(អ៉ីរ៉ាក់)៖ ក្មេងស្រីវ័យជំទង់ជាច្រើននាក់ នៅអ៉ីរ៉ាក់ត្រូវបានសម្លាប់យ៉ាងព្រៃផ្សៃ បន្ទាប់ពីពួកនាងមិនព្រម ធ្វើជាទាសករផ្លូវភេទ ក្រោយពីត្រូវក្រុមសកម្មប្រយុទ្ធ ISIS បង្ខំឲ្យរៀបការរួច។
ហេតុការណ៍នេះ កើតឡើងនៅតំបន់ Mosul នារីរងគ្រោះ ប្រមាណ២៥០នាក់ ត្រូវបានគេចាប់យកទៅប្រហារជីវិត នៅចំពោះមុខសមាជិកគ្រួសារតែម្តង ក្រោយពីពួកគេ ត្រូវចាប់បង្ខំឲ្យរៀបការ ហើយមិនព្រមបម្រើផ្លូវភេទ ដល់បុរសជាប្តី មិនតែប៉ុណ្ណោះ សាច់ញាតិមួយចំនួនរបស់នារីរងគ្រោះ ជាច្រើនក៏ត្រូវបានយកគេយកទៅសម្លាប់ដែរ ដោយរងការចោទថា មិនព្រមលួងលោមពួកនាងឲ្យព្រមរៀបការ ជាមួយបុរសក្រុម ISIS។
កាលពីឆ្នាំមុន មានស្ត្រីប្រមាណ ១៩នាក់ ត្រូវបានសម្លាប់នៅ Mosul បន្ទាប់ពីមិនព្រមមានសិច ជាមួយបុរសក្រុម ISIS ខណៈដែលស្ត្រី និងក្មេងស្រីជំទង់ប្រមាណ៥០០នាក់ទៀត ត្រូវបានពួកគេធ្វើបាបបំពាន លើរាងកាយ៕
ផ្តល់សិទ្ធដោយ ៖ ខ្មែរថកឃីង