​Oklahoma ប្រទេសអាមេរិក កាលពីសប្ដាហ៍មុន។ 

យោងតាមមន្ដ្រីប៉ូលីសបានឲ្យដឹងថា អ្នកបើកបរមានឈ្មោះ John Parsley វ័យ ៦២ឆ្នាំ បានអន់ចិត្ដនឹងការ​ចេញវិក័យបត្ររបស់សណ្ឋាគារ និងបញ្ហាប្រាក់ក្នុងកាតក្រេឌីតរបស់គាត់ ក៏ស្រាប់តែបញ្ចេញកំហឹងដោយដើចូលរថយន្ដទំនើប របស់គាត់​បើកទម្លុះ​ដោយទាំងដឹងថាមានមនុស្សកំពុងតែស្ថិតនៅក្នុងនោះធ្វើឲ្យពួកគេរត់គេច ស្ទើរតែត្រូវរបួស ធ្ងន់ធ្ងរ ។

សណ្ឋាគារនោះត្រូវបានគ្រប់គ្រងដោយ លោក Kingson Christian នឹងភរិយារបស់គាត់ឈ្មោះ Rupal ដែលមនុស្សស្រ្ដីម្នាក់ក្នុងចំណោមពីរនាក់ប៊ិះត្រូវរថយន្ដបុក នាពេលនោះ។ តែទោះជាយ៉ាងណាក៏ដោយ យោងតាមការអះអាងរបស់ លោក Kingson Christian ត្រូវជាស្វាមីបានបញ្ជាក់ថា ប្រពន្ធរបស់គាត់ ត្រូវរបួស​បន្ដិចបន្ដួចដែរ ផ្នែកខាងក្រោយខ្នង និងក្បាល។ 

លោក Kingson Christian បាននិយាយថា» ខ្ញុំបានវិលត្រលប់ទៅកាន់សណ្ឋាគារកន្លែងធ្វើការរបស់ខ្ញុំ ហើយថែមទាំងទទួលយកឯកឯកសាររបស់គាត់ ខណៈដែលពិនិត្យទៅ ឃើញថា​កាតក្រេឌីតរបស់គាត់​លែងមានប្រសិទ្ធភាពទៅហើយ ។ ខ្ញុំក៏បានពន្យល់ណែនាំគាត់ ប៉ុន្ដែគាត់មិនស្ដាប់ខ្ញុំនោះទេ ថែមទាំងជជែកថា គាត់ត្រូវការលុយសុទ្ធរបស់គាត់ ឥលូវនេះ។ មិនអស់ចិត្ដគាត់ក៏ត្រលប់ទៅវិញ ហើយក្រោយ​មកទៀត ក៏ត្រលប់មកវិញថែមទាំង មករករឿងឈ្លោះជាមួយប្រពន្ធរបស់ខ្ញុំដោយខឹងទាំងកម្រោល ថែម​ទាំងអះអាងថា គាត់ធ្លាប់ស្គាល់ និងមានរឿងរ៉ាវច្រើនមកហើយជាមួយ ជនជាតិឥណ្ឌាគ្រប់ទីកន្លែង ។ ប៉ុន្ដែប្រពន្ធរបស់ខ្ញុំបានតបទៅវិញថា គាត់មិនគួរវាយតម្លៃជនជាតិឥណ្ឌាដូចគ្នាទាំងអស់នោះទេ ។ បន្ទាប់​មកគាត់ ក៏បានដើទៅក្រៅថែមទាំងមានពាក្យសម្ដីគម្រាមប្រពន្ធរបស់ខ្ញុំ ថាគាត់នឹងធ្វើឲ្យមើល ឲ្យប្រពន្ធរបស់ខ្ញុំ រង់ចាំនៅនឹងតុទទួលភ្ញៀវនឹងហើយ ហើយគាត់ក៏បាន​បើករថយន្ដចូលមកតែម្ដង»។ 

គូសបញ្ជាក់ផងដែរថា លោក Christian និង Rupal Christian គឺជាជនជាតិឥណ្ឌាមករស់នៅក្នុង ទឹកដីអាមេរិកជិត ៤ឆ្នាំមកហើយ។ 

ដោយ៖ អឿ អ៊ុយ

ប្រភព៖ carscoops