Donald Trump ៖ សំបុត្រផ្ញើតាមប្រៃសណីយ៍ គឺជាដំណោះស្រាយសន្តិសុខ អ៊ីនធឺរណែតល្អបំផុត
លោក Trump យល់ថា ដំណោះស្រាយ “ល្អបំផុត” ដើម្បីទប់ស្កាត់ការបែកធ្លាយព័ត៌មាននោះគឺ
គួរតែដាក់កុំព្យូទ័រ និងទូរស័ព្ទទៅមួយដុំ ហើយជំនួសមកវិញគឺការផ្ញើសារដែលសរសេរដោយដៃ។
អ្នកប្រើប្រាស់អ៊ីនធឺរណែតជាច្រើនយល់ថា គំនិតរបស់លោក Trump នឹងធ្វើឱ្យអាមេរិក
ដើរថយក្រោយ
ក្នុងកិច្ចសម្ភាសមួយក្នុងពិធីអបអរឆ្នាំថ្មីនៅ Florida អាមេរិក សម្រាប់សំនួរ “បញ្ហាសន្តិសុខអ៊ីនធឺរ
ណែត សំខាន់យ៉ាងណាក្នុងការដឹកនាំរបស់លោក?” ប្រធានាធិបតីថ្មីនេះ យល់ថា រដ្ឋាភិបាលគួរ
ផ្ញើលិខិតដែលសរសេរដោយដៃ ដោយការបញ្ជូនតាមប្រៃសណីយ៍ល្បឿនលឿន ជំនួសឱ្យការពឹង
ផ្អែកច្រើនទៅលើកុំព្យូទ័រ។
លោក Trump និយាយថា “បើសិនអ្នកមានអ្វីមួយដែលសំខាន់ ចូរសរសេរវា ហើយផ្ញើទៅកាន់
កន្លែងទទួលតាមរយៈការផ្ញើល្បឿនលឿន។ ពុំមានកុំព្យូទ័រណាមួយ មានសុវត្ថិភាពនោះទេ។ ខ្ញុំ
មានចៅម្នាក់អាយុ ១០ឆ្នាំ វាអាចធ្វើអ្វីៗបានជាមួយនឹងកុំព្យូទ័រ។ វាមិនមានសុវត្ថិភាព ហើយបើ
សិនមិនចង់ឱ្យមានការបែកធ្លាយ ខ្ញុំសង្កត់ធ្ងន់ថា គួរផ្ញើវាទៅតាមប្រៃសណីយ៍”។
បន្ទាប់ពីបាននិយាយ គំនិតរបស់លោក Trump ភ្លាមនោះបានក្លាយជាប្រធានបទសំខាន់ក្នុងការ
ជជែកគ្នានៅលើអ៊ីនធឺរណែត ពិសេសគឺនៅលើ Twitter។ គណនីជាច្រើនបានធ្វើការរិះគន់ថា
ប្រធានាធិបតីថ្មីនេះនឹងប្រែក្លាយប្រទេសអាមេរិក ឱ្យទៅជាហួសសម័យ ហើយជាងនេះ វានឹង
បង្កគ្រោះថ្នាក់ បើសិនវាជាខ្លឹមសារបន្ទាន់។ ខណៈដែលអ្នកខ្លះរិះគន់ដោយរូបភាពច្នៃ។
តាំងពីកំពុងឃោសនាបោះឆ្នោត លោក Trump ត្រូវបានគេដឹងថា ជាមនុស្សមិនចូលចិត្តបច្ចេក
វិទ្យា មិនយល់ដឹងច្រើនអំពីបច្ចេកវិទ្យា និងត្រូវគេ “ចោទ” ថា មិនចេះប្រើកុំព្យូទ័រ។ លោក Trump
ក៏ធ្លាប់ធ្វើឱ្យគេភ្ញាក់ផ្អើល នៅពេលចង់បិទទ្វារអ៊ីនធឺរណែត ដោយសារតែ ISIS៕
ប្រែសម្រួល ៖ តារា
ប្រភព ៖ cnet
- លេចធ្លាយដំណឹងអំពីទំហំអេក្រង់ទូរសព្ទអំបូរ Galaxy S22 (15/06/2021 15:20:00)
- ហេតុអ្វី អ្នកគួរបញ្ចូលជីអង្កាមក្នុងរបបអាហារប្រចាំថ្ងៃរបស់អ្នក? (17/04/2021 10:36:00)
- ជនជាតិចិនយកលុយតាមខ្លួនជិត ១លានដុល្លារ ម្នាក់ទៀតត្រូវបានឃាត់ខ្លួន (30/05/2019 11:11:00)
- កម្ពុជាប្រុងប្រយ័ត្នខ្ពស់ ករណីរាត្បាតជំងឺប៉េសជ្រូកអាហ្វ្រិកថ្មីៗទៀត នៅវៀតណាម (30/05/2019 09:30:00)
- ការប្រយុទ្ធរវាងកំពូល Titans និង Godzilla បានមកដល់រោងភាពយន្តក្នុងរឿង “Godzilla: King of the Monsters” (28/05/2019 14:36:00)
- Bella ranee និយាយអំពីរឿងដែល Weir សាងសង់ផ្ទះក្រោយរៀបការ (28/05/2019 14:20:00)
- អង្គការសង្គមស៊ីវិល ស្នើរាជរដ្ឋាភិបាល ផ្តល់ឱកាសដល់កុមារចូលរួមពិភាក្សាបញ្ហាអំពើហិង្សា (28/05/2019 10:00:00)
- ប្រឈមមុខជាប់ពន្ធនាគារ១៥ឆ្នាំ ដោយកំហឹងផ្ដើមពីប្រាក់ ១មុឺនរៀល (27/05/2019 16:38:00)
- រឿង “ដូនជីកំណាច” បែបរន្ធត់ជាស្នាដៃថ្មីពីអ្នកដឹកនាំខ្សែភាពយន្តដ៏ល្បី “Saw” II, III និង IV (27/05/2019 14:01:00)
- ក្រុមហ៊ុនចិន នឹង សាងសង់ឡសម្ងួត និងឃ្លាំងស្តុកអង្ករបាន ១លានតោន (27/05/2019 11:44:00)
ព័ត៌មានអន្តរជាតិ ដែលមើលច្រើន
