(បារាំង)៖ កន្លងទៅនេះ តារាហូលីវូត Angelina Jolie និងស្វាមី Brad Pitt ថ្មីៗនេះ បានធ្វើឲ្យមហាជន បាត់អស់ក្តីសង្ស័យ ដែលធ្លាប់ឃើញព័ត៌មានចុះផ្សាយថា អ្នកទាំងពីរកំពុងត្រៀមចែកផ្លូវគ្នា ប៉ុន្តែពេលនេះពួកគេ បានប្រារព្ធពិធីរំឭក ខួបអាពាហ៍ពិពាហ៍លើកទីពីរ ដើម្បីបង្ហាញក្តីស្រឡាញ់ ចំពោះគ្នាឲ្យកាន់តែខ្លាំង ថែមទៀត។
ទោះបីជារវល់ នឹងការងារយ៉ាងណាក៏ដោយ ពេលវេលាសម្រាប់គ្រួសារ មិនបានធ្វើឲ្យប្តីប្រពន្ធ តារាហូលីវូតទាំងពីរនេះ ភ្លេចឡើយ ព្រោះ Brad និង Angelina សុទ្ធតែអះអាង ថា រឿងគ្រួសារ គឺជាអាទិភាព ដែលតម្រូវឲ្យពួកគេ ត្រូវចំណាយពេលឲ្យគ្នារួមទាំងកូនៗ ផងដែរ ។
អ្វីដែល Brad និង Angelina ចង់ធ្វើសម្រាប់គ្រួសារ គឺការនាំកូនៗដើរកំសាន្ត ដូចជាទៅទិញអីវ៉ាន់នៅតាមផ្សារទំនើប នាំកូនៗញ៉ាំការ៉េម តាមដែលពួកគេចង់ហើយកន្លែង ដែលតារាហូលីវូតទាំងពីរជ្រើសរើស សម្រាប់រំឭកខួបអាពាហ៍ពិពាហ៍ ដ៏កក់ក្តៅនោះ គឺទឹកដីនៃប្រទេសបារាំង៕
ផ្តល់សិទ្ធដោយ ៖ ខ្មែរថកឃីង