ព័ត៌មានកំសាន្ត ៖ តារាស្រីដែលមានអាយុជ្រេណាស់ទៅហើយ ប៉ុន្តែបើនិយាយអំពីរូបសម្រស់វិញគឺ ហាក់បីដូចជាមិនឃើញចាស់សោះ ។
នាង Chompoo Araya មួយរយៈពេលនេះហាក់បីដូចជាមានការមមាញឹកយ៉ាងខ្លាំង ទាំងការថតពាណ្ជិកម្មថ្មី ទាំងថតឲ្យទស្សនាវដ្តី និងខ្សែភាពយន្តថ្មីៗជាច្រើន ដែលកំសាន្តអារម្មណ៍ទស្សនិកជន ដែលអាចជួយឲ្យអ្នកទស្សនារួចផុតពីការនឿយហត់ជាមួយនិង ការងារ ឬ ការសិក្សា -ល- ។
ដោយសារតែកត្តារូបសម្រស់ បូករួមទាំងភាពបុិនប្រសព្វរបស់នាងនេះហើយ ទើបធ្វើឲ្យ Chompoo Araya មានការមមាញឹកយ៉ាងខ្លាំងជាមួយនិង ការងារវិស័យសិល្បៈ ស្ទើរតែដកខ្លួនមិនរួចទាល់តែសោះ ។
អ្វីដែលគួរឲ្យកត់សម្គាល់ជាងនេះទៅទៀត ការងារចាស់ៗដែលនាង Chompoo បានទទួលមិនទាន់រួចរាល់ផងស្រាប់តែមានទស្សនាវដ្តីល្បីឈ្មោះមួយទៀតដែលមានឈ្មោះថា Preaw បានអញ្ជើញនាងឲ្យថតជាលក្ខណៈគ្របមុខ (Cover) ឲ្យទស្សនារវដ្តីនោះ ព្រោះបើយោងតាមរូបសម្រស់ កេរ្តិ៍ឈ្មោះ និងភាពទាក់ទាញរបស់នាង ប្រាកដជាអាចធ្វើឲ្យ Preaw កាន់តែល្បីឈ្មោះជាងនេះទៅទៀត ។
ហេហេ!! នៅចាំអីទៀតទៅទស្សនារូបថតថ្មីរបស់តារាស្រីវ័យ ៣៥ ឆ្នាំរូបនេះទៅមើលថា តើគួរឲ្យស្រលាញ់ប៉ុនណា ៕
ដោយ ៖ គន្ធា
ប្រភព ៖ Thaistar