BREAKING NEWS: «បរិក្ខានៃប្រព័ន្ធការពារមីស៊ីល THAAD មកដល់កូរ៉េខាងត្បូងហើយ»
(សេអ៊ូល)៖ អ្វីៗបានដើរលឿនជាងគំរោងហើយដោយពេលនេះ ឧបករណ៍រួមផ្សំមួយចំនួន (Battery) នៃប្រព័ន្ធការពារគ្រាប់មីស៊ីលកម្រិតខ្ពស់ THAAD បានមកដល់ប្រទេសកូរ៉េខាងត្បូង តបតាមការអំពាវនាវរបស់ប្រធានាធិបតីស្តីទីកូរ៉េខាងត្បូង និងប្រមុខការពារជាតិអាមេរិកដែលប្តេជ្ញាការពារសន្តិសុខទីក្រុងសេអ៊ូលចំពោះមុខការបង្កហេតុដោយការបាញ់មីស៊ីល ០៤គ្រាប់របស់កូរ៉េខាងជើងកាលពីថ្ងៃចន្ទ។ នេះបើតាមការចេញផ្សាយដោយសារព័ត៌មានយ៉ុនហាប់ នៅមុននេះបន្តិចនាព្រឹកថ្ងៃអង្គារ ទី០៧ ខែមីនា ឆ្នាំ២០១៧។
ក្រោយពីការបាញ់មីស៊ីលសាកល្បង ០៤គ្រាប់នាព្រឹកថ្ងៃចន្ទដើមសប្តាហ៍នេះ ដែលគ្រប់គ្នាមើលឃើញថា ជាការឆ្លើយតបរបស់ទីក្រុងព្យុងយ៉ាងទៅនឹងសមយុទ្ធយោធាដ៏ធំប្រចាំឆ្នាំរវាងអាមេរិក-កូរ៉េខាងត្បូងនោះ ទីក្រុងវ៉ាស៊ីនតោន និងសេអ៊ូលបានធ្វើថ្កោលទោសយ៉ាងខ្លាំង ព្រមទាំងបានសម្រេចភ្លាមៗឲ្យមានការបញ្ជូនឧបករណ៍ពាក់ព័ន្ធនានានៃការតម្លើងប្រព័ន្ធការពារមីស៊ីល THAAD ដែលគ្រោងនឹងដាក់ពង្រាយនៅចុងឆ្នាំ២០១៧នេះមកកាន់កូរ៉េខាងត្បូង ដែលវាអាចនឹងត្រូវបំពាក់កំណត់ហើយ។
ប្រទេសកូរ៉េខាងជើងនាដើមឆ្នាំ២០១៧នេះ ហាក់លេចឡើងនូវបញ្ហាធំៗជាច្រើន ជាពិសេសការធ្វើតេស្តគ្រាប់មីស៊ីលដែលទទួលរងទណ្ឌកម្មយ៉ាងច្រើនពីអន្តរជាតិ ក្នុងនោះមានទាំងចិនដែលជាប្រទេសសម្ព័ន្ធមិត្តជិតស្និទ្ធបំផុតតែមួយគត់របស់ខ្លួនផងដែរ។ បន្ថែមពីនេះទៀតបញ្ហាធ្វើឃាតលោក គីម ជុងណាំ បងប្រុសលោក គីម ជុងអ៊ុន ក៏បាននិងកំពុងធ្វើឲ្យទំនាក់ទំនងការទូតជាមួយប្រទេសម៉ាឡេស៊ីឈានទៅរកទីបញ្ចប់។ ដោយឡែកជុំវិញការគ្រោងដាក់ពង្រាយ THAAD មុនកំណត់នេះ បានទទួលប្រតិកម្មនិងការព្រមានរួចទៅហើយពីសំណាក់ប្រទេសចិន៕
ផ្តល់សិទ្ធិដោយ ៖ ហ្រ្វេសញ៉ូវអាសុី
- លេចធ្លាយដំណឹងអំពីទំហំអេក្រង់ទូរសព្ទអំបូរ Galaxy S22 (15/06/2021 15:20:00)
- ហេតុអ្វី អ្នកគួរបញ្ចូលជីអង្កាមក្នុងរបបអាហារប្រចាំថ្ងៃរបស់អ្នក? (17/04/2021 10:36:00)
- ជនជាតិចិនយកលុយតាមខ្លួនជិត ១លានដុល្លារ ម្នាក់ទៀតត្រូវបានឃាត់ខ្លួន (30/05/2019 11:11:00)
- កម្ពុជាប្រុងប្រយ័ត្នខ្ពស់ ករណីរាត្បាតជំងឺប៉េសជ្រូកអាហ្វ្រិកថ្មីៗទៀត នៅវៀតណាម (30/05/2019 09:30:00)
- ការប្រយុទ្ធរវាងកំពូល Titans និង Godzilla បានមកដល់រោងភាពយន្តក្នុងរឿង “Godzilla: King of the Monsters” (28/05/2019 14:36:00)
- Bella ranee និយាយអំពីរឿងដែល Weir សាងសង់ផ្ទះក្រោយរៀបការ (28/05/2019 14:20:00)
- អង្គការសង្គមស៊ីវិល ស្នើរាជរដ្ឋាភិបាល ផ្តល់ឱកាសដល់កុមារចូលរួមពិភាក្សាបញ្ហាអំពើហិង្សា (28/05/2019 10:00:00)
- ប្រឈមមុខជាប់ពន្ធនាគារ១៥ឆ្នាំ ដោយកំហឹងផ្ដើមពីប្រាក់ ១មុឺនរៀល (27/05/2019 16:38:00)
- រឿង “ដូនជីកំណាច” បែបរន្ធត់ជាស្នាដៃថ្មីពីអ្នកដឹកនាំខ្សែភាពយន្តដ៏ល្បី “Saw” II, III និង IV (27/05/2019 14:01:00)
- ក្រុមហ៊ុនចិន នឹង សាងសង់ឡសម្ងួត និងឃ្លាំងស្តុកអង្ករបាន ១លានតោន (27/05/2019 11:44:00)
ព័ត៌មានអន្តរជាតិ ដែលមើលច្រើន
