CamNews

ភព ឬផ្កាយនិមួយៗតែងតែមានទំនាញទៅវិញទៅមក រីឯការឆេះរបស់ផ្កាយនិមួយៗក៏តែង
ពង្រីកមាឌរបស់វាជាបន្ដបន្ទាប់ ដូច្នេះ កត្តាទាំងពីរនេះ អាចអោយអ្នកវិទ្យាសាស្ដ្រសន្និដ្ឋាន
បានថា នៅពេលកំណត់ណាមួយ ភពផែនដីនឹងត្រូវដុតកំទេច។

ស្ថានភាពនៃភពចំនួនពីរដែលកំពុងវិលជុំវិញ និងត្រូវបានដុតកំដៅដោយផ្កាយមេរបស់វា
ដែលមានចម្ងាយ ៣.៩០០ ឆ្នាំពន្លឺពីប្រព័ន្ធព្រះអាទិត្យ បានផ្ដល់អោយក្រុមអ្នកតារាវិទូនូវ
ការយល់ឃើញ និងជាភ័ស្ដុតាងយ៉ាងច្បាស់អំពីអនាគតរបស់ប្រព័ន្ធព្រះអាទិត្យ សម្រាប់
រយៈពេល ៥ពាន់លានឆ្នាំខាងមុខ។
យោងទៅតាមការចុះផ្សាយនៅលើទំព័រ Nature បានអោយដឹងថា ភព KOI 55.01 រួមនិងភព
KOI 55.02 កំពុងធ្វើដំណើរគោចរនៅលើតារាវិថីជិតទៅនឹងផ្កាយមេរបស់វា ដែលកំពុងស្ថិត
ក្នុងស្ថានភាពឆេះខ្លាំង និងកាន់តែរីកធំឡើងៗ ខណៈពេលវាបានប្រើប្រាស់ថាមពលស្ទើរតែ
ទាំងអស់របស់ខ្លួន។
ក្រុមអ្នកវិទ្យាសាស្ដ្រមកពីមហាវិទ្យាល័យ Montreal ប្រទេសកាណាដា និង មហាវិទ្យាល័យ
Toulouse ប្រទេស បារាំង បានសន្និដ្ឋានថា ភព KOI 55.01 និងភព KOI 55.02 ដែលកំពុង
ស្ថិតនៅចំពោះមុខនៃ"ក្ដីស្លាប់" នេះ មានទំហំជាបន្តបន្ទាប់គឺ ៧៦% និង ៨៧% បើធៀបទៅ
នឹងភពផែនដី ប៉ុន្ដែ កាលពីដើមឡើយ ភពទាំងពីរនេះ អាចមានទំហំធំជាងផែនដីច្រើនដង។ ប្រការដែលធ្វើអោយពួកវាតូចបែបនេះ គឺដោយសារពួកវាស្ថិតនៅគៀកទៅនឹងផ្កាយមេដែល
កំពុងឆេះ ដូច្នេះ ពួកវាកំពុងត្រូវបានដុតកំលោចជាបន្ដបន្ទាប់។

ដោយសារតែភពទាំងពីរនេះ ស្ថិតនៅក្បែរផ្កាយមេរបស់វា ដូច្នេះនៅផ្ទៃខាងលើរបស់ពួកមាន
កំដៅឡើងដល់ ៨០០០អង្សាសេ។

នៅក្នុងករណីនៃប្រព័ន្ធព្រះអាទិត្យ នៅពេលវាស្ថិតក្នុងដំណាក់កាលចុងក្រោយ ព្រះអាទិត្យ
នឹងពង្រីកមាឌរបស់វាមកដល់គន្លងគោចរនៃភពព្រះអង្គារបច្ចុប្បន្ន ជាលទ្ធផល ភពផែនដី
ពេលនោះនឹងត្រូវដុតកំទេចដោយអណ្ដាតភ្លើងរបស់ព្រះអាទិត្យមិនខាន៕