CamNews

ស្វែងរកកំរិតខ្ពស់
ព័ត៌មានអន្តរជាតិ 

កូរ៉េខាងត្បូង សម្រេចធ្វើសមយុទ្ធយោធា ជាមួយអាមេរិក បើទោះ កូរ៉េខាងជើង បដិសេធ ក៏ដោយចុះ

ព័ត៌មានអន្តរជាតិ ៖ ទីភ្នាក់ងារ សារព័ត៌មានរដ្ឋចិន ស៊ិនហួរ បានចេញអត្ថបទផ្សាយ អោយដឹង ថា មកទល់នឹងវេលាព្រឹកថ្ងៃច័ន្ទ ដើមសប្តាហ៍នេះ ក្រសួងការពារជាតិ របស់ប្រទេស កូរ៉េខាង ត្បូង បានចេញសេចក្តីប្រកាសព័ត៌មាន អោយដឹងជាផ្លូវការថា ខ្លួននឹងធ្វើសមយុទ្ធយោធាប្រចាំ ឆ្នាំជាមួយនឹងអាមេរិក នៅថ្ងៃ ២៤ កុម្ភៈ រហូតដល់ថ្ងៃទី ១៨ ខែ មេសា បើទោះជា កូរ៉េខាងជើង បានបដិសេធ ក៏ដោយចុះ ។

លោក Kim Min-seok អ្នកនាំពាក្យ តំណាងអោយ ក្រសួងការពារជាតិ ប្រទេស កូរ៉េខាងត្បូង បានអះអាងអោយដឹងថា សមយុទ្ធយោធា ប្រចាំឆ្នាំរបស់ខ្លួន រួមជាមួយនឹង សហរដ្ឋអាមេរិក នឹងប្រព្រឹត្តិទៅ តាមការគ្រោងទុក ដោយនៅក្នុងនោះ លំហាត់ហ្វឹកហ្វើន ក៏ដូចជា សមយុទ្ធ យោធាផ្ទាល់ នឹងត្រូវធ្វើឡើង ក្រោមប្រធានបទ "កូនសោរដំណោះស្រាយ" ។

លើសពីនេះ ប្រភពដដែលបន្តអោយដឹងថា សមយុទ្ធយោធា លើកនេះ ពុំមែនជាសកម្មភាព ញុះញង់ ឬក៏ បង្ហាញសាច់ដុំអ្វីនោះទេ តែវាគ្រាន់តែជាលំហាត់ហ្វឹកហ្វើនយោធាប្រចាំឆ្នាំមួយ ប៉ុណ្ណោះ របស់ប្រទេស ទាំងពីរ ដើម្បីធានាអោយបានថា វិស័យការពារជាតិ របស់ខ្លួននៅតែ មានភាពរឹងម៉ាំ​ ។ គួរបញ្ជាក់ថា ឆ្នាំនេះ កងទ័ពមកពី ពីរប្រទេស នឹងកើនឡើងដល់ទៅ ៥,២០០ នាក់ បើធៀបទៅនឹងឆ្នាំមុន មានត្រឹមតែ ៣,៥០០ នាក់តែប៉ុណ្ណោះ ៕


ប្រែសម្រួល ៖ កុសល
ប្រភព ៖ ស៊ិនហួរ


Tags: Int news,  Unt news,  Breaking news,  Seoul,  Korea,  North Korea,  South Korea

ព័ត៌មានអន្តរជាតិ ដែលមើលច្រើន

ប្រទេសទាំង ១០ ដែល​មហាអំណាច​អាមេរិក ជំពាក់លុយច្រើនបំផុត លើលោក

ប្រទេស​ចំនួន ១០ ដែល​ជា​ម្ចាស់​បំណុល​​ធំៗ នៃ​មហាអំណាច​អាមេរិក ច្រើន​ជាង​​គេ​ចិន និង ជប៉ុន

យដឹងថា ជំងឺវីរុសកូរ៉ូណា មានអ្នកឆ្លងដល់ទៅប្រទេសថៃ តារាថៃនាំគ្នាពាក់ម៉ាស់សឹងតែគ្រប់គ្នា

ជំងឺវីរុសថ្មី កូរ៉ូណា ដែលជាជំងឹឆ្លងតាមរយៈផ្លូវដង្ហើម និងភ្នែក ពិសេស នៅវូហានផ្ទាល់ គឺមានអ្នកឆ្លងបានកើនឡើងជំងឺមួយនេះ រហូតដល់ ២៧៦១នាក់ និងមានអ្នកស្លាប់ដោយសារជំងឺនេះ៨១នាក់ផងដែល។

ចៅក្រមញ៉ូវហ្ស៊ីលែន កាត់ទោសបុរសអូស្រ្ដាលីម្នាក់ ដាក់គុកមួយជីវិត ព្រោះតែ.......

នៅថ្ងៃព្រហស្បិ៍នេះ តុលាការញ៉ូវហ្ស៊ីលែន បានកាត់ទោសបុរសម្នាក់ ដែលសម្លាប់បរិស័ទកាន់សាសនាកាតូលីកចំនួន ៥១ នាក់ នៅក្នុងការបាញ់......