CamNews

បចេ្ចកវិទ្យា៖ ក្រោយពីបានជំពាក់ចិត្ដ​នឹងចំណងជើងជាការផ្ដើម ឲ្យប្រិយមិត្ដមកដល់ទីនេះ វេបសាយគេហទំព័រកម្សាន្ដ ខេមញូវ សូមនាំអារម្មណ៍លោកអ្នកចូលទស្សនាវីដេអូខ្លីមួយដែលធ្វើបទបង្ហាញដោយ​យុវជនម្នាក់​​អំពី ការប្រើប្រាស់ កម្មវិធី អ៊ែនដ្រយរបស់ស្មាតហ្វូន  ជាមួយរថយន្ដទំនើបរបស់លោកអ្នក។ 

យោងតាមពាក្យសម្ដីដ៏ក្បោះក្បាយរបស់ វាគ្មិន ចង់បង្ហាញប្រាប់ឲ្យដឹងថា​ ពីមួយថ្ងៃទៅមួយថ្ងៃ ការកើនឡើងនៃអ្នក​ប្រើប្រាស់ ទូរស័ព្ទឆ្លាតវៃកាន់តែកើនឡើងៗទៅហើយ ស្របគ្នានឹងកំណើនដ៏ឆាប់រហ័ស បច្ចេក​វិទ្យា​របស់ទូរស័ព្ទវៃឆ្លាតប្រើប្រព័ន្ធ អ៊ែនដ្រយ ទាំងនោះ ត្រូវបានគេ​បន្ថែមកម្មវីធីថ្មីមួយទៀត​ដែលអាចបញ្ជូនប្រព័ន្ធ​នៃការគ្រប់គ្រងរបស់ ទូរស័ព្ទចូលទៅកាន់​​ប្រព័ន្ធបញ្ជារបស់រថយន្ដទំនើបរបស់អ្នកដែលប្រើ ថាច់ស្គី្រន (Touch Screen )។ 

ការបង្កើតថ្មីនៃកម្មវីធីមួយនេះ មានឈ្មោះថា អ៊ែនដ្រយអូតួ (Android Auto) ដែលមានមុខងារពិសេស ក្នុងការ​ដំណើរការប្រព័ន្ធដ៏ឆ្លាតវៃមួយនេះ។ វាផ្ដល់ទំនុកចិត្ដខ្ពស់ឲ្យអ្នកប្រើប្រាស់ទាំងអស់​ដោយមិនចាំបាច់ប្រើ​លើទូរស័ព្ទ​ផ្ទាល់របស់ពួកគេ ជាមួយនិងកម្មវិធីផ្សេងៗដែលបាន បកស្រាយបង្ហាញលើ លើវីដែអូខ្លីមួយនោះ ។ ជាច្រើនហេតុការណ៍ណាស់ទៅហើយ លើករណីគ្រោះថ្នាក់ចរាចរ​កើតចេញពី ការប្រើប្រាស់ទូរស័ព្ទដៃ ខណៈពេល​កំពុង តែបើកបរ ដូច្នោះដើម្បីរក្សាបានសុវត្ថិភាពងាយស្រួលដល់អតិថិជនគាំទ្រ កម្មវិធី អ៊ែនដ្រយ ក្រុមហ៊ុនបានសម្រេចបង្កើត កម្មវិធីមួយនេះឡើង។ 

វិធីនៃការដំណើរការ​ប្រព័ន្ធមួយនេះ ៖

គ្រប់អតិថិជនរបស់ស្មាតហ្វូន កម្មវីធីអ៊ែនដ្រយ អាចចូលទៅក្នុង អេបស្ដរ (App Store ) ហើយទាញយកកម្មវិធីមួយដែលមានឈ្មោះថា Android Auto ដម្លើងក្នុងទួរស័ព្ទរបស់លោកអ្នក ក្រោយមកទៀត លោកអ្នកយក ខ្សែរ​ឌុយបញ្ចូលថាមពលរបស់ទូរស័ព្ទដែលចេញពីរថយន្ដទំនើបរបស់អ្នក ដោតចូលទៅទូរស័ព្ទ ពេលនោះសញ្ញានៃការភ្ជាប់គឺលេច​ចេញ​មកលើ ផ្ទាំងស្គ្រីនរថយន្ដ ហើយលោកអ្នកគ្រាន់តែ ប៉ះលើសញ្ញានោះ គឺវានិងបង្ហាញ​ផ្ទាំង ដូចដែរអ្វី​ ដែល​បាន​បង្ហាញក្នុងទូរស័ព្ទដៃរបស់លោកអ្នកដូច្នោះដែរ ពេលនោះហើយដែលលោកអ្នក​អាចមាន សិទ្ធពេញលេញប្រើ លើស្គ្រីនរថយន្ដរបស់លោកអ្នក ដោយមិនបាច់ប្រើលើទូរស័ព្ទ។ មានកម្មវិធី មួយចំនួនដែលអាច ប្រើប្រាស់បាន ដូចអ្វីដែលអ្នក​បានតាមដានក្នុងខ្សែវិដេអូ ខាងលើ។ 

យោងតាមការបកស្រាយបង្ហាញរបស់គេហទំព័រ គូសបញ្ជាក់ឲ្យដឹងថា ប្រភេទរថយន្ដដែលអាចដំណើរការបានប្រព័ន្ធនេះបាន មានដូចជា ​៖ Bentley, FCA, Nissan, Mazda, Mitsubishi, General Motors, Volkswagen, ​Volvo, ​Hyundai, ​Kia និង Honda​ ។ 

រីករាយនឹងការធ្វើដំណើរ អបនិងការកម្សាន្ដយ៉ាងសំបូរបែបជាមួយនិង យុគសម័យស្មាតហ្វូន ។ 

ដោយ៖ អឿ អ៊ុយ
ប្រភព៖ Topspeed