CamNews

ស្វែងរកកំរិតខ្ពស់
តារា 

ឌួង ហ្សូរីម៉ា បើក​រថយន្ត​ថយ​ក្រោយ ជ្រុល​បុក​អ្នក​ជិះម៉ូតូ​រង​របួស​ធ្ងន់

ភ្នំពេញ៖ តារាសម្តែង និងជាពិធីការិនី រាងតូចច្រឡឹង កញ្ញា ឌួង ហ្សូរីម៉ា កាលពីរាត្រីយប់មិញនេះ នាងបានបើករថយន្តថយក្រោយ ហើយជ្រុលទៅបុក អ្នកជិះម៉ូតូបណ្តាល ឲ្យរងរបួសធ្ងន់ បែកក្បាលហូរឈាម និងរលាតដៃជើងយ៉ាងដំណំ ក្រោយកើតហេតុ នាងបានបង្ហាញឆន្ទៈ ទទួលខុសត្រូវគ្រប់បែបយ៉ាង មិនបើករថយន្តគេចខ្លួនឡើយ ។

ហេតុការណ៍ គ្រោះថ្នាក់ចរាចរណ៍ មួយបានកើតឡើង នៅវេលាម៉ោងប្រមាណ៨៖១៥នាទី តារាសម្តែង ដែលទស្សនិកជនស្គាល់ថា ជាប្អូនស្រីបង្កើត របស់តារាស្រី កញ្ញា ឌួង ហ្សូរីដា គឺកញ្ញា ឌួង ហ្សូរីម៉ា បានបើករថយន្តម៉ាក Corolla ពណ៌ស្ករ ពាកស្លាកលេខ 2D-3354 ថយក្រោយហើយជ្រុល ទៅបុក អ្នកជិះម៉ូតូម៉ាក ViVa (មិនចាំស្លាកលេខ) បណ្តាលឲ្យស្ត្រីម្នាក់ រងរបួសធ្ងន់បែកក្បាល និងរលាតដៃជើង ។ ដោយហេតុការណ៍នេះ បានកើតឡើង នៅចំណុចមុខ វត្តទួលទំពួង ស្ថិតនៅក្នុងសង្កាត់ បឹងកេងកងទី៣ ខណ្ឌចំការមន ។

បន្ទាប់ពីតារាសម្តែង និងជាពិធីការិនី ប្រចាំស្ថានីយទូរទស្សន៍អាស៊ីអាគ្នេយ៍ កញ្ញា ឌួង ហ្សូរីម៉ា បង្ករគ្រោះថ្នាក់ដោយកើតឡើង ជាយថាហេតុ រួចមក គេសង្កេតឃើញតារារូបនេះ មិនមានបំណងចង់គេចវេសទេ យករួចខ្លួននោះទេ ផ្ទុយទៅវិញនាងបែរ ជាបង្ហាញទំនួលខុសត្រូវ ដោយសុខចិត្ត ចេញថ្លៃព្យាបាល និងថ្លៃឡានពេទ្យ ជូនជនរងគ្រោះទាំងអស់ ។ អ្នកឃើញហេតុការណ៍ផ្ទាល់ បានកោតសរសើរ ដល់ ឌួង ហ្សូរីម៉ាថា ការបង្ហាញ សកម្មភាពបែបនេះ បានឆ្លុះបញ្ចាំងឲ្យឃើញពី ភាពទទួលខុសត្រូវ របស់នាង ក្នុងនាមជាអ្នកសិល្បៈមួយរូប និងសមជាគំរូ ដល់អ្នកសិល្បៈដទៃទៀត ដែលតែងតែទទួលបានការរាប់អាន គោរពស្រឡាញ់ពីមហាជនចំពោះខ្លួន ៕


ផ្តល់សិទ្ធដោយ ៖ ដើមអម្ពិល


Tags: National news,  local news,  social news,  Cambodia,  Khmer,  Asia,  Phnom Penh

តារា ដែលមើលច្រើន

តារាប្រុសស្រី ប៉ុន្មាននាក់នេះ វ័យ ៣០ ឆ្នាំហើយ នៅតែស្រស់ស្អាត

តារាសម្ដែងប្រុសស្រីថៃ ពិតជាស្រស់សង្ហា ស្រស់ស្អាត និងមានភាពទាក់ទាញខ្លាំងណាស់។ នៅឆ្នាំនេះ តារាមួយចំនួន ក្នុងចំណោមតារាទាំងអស់នោះ .......

មកស្គាល់តារាស្រីថៃ ៨ នាក់នេះ ដែលមានស្បែករលោងស្អាតគួរឱ្យស្រឡាញ់

ស្បែកគឺជារបស់សំខាន់ សម្រាប់មនុស្សគ្រប់រូប ដូច្នេះហើយ បុរសស្រ្ដី តែងយកចិត្ដទុកដាក់ថែរក្សាស្បែក .........

តើអ្នកដឹងរឿងដែលបានកើតឡើងនៅក្នុងបន្ទប់ជួលរបស់អ្នកទេ? រឿង "បន្ទប់ជួលជើងកប" មានចាក់បញ្ចាំងនៅក្នុងរោងកុន

គ្រាន់តែអ្នកលឺថាបន្ទប់ជួល រឿងទី ១ ដែលអ្នកនឹកឃើញគឺតើនៅក្នុងបន្ទប់មួយនេះ ធ្លាប់មានរឿងមិនល្អអ្វីកើតឡើង ដែរឬទេ.......