ព័ត៌មានអន្តរជាតិ ៖ ឃ្លីបវីដេអូ ពីប្រព័ន្ធកាម៉េរ៉ាសុវត្ថិភាព បានផ្តិតជាប់ជនសង្ស័យ អាទិភាពដែល ជាមុខសញ្ញានាំមុខ ពាក់ព័ន្ធនឹងការបំផ្ទុះគ្រាប់បែកកណ្តាលទីក្រុង បាងកក ប្រទេសថៃ នារាត្រីថ្ងៃ ច័ន្ទកន្លងទៅនេះ ។
ជាការពិត តាមរយៈការពិនិត្យសាឡើងវិញនូវឃ្លីបវីដេអូពី CCTV រកឃើញជាក់ស្តែងអោយដឹងថា បុរសជាជនសង្ស័យអាទិភាពនោះ គេស្ថិតនៅក្នុងឈុតសម្លៀកបំពាក់អាវពណ៌លឿង ដើមឡើយ គេឃើញរូបលោក មានស្ពាយកាបូបខ្មៅមួយ ប៉ុន្តែក្រោយមកលោកបានទម្លាក់និងទុកវាចោលនៅ ទីសក្ការៈបូជា Erawan Hindu កណ្តាលទីក្រុង បាងកក ប្រទេសថៃ ដែលជាទីកន្លែង កើតហេតុ បំ ផ្ទុះគ្រាប់បែកកន្លងទៅនេះ ។ ជនរងគ្រោះ តិចបំផុត ២០ នាក់ ស្លាប់បាត់បង់ជីវិត ក្នុងនោះ ច្រើន ជាង ១០ នាក់ គឺជាភ្ញៀវទេសចរ ខណៈច្រើនជាង ១២០ នាក់ផ្សេងទៀត រងរបួសធ្ងន់និងស្រាល។
ដោយឡែក ពីគ្នា ពីករណីបំផ្ទុះគ្រាប់បែកនារាត្រីថ្ងៃច័ន្ទ តួយ៉ាង នារសៀលថ្ងៃអង្គារនេះមានករណី បំផ្ទុះគ្រាប់បែកផ្សេងមួយទៀត នៅផែកណ្តាលក្រុង ជាសំណាងល្អ គ្មាននរណាម្នាក់រងរបួសនោះ ទេ។ បណ្តាភ្ញៀវទេសចរ បរទេសដែលបានស្លាប់បាត់បង់ ជីវិតក្នុង ហេតុការណ៍ គ្រោះថ្នាក់បំផ្ទុះ គ្រាប់បែកលើកទីមួយ នៅក្រុងបាងកក រួមមានដូចជា ជនជាតិចិន ហុងកុង អង់គ្លេស ឥណ្ឌូនេស៊ី ម៉ាឡេស៊ី និង សឹង្ហបុរី ៕
- អាន ៖ ផ្ទុះគ្រាប់បែក គ្រាប់ទី ២ នៅ Bangkok រសៀលមុននេះបន្តិច នៅទន្លេ Chao Praya (មានវីដេអូ)
- អាន ៖ ម៉ោង ៧ យប់មិញ ករណីផ្ទុះគ្រាប់បែក នៅបាងកក សម្លាប់មនុស្ស ២១ នាក់ ទាំងកម្រោល (មានវីដេអូ រន្ធត់)
ดูกันชัดๆ! นาทีผู้ต้องสงสัย คล้ายชาวต่างชาติ ปลดเป้สะพาย บริเวณม้านั่งภายในศาลพระพรหม ก่อนเกิดเหตุ #ระเบิดราชประสงค์ ไม่กี่นาที #ไทยรัฐ
Posted by Thairath on Tuesday, 18 August 2015
ប្រែសម្រួល ៖ កុសល
ប្រភព ៖ ប៊ីប៊ីស៊ី