CamNews

YouthfulCities បានយោងទៅលើកត្ដាចំនួន  ៨០ ផ្សេងគ្នា   ក្នុងនោះមានរបៀបរស់នៅ និងកំសាន្ដ
ដើម្បីដាក់ចំណាត់ថ្នាក់ ទីក្រុងដែលគួរឱ្យចង់រស់នៅបំផុតសម្រាប់យុវវ័យ ហើយទីក្រុងដែលឈរ
លំដាប់កំពូលតារាងនេះ គឺក្រុង Toronto របស់កាណាដា។

 
ក្រុង Toronto ឈរលំដាប់កំពូលគេនៃតារាងស្ដីអំពីស្ដង់ដា ៖ ដង់ស៊ីតេប្រជាជន, បច្ចេកវិទ្យាឌីជីថល , ការជ្រើសរើសបុគ្គលិកជាមនុស្សវ័យក្មេង , ការប្រើប្រាស់ហិរញ្ញវត្ថុ , អំណាចសេដ្ឋកិច្ច , អាហារ, ជីវិត
នាពេលរាត្រី , ចម្រៀង , ភាពយន្ដ , សម្លៀកបំពាក់ , សិល្បៈ , បរិយាកាសសាធារណៈ , កីឡា និង
ល្បែងកំសាន្ដ (រូប ៖ The Huffingtonpost)

 
ទោះជាឈរលំដាប់លេខរៀងទី ២ ប៉ុន្ដែក្រុង Berlin បែរជាមានការរីកចម្រើនវិស័យភាពយន្ដ និងតន្ដ្រី
ខ្លាំងជាងគេ។

 
ថ្វីបើពិន្ទុនៃវិស័យអប់រំ មិនបានខ្ពស់ ប៉ុន្ដែ New York City គឺជាទីក្រុងដែលមានការជ្រើសរើស
បុគ្គលិក ជាយុវវ័យច្រើនបំផុត។

 
ក្រុង Dallas ឈរលំដាប់លេខរៀងទី ៤ ដោយមានពិន្ទុខ្ពស់ស្ដីអំពីបរិយាកាសសាធារណៈ កីឡា និង
ល្បែងកំសាន្ដ។

 
ដោយមានស្ដង់ដាខ្ពស់ ផ្នែកសិល្បៈ និងសម្លៀកបំពាក់ ក្រុង Paris បានជាប់ចំណាត់ថ្នាក់លេខ ៥
ក្នុងបញ្ជីនេះ “ទីក្រុងដែលគួរឱ្យចង់រស់នៅបំផុត សម្រាប់យុវវ័យ”។

 
Chicago ត្រូវបានគេចាត់ទុកថា ជាទីក្រុងរបស់ខ្យល់ និងបានជាប់ចំណាត់ថ្នាក់លេខ ៦ ប្រសិន
និយាយអំពីស្ដង់ដា បរិយាកាសសាធារណៈ កីឡា និងល្បែងកំសាន្ដ។

 
London ជាទីក្រុងរបស់ Big Ben ឈរលំដាប់ទី ៧ ក្នុងបញ្ជីនេះ។

 
Los Angeles ជាទីក្រុងនៃក្រុមតារា ជាប់ចំណាត់ថ្នាក់លេខ ៨ ប៉ុន្ដែវានាំមុខគេ ប្រសិននិយាយអំពី
ឱកាសនៃការធ្វើជាម្ចាស់ក្រុមហ៊ុន។ យុវវ័យដែលចង់ចាប់ផ្ដើមមុខរបរ គួរតែមកកាន់ទីក្រុងនេះ។

 
Tokyo ឈរលំដាប់កំពូលតារា ប្រសិនពិនិត្យទៅលើអំណាចសេដ្ឋកិច្ច។ នេះគឺជាទីក្រុងដ៏ប្រណិត
និងថ្លៃបំផុត។

 
ចំណាត់ថ្នាក់លេខ ១០ បានទៅលើក្រុង Seoul ដែលជាទឹកដីរបស់ គីមជី។ ប៉ុន្ដែប្រសិនគេ និយាយ
អំពីភាពនឹងនរ របស់បរិស្ថាន នោះក្រុងនេះ ឈរនៅលើកំពូលតារាង។

ប្រែសម្រួលដោយ ៖ តារា
ប្រភព ៖ Huffingtonpost