CamNews

ស្វែងរកកំរិតខ្ពស់
ព័ត៌មានអន្តរជាតិ 

ក្រុមអ្នកតវ៉ាឈរតម្រង់ជួរ ដើម្បីបានឱកាសសម្ដែងការមិនពេញចិត្ដដាក់ លោក Trump

ក្រុងញូវយ៉ក ៖ កាលពីថ្ងៃព្រហស្បតិ៍ ក្រុមអ្នកតវ៉ារាប់រយនាក់ បានតម្រង់ជួរ នៅតាមបណ្ដោយផ្លូវ ហាយវ៉េប៉ែកខាងលិចតំបន់ Manhattan ដើម្បីសើចចំអកដាក់ក្បួនរថយន្តរបស់លោក Donald Trump ខណៈពេលដែលលោក បានធ្វើដំណើរទស្សនកិច្ចជាលើកដំបូង ទៅកាន់ស្រុកកំណើតរបស់ខ្លួននាក្រុងញូវយ៉ក ដោយលោកមិនបានអញ្ជើញទៅ ចាប់តាំងពីលោក ក្លាយជាប្រធានាធិបតីសហរដ្ឋអាមេរិកមកម្ល៉េះ។

លោក Trump បានពន្លឿនការធ្វើដំណើររបស់លោក ឱ្យបានមុនម៉ោង ៧ រសៀលដើម្បីទៅចូលរួមទទួលទានអាហារពេលល្ងាច ជាមួយនាយករដ្ឋមន្រ្តីអូស្រ្តាលី លោក Malcolm Turnbull នៅលើនាវា USS Intrepid ជានាវាផ្ទុកយន្តហោះលែងប្រើ ដែលឥឡូវនេះ បានក្លាយជាសារមន្ទីរមួយ។



ហ្វូងមនុស្ស បានសម្ដែងការមិនពេញចិត្ដ និងស្រែកថា "ក្រុងញូវយ៉កស្អប់អ្នកណាស់!" ស្របពេលវាយស្គរបន្ទរ។ អ្នកគាំទ្រលោក Trump មួយចំនួន បានលើកដៃ ដើម្បីលើកទឹកចិត្តដល់លោក ។ ក្រុងញូវយ៉ក ជាកន្លែងនៃការធ្វើបាតុកម្មប្រឆាំងនឹងលោក Trump ដ៏ធំ នៅថ្ងៃដំបូងនៃការឡើងតំណែងជាប្រធានាធិបតីរបស់គណបក្សសាធារណរដ្ឋ។ ការជួបជុំគ្នា នៅថ្ងៃព្រហស្បតិ៍នេះ គ្រាន់តែជាការប្រមូលផ្ដុំទ្រង់ទ្រាយតូចជាងមុនប៉ុណ្ណោះ។

បាតុករខ្លះបានស្រែកពាក្យថា "គួរឱ្យអាម៉ាស់ណាស់!" ដាក់ក្រុមមនុស្ស ដែលស្លៀកពាក់សម្លៀកបំពាក់រាត្រី និងអាវផាយ ដែលមើលទៅទំនងជា តម្រង់ទៅទទួលទានអាហារពេលល្ងាច ដែលត្រូវបានរៀបចំឡើងដើម្បីរំលឹកដល់ខួបលើកទី ៧៥  នៃសមរភូមិសមុទ្រផ្កាថ្ម ដែលជាសមរភូមិទាហានជើងទឹក នាសង្គ្រាមលោកលើកទី II ។

អ្នកគាំទ្រលោក Trump មួយក្រុមតូច ក៏បានប្រមូលផ្តុំគ្នា នៅតាមដងផ្លូវផងដែរ ដោយមានកាន់បដាសរសេរថា៖ «សូមអរគុណព្រះជាម្ចាស់ ដែលប្រទានលោក Trump ដល់យើង "និង" និរទេសជនអន្ដោប្រវេសន៍ខុសច្បាប់ចេញទៅ”៕  


ប្រែសម្រួល ៖ សារ៉ាត

 

ប្រភព ៖ AP 


Tags: Donald Trump

ព័ត៌មានអន្តរជាតិ ដែលមើលច្រើន

ប្រទេសទាំង ១០ ដែល​មហាអំណាច​អាមេរិក ជំពាក់លុយច្រើនបំផុត លើលោក

ប្រទេស​ចំនួន ១០ ដែល​ជា​ម្ចាស់​បំណុល​​ធំៗ នៃ​មហាអំណាច​អាមេរិក ច្រើន​ជាង​​គេ​ចិន និង ជប៉ុន

យដឹងថា ជំងឺវីរុសកូរ៉ូណា មានអ្នកឆ្លងដល់ទៅប្រទេសថៃ តារាថៃនាំគ្នាពាក់ម៉ាស់សឹងតែគ្រប់គ្នា

ជំងឺវីរុសថ្មី កូរ៉ូណា ដែលជាជំងឹឆ្លងតាមរយៈផ្លូវដង្ហើម និងភ្នែក ពិសេស នៅវូហានផ្ទាល់ គឺមានអ្នកឆ្លងបានកើនឡើងជំងឺមួយនេះ រហូតដល់ ២៧៦១នាក់ និងមានអ្នកស្លាប់ដោយសារជំងឺនេះ៨១នាក់ផងដែល។

ចៅក្រមញ៉ូវហ្ស៊ីលែន កាត់ទោសបុរសអូស្រ្ដាលីម្នាក់ ដាក់គុកមួយជីវិត ព្រោះតែ.......

នៅថ្ងៃព្រហស្បិ៍នេះ តុលាការញ៉ូវហ្ស៊ីលែន បានកាត់ទោសបុរសម្នាក់ ដែលសម្លាប់បរិស័ទកាន់សាសនាកាតូលីកចំនួន ៥១ នាក់ នៅក្នុងការបាញ់......