CamNews

សព្វថ្ងៃនេះ Facebook គឺជាបណ្តាញសង្គម មួយដ៏ធំដែល បានគ្របដណ្តប់ អ្នកប្រើប្រាស់ទូទាំង ពិភពលោក មិនថាអ្នកប្រើ កុំព្យូទ័រ ឬទូរស័ព្ទ ។ បច្ចុប្បន Facebook មានកម្មវិធី ២ សំរាប់ទូរស័ព្ទទី ១ គឺ Facebook App ដែលអាចអោយ យើងឆែកមើល Facebook របស់យើង ហើយថែមទាំង អាចទទួលឬ ឆ្លើយឆ្លងសារ បានទៀតផង ចំណែកទី ២ គឺជា Facebook Messenger ដែលជា​កម្មវិធី អាចអោយអ្នក ប្រើប្រាស់ ផ្ញើរសារឬ ទទួលសាររបស់ Facebook លឿនជាង Facebook ធម្មតា ។

ថ្មីៗនេះ Facebook ចាប់ផ្តើម ជូនដំណឹងទៅ អ្នកប្រើប្រាស់នៅ បារាំង អង់គ្លេស និងប្រទេសមួយ ចំនួន ទៀតនៅអឺរ៉ុប អោយបានជ្រាបថា អ្នកប្រើប្រាស់ ទាំងអស់នឹងមិនអាច ទទួលសារ ឬឆ្លើយ​តបសាររបស់អ្នក តាមកម្មវធី Facebook App ធម្មតាទៀតឡើយ ។ ប្រសិនបើ ចង់ទទួលឬ ឆ្លើយ​តបសារ អ្នកប្រើប្រាស់ត្រូវ ដាក់កម្មវិធី Facebook Messenger ដើម្បីអាចទទួល ឬឆ្លើយ​តបសារ​បាន ។ សេចក្តីប្រកាសនេះ បានធ្វើអោយ អ្នកប្រើប្រាស់ ជាច្រើនមានការ ភ្ញាក់ផ្អើលថា ហេតុអ្វី បានជា Facebook ធ្វើបែបនេះ?

បើតាមសំដី អ្នកតំណាង របស់ Facebook បានអោយដឹងថា ការធ្វើបែបនេះ គឺដើម្បីចង់អោយ អ្នកប្រើប្រាស់ទាំងអស់ បានប្រើប្រាស់ ការទទួល និងផ្ញើរសារ បានលឿនជាងមុន ហើយអាច​ស្គាល់ និងប្រើប្រាស់ កម្មវិធីជាច្រើន ដូចជា ការផ្ញើរសំលេង និងខលដូចទូរស័ព្ទ ទៀតដែលក្រុម Facebook បានខំប្រឹង ប្រែងធ្វើឡើង ។

គួរបញ្ជាក់ ផងដែរថា Facebook ត្រូវបានប្រជែង ដោយក្រុមហ៊ុន ផលិតកម្មវិធី ផ្ញើរសារដូចជា Snapchat និង Line ជាដើមដែល កំពុងតែមានភាព ពេញនិយម ។ ការបង្ខំអោយ អ្នកប្រើប្រាស់ ដាក់បញ្ចូលកម្មវិធី Facebook Messenger នេះវាអាចជួយ អោយអនុភាព របស់ Facebook សាយភាយ និងប្រជែងជាមួយ ក្រុមហ៊ុនផ្សេងទៀត ។ តែការបង្ខំបែបនេះ ក៏ជះឥទ្ធិពល ដល់អារម្មណ៍ ទស្សនិកជនផងដែរ ព្រោះថា ការប្រើប្រាស់ កម្មវិធី ២ ផ្សេងគ្នាបែប ពិតជាមានការ ធុញទ្រាន់ណាស់ ។ យ៉ាងណាមិញ អ្នកជំនាញ មួយចំនួនបាន និយាយថា រឿងនេះ ច្បាស់ជាមាន ការទាក់ទងជាមួយ និងការទិញ កម្មវិធី Whatsapp របស់ Facebook កាលពីប៉ុន្មានខែមុន ៕

ប្រែសម្រួល ៖ កុសល
ប្រភព ៖ reuters