កំពូលតារាល្បីប្រចាំហុងកុង នាង Eliza នឹងរៀបការនៅខែក្រោយ ប៉ុន្តែរឿងក្រេបទឹកឃ្មុំ.....
ព័ត៌មានកំសាន្ត ៖ បន្ទាប់ពីតារាសម្តែងស្រីនាង Leanne Li នាង Linda Chung និងនាង Grace Wong បានរៀបមង្គលការរួចហើយ ទស្សនិកជនកំពុងតែមានការសង្ស័យថា នឹងឈានចូលដល់កំពូលតារាសម្តែងល្បីប្រចាំប្រទេសហុងកុង នាង Eliza Sam ជាមិត្តរបស់តារាស្រីទាំង ៣ ដួងខាងលើនេះ ។
ហើយកាលពីពេលថ្មីៗនេះ មានពាក្យចចាមអារាមថា តារាសម្តែងស្រីប្រចាំប៉ុស្តិ៍ទូរទស្សន៍ TVB នាង Eliza បានវិលត្រលប់ទៅស្រុកកំណើតដើម្បីរៀបចំពិធីមង្គលការជាមួយនិងមិត្តប្រុសរបស់នាង ។
ដោយយោងតាមរបាយការណ៍ពីគេហទំព័រ jaynestars បានឲ្យដឹងថា នាង Eliza និងមិត្តប្រុសរបស់នាងបានចាប់ផ្តើមទាក់ទងគ្នាតាំងពីដើមឆ្នាំ ២០១៥ មកម្ល៉េស ហើយមានពាក្យចចាមអារាមមួយទៀតថា ពួកគេបានភ្ជាប់ពាក្យជាមួយគ្នានៅចុងឆ្នាំ ២០១៥ ។
យោងតាមប្រភពជិតដិតរបស់ Eliza ចំពោះការរៀបការរបស់នាងនៅក្នុងទីក្រុង Vancouver គឺនាងចង់ប្រារព្ធធ្វើឡើងតាមរបៀបសាមញ្ញ ហើយអញ្ជើញតែមិត្តជិតដិតរបស់នាងតែប៉ុណ្ណោះ ។ អ្វីដែលសំខាន់នោះគឺការចុះលិខិតអាពាហ៍ពិពាហ៍របស់ពួកគេទាំង ២ រីឯការរៀបការគឺគ្រាន់តែជាការបំពេញមុខមាត់ឲ្យខ្លួននាងផ្ទាល់ និងក្រុមគ្រួសារតែប៉ុណ្ណោះ ។
បន្ទាប់ពីរៀបការហើយ នាង Eliza និងអនាគតស្វាមី នឹងឆ្លៀតពេលនាំគ្នាទៅក្រេបទឹកឃ្មុំ ហើយឆាប់ត្រលប់មកវិញដើម្បីថតរូប Heart and Greed <溏心風暴3> បន្តជាមួយនិងតារារួមអាជីពរបស់នាងគឺ លោក Bosco Wong និង Louise Lee ៕
ប្រែសម្រួល ៖ គន្ធា
ប្រភព ៖ jaynestars
- តារាសម្តែងស្រី Linda Chung ត្រូវទស្សនិកជនរិះគន់ បន្ទាប់ពីនិយាយអង់គ្លេសដាក់សុនខច្រើនពេក (17/02/2016 14:43:00)
- តារាសំដែងហុងកុង លោក Vincent Wong ខំជួយ Eliza Sam ពេលលង់ទឹក បែរជាប៉ះត្រូវដើមទ្រូងនាងទៅវិញ (26/09/2014 14:38:00)
- Linda Chung រកឃើញបងប្រុស ដែលបាត់ខ្លួនរបស់ នាងហើយគឺ Wu Chun (06/10/2012 10:14:00)
តារា ដែលមើលច្រើន
