វីធីបំបាត់ភាពងោកងុយ ក្នុងពេលធ្វើការ?

សុខភាព យល់ដឹង

វីធីបំបាត់ភាពងោកងុយ ក្នុងពេលធ្វើការ?

03:04 PM 02.04.2012
Print Email

អ្នកដែលមានអារម្មណ៍ងោកងុយ នៅពេលរសៀល ភាគច្រើនតែងតែពឹងផ្អែកលើ កាហ្វេ។
ប៉ុន្តែ អ្នកដឹងរួចមកហើយថា បើទទួលទានកាហ្វេញឹកញាប់ គឺមិនល្អចំពោះ សុខភាពទេ។
ដូច្នេះ គួរងាកមកប្រើជម្រើសផ្សេង ដែលមានប្រយោជន៍ជាងនេះ ដូចខាងក្រោម៖

បន្លែ ផ្លែឈើ ដែលមានវីតាមីន C ៖ មានដូចជា ត្របែក ក្រូច ពេលរាងកាយអស់កម្លាំង
ប្រយោជន៍ពីវីតាមីន C នឹងជួយប្រឆាំងភាពតានតឹង និងទុក្ខកង្វល់បាន។

ផ្លែឈើដែលមានជាតិក្រូមីញ៉ូម ៖ ដើម្បី ជួយរក្សាកម្រិតជាតិស្ករក្នុងឈាម និងបង្កើន ថាមពលដល់រាងកាយ ដែលអាចជួយបន្ថយ ភាពងោកងុយបានយ៉ាងល្អ ដូចជា ផ្លែប៉ោម ចេក
ជាដើម។ ជាពិសេស ផ្លែប៉ោម មានជាតិស្ករម៉ូ លេគុលទោលច្រើន ជួយជំរុញភាពស្រស់
ស្រាយ ដល់រាងកាយ ថែមទាំងងាយស្រួលរំលាយ ទើប រាងកាយអាចទាញយកថាមពល
ទៅប្រើប្រាស់ បានភ្លាមៗ និងពុំមានគ្រោះថ្នាក់ចំពោះរាងកាយ។ អ្នកអាចទទួលទានផ្លែប៉ោម ជំនួសកាហ្វេ នៅពេលព្រឹក បាន។

ធញ្ញជាតិ ៖ ដូចជា សណ្តែក ល្ង អង្ករសំរូប អាចជួយបំប៉នសរសៃប្រសាទ និង ធ្វើឱ្យស្រស់
ថ្លាបាន។ អាហារប្រភេទនេះ សម្បូរដោយប៉ូតាសស្យូម និងម៉ាញេស្យូម។ ក្រៅពីនេះ ក៏ជាប្រភពផ្តល់ជាតិប្រូតេអ៊ីន បង្កើនថាមពលដល់រាងកាយផងដែរ។

អូមេហ្គា-៣ ជាតិខ្លាញ់ពីត្រី ៖ សារធាតុប្រភេទនេះ នឹងជួយឱ្យមានសមាធិប្រសើរ ឡើង និង
មានការចងចាំបានល្អទៀតផង៕

ប្រភពដកស្រង់ពី Healthcambodia
ដោយ៖ រដ្ឋា