អ៊ុន អាលីហ្សា ចេញវីដេអូបកស្រាយ ជុំវិញការថតឈុតសិចស៊ីក្នុង MV បទ «ផ្កាយព្រឹក» ដែលមានតួ
(ភ្នំពេញ)៖ នៅប្រមាណ១ម៉ោងមុននេះ តារាសម្ដែង អ៊ុន អាលីហ្សា បានចេញវិដេអូបកស្រាយ ចំពោះការរិះគន់ពីសំណាក់មហាជន ខណៈដែកនាងបានចូលរួមសម្ដែង ក្នុងបទថ្មី «ផ្កាយព្រឹក» ដែលត្រូវបានលោក ម៉ៃ សុគន្ធ យកមកច្រៀងឡើងវិញ ហើយថតជា MV ថ្មី មានលក្ខណៈសិចស៊ី ហួសពីការស្មាន និងខុសពីអត្ថន័យដើម។
តារាសម្ដែង អ៊ុន អាលីហ្សា បានបញ្ជាក់ថា អ្វីដែលនាងបានចូលរួមសម្ដែង ក្នុងបទនេះ គឺនាងមិនបានដឹងទាល់តែសោះថា តួប្រុសត្រូវថតអាក្រាយកាយ ព្រោះតែអ្នកដឹកនាំមិនបានប្រាប់នាងឲ្យដឹង ហើយនេះជាកំហុសអចេតនាមួយ ដែលបានក្លាយជាមេរៀន ដ៏ឈឺចាប់សម្រាប់នាង។ នៅពេលមានការិះគន់ថា អាលីហ្សា ធ្វើបែបនេះ ដើម្បីចង់ល្បី ត្រូវបាននាងបកស្រាយថា នាងមិនចាំបាច់ត្រូវការកេរ្តិ៍ឈ្មោះល្បីអ្វីទៀតទេ ព្រោះតាមរយៈការប្រឡុកក្នុងសិល្បៈ ជាច្រើនឆ្នាំមកនេះ គឺមហាជនស្គាល់នាងច្រើនហើយ។
អាលីហ្សា បន្ថែមទៀតថា ក្នុងឈុតដែលនាងចូល ក្នុងអាងហែលទឹកនោះ គឺនាងមិនបានស្រាត ដូចអ្វីដែលមហាជនរិះគន់ឡើយ ពោលគឺនាងស្លៀកកន្សែងចោមពុង ងូតទឹកធម្មតា ប៉ុន្តែអ្វីដែលនាងហួសចិត្តនោះ គឺមិនបានដឹងថា តួប្រុសហ៊ានថតស្រាត ក្នុងបទច្រៀងនេះឡើង។
សូមស្ដាប់ការបកស្រាយរបស់ អ៊ុន អាលីហ្សា តើនាងនិយាយអ្វីខ្លះ?
ផ្តល់សិទ្ធដោយ ៖ ខ្មែរថកឃីង
តារា ដែលមើលច្រើន
