CamNews

តាម​ការស្រាវជ្រាវមួយបានឲ្យឃើញថា iPhone 6S បានអូសទាញអ្នកប្រើប្រាស់ឧបករណ៍ចល័តប្រើ ប្រព័ន្ធប្រតិបត្តិការ Android ផ្លាស់ប្តូរមកប្រើ iOS វិញ ក្នុងកំរិតមួយខ្ពស់ជាងគេ។

យឺតៗតែថេរ, Apple កំពុងតែអូសទាញបាន ការចាប់អារម្មណ៍ពីអ្នកប្រើប្រាស់ Android ពីមួយថ្ងៃទៅ មួយថ្ងៃកាន់តែមានចំនួនច្រើនឡើង។ យោងតាមរបាយការណ៍ថ្មីបំផុតមួយពី Consumer Intelligence Research Partners (CIRP) បានឲ្យឃើញថា ២៦% អ្នកដែលទិញ iPhone 6S នៅក្នុងខែដំបូង គឺជា អ្នកប្តូរពី Android មក។ កាលពីឆ្នាំមុន អ្នកប្រើប្រាស់ Android បានដណ្តើមបាន ១២% នៃបរិមាណ លក់របស់ iPhone 6 និង ២៣% បរិមាណលក់របស់ iPhone 5S ដែលតួរលេខនេះក៏យោងតាមការ ស្រាវជ្រាវខាងលើ បញ្ជាក់ឲ្យដឹងផងដែរ។

អានអត្ថបទ៖ Huawei ចេញលក់ស្មាតហ្វូនមាន ទ្រនាប់ស្គែនក្រយៅដៃ លក្ខណៈសម្បត្តិល្អបង្គួរ កម្រាស់ស្តើង តម្លៃតែ ១៩០ ដុល្លារ

iPhone 6S និង 6S Plus បានទាក់ទាញអត្រាអ្នកប្រើប្រាស់ Android បានចំនួនយ៉ាងច្រើន បើប្រៀប ធៀបទៅនឹងមួយឆ្នាំមុន។ តាម Mike Levin សហស្ថាបនិក CIRP បានឲ្យដឹងថា កត្តានេះ គឺបាន ស្រាយបញ្ជាក់ពីលើបន្ថែម ស្តីពីកម្លាំងអូសទាញយ៉ាងខ្លាំងក្លារបស់ iPhone 6 និង 6 Plus ជាមួយនឹង អត្រាអ្នកប្រើប្រាស់ Android ប្តូរមកប្រើ iOS ក្នុងកំរិតមួយខ្ពស់បង្គួរ។ តួរលេខនេះបានឆ្លុះបញ្ចាំងពី និន្នាការរយះពេលវែងថា អ្នកប្រើប្រាស់ Android នឹងធ្វើការផ្លាស់ប្តូរបន្តិចៗម្តង មកប្រើ iOS។

ខាងក្រោមនេះ គឺជាតារាងដែលបង្ហាញពីអត្រាអ្នកប្រើប្រាស់ Android ប្តូរមកប្រើ iPhone ពីខាង CIRP:

អានអត្ថបទ៖ SmartWatch HTC One នឹងបង្ហាញណែនាំខ្លួន នៅខែកុម្ភះ ឆ្នាំ២០១៦

ព័ត៌មានគួរឲ្យចាប់អារម្មណ៍ផ្សេងមួយទៀត គឺអ្នកប្រើប្រាស់ iPhone ពីមួយថ្ងៃទៅមួយថ្ងៃ កាន់តែចូល ចិត្តប្រើប្រាស់ ម៉ូដែលមានអេក្រង់ធំ។ iPhone 6S Plus បានដណ្តើមបាន ៣៧% នៃបរិមាណម៉ូដែលថ្មី ដែលបានលក់ចេញ ក្នុងនោះ iPhone 6 Plus ដណ្តើមបានតែ ២៥% ប៉ុណ្ណោះ កាលពីពេលដែលវា បង្ហាញខ្លួនកាលពីឆ្នាំ២០១៤។ Apple ច្បាស់ណាស់នឹងមិនមានការព្រួយបារម្ភពីបញ្ហានេះឡើយ ដោយសារតែវានៅតែបានចូលរួមចំណែក នៃការបង្កើនផលចំណេញដល់ក្រុមហ៊ុន៕

អានអត្ថបទ៖ iPhone 7 មានម៉ូដែលសម្រាប់ធ្វើពិសោធ ដល់ទៅ ៥ម៉ូដែលផ្សេងគ្នា

ប្រែសម្រួល៖ មង្គល
ប្រភព៖ CIRP, Zing