(អាមេរិក)៖ សេចក្តីរាយការណ៍ព័ត៌មានមួយ ដែលត្រូវបានគេចាត់ទុកថា ជាដំណឹងចចាមអារ៉ាម ដែលមានការលើកឡើងថា តារាហូលីវូតដ៏ល្បី គឺលោក Brad Pitt បានស្លាប់ ដោយ សារតែការធ្វើអត្តឃាត ក្រោយពីភរិយា គឺនាងAngelina Jolie ប្តឹងសុំលែង។
ពាក្យចចាមអារ៉ាមនេះ កើតឡើងក្រោយពីមានការបង្ហោះ លើហ្វេសប៊ុកចែកចាយតៗគ្នា ដោយមានការសរសេរថា «តារាប្រុសវ័យ៥២ឆ្នាំរូបនេះ បានបាញ់សម្លាប់ខ្លួនឯងចំក្បាល ព្រោះតែកើតអារម្មណ៍ស្ត្រេស នៅពេលដែលនាង Angelina Jolie ជាភរិយាប្តឹងសុំលែង ព្រមទាំងទាមទារសិទ្ធិ គ្រប់គ្រងកូនទាំងអស់ទៀតផង!»។
គណនីហ្វេសប៊ុក ដែលបានចែកចាយដំណឹង មិនប្រាកដនេះមិនត្រូវបានបង្ហាញឈ្មោះទេ ប៉ុន្តែទោះយ៉ាងណាក៏អ្នកគាំទ្រតារា ហូលីវូតដ៏មានឥទ្ធិពល ទាំងពីរមិនជឿដំណឹងនេះ ដែរ ហើយអ្នកខ្លះប្រកាស កុំឲ្យជឿពាក្យចចាមអារ៉ាមនេះ ព្រោះ Brad Pitt នៅមានជីវិតនៅឡើយទេ៕
ផ្តល់សិទ្ធិដោយ ៖ ខ្មែរថកឃីង