ថៃ ៖ ក្រោយរស់នៅក្រោមដំបូងផ្ទះជាមួយគ្នាប្រហែលជាជាង ៣ ឆ្នាំ នាង Pinky Savika និងអតីតស្វាមីសេដ្ឋីគឺលោក Petch Itti Chawalittamrong បានសម្រេចចិត្តលែងលះគ្នា កាលពីចុងឆ្នាំ ២០១៧ ។
ហើយថ្មីៗនេះ បែរជាលេចលឺដំណឹងថា លោក Petch Itti Chawalittamrong កំពុងតែចាប់ផ្តើមស្នេហាជាមួយនិងតារាស្រីម្នាក់ដែលទើបតែប្រលូកក្នុងវិស័យសិល្បៈ ។
ទទ្ទឹមនឹងនេះផងដែរ តារាស្រីវ័យ ៣១ ឆ្នាំបានថ្លែងថា នាងក៏បានឃើញព័ត៌មានដែរ ព្រោះមានអ្នកផ្ញើរឲ្យនាងមើល ហើយណាមួយទៀត រឿងថ្មីដែលដឹកនាំដោយ លោក Petch ក៏ត្រូវបានសម្តែងដោយតារាស្រីថ្មីទើបប្រលូកក្នុងវិស័យសិល្បៈនោះផងដែរ ប៉ុន្តែទោះបីជាយ៉ាងណាក៏ដោយ នេះគឺជារឿងបុគ្គល Pinky Savika មិនអាចនិយាយអ្វីបានច្រើនជាងនេះទេ ប្រសិនបើចង់ដឹងច្បាស់មានតែទៅសាកសួរសមីខ្លួន ។
តួស្រីក្នុងរឿង "រាជនីសំលេងមាស" រូបនេះបានសារភាពថា ប្រសិនបើអតីតស្វាមីរបស់នាង ពិតជាកំពុងតែសាងស្នេហាថ្មីមែននោះ នាងក៏ចូលរួមត្រេកអរផងជាមួយនឹងដំណឹងល្អមួយនេះដែរ ៕
ប្រែសម្រួល ៖ គន្ធា
ប្រភព ៖ sanook