សួនផ្កា Brooklyn Botanic នេះត្រូវបានគេចាត់ទុកជារតនសម្បត្តិ វប្បធម៌ និងធម្មជាតិដែល
មានតំលៃបំផុតរបស់ទីក្រុង New York សហរដ្ឋអាមេរិក ។ មកដល់ទីនេះយើងនឹងមាន
ឱកាសគយគន់នូវទេសភាពដ៏ស្រស់ស្អាតរបស់សួន ជាពិសេសគឺទាំងបួនរដូវតែងតែមាន
ផ្ការីកចំរុះពណ៌ជាប់ជានិច្ចដោយសារតែនៅក្នុងសួននេះមានដាំផ្កាជាច្រើនប្រភេទនិងរីកទៅ
តាមរដូវនីមួយៗជាប់រហូត ។
![](/FileManager/Articles/mce/2011/10/4/5328-3cfe0ce5-c57c-4178-8885-acdc4961330c.jpg)
![](/FileManager/Articles/mce/2011/10/4/5328-06c89166-261e-4cf5-9eac-4e0f3ff3119b.jpg)
Brooklyn Botanic មានទីតាំងនៅជាប់នឹងសារមន្ទីរប្រវត្តិសាស្រ្តដ៏ល្បីឈ្មោះ Brooklyn ជា
ហេតុធ្វើអោយមានភ្ញៀវទេសចរណ៍ចូលទៅកំសាន្តនៅទីនោះកាន់តែមានចំនួនច្រើនឡើងៗ
ក្នុងមួយថ្ងៃៗ ។ សួននេះគឺជាសួនមួយក្នុងចំណោមសួនផ្កាទាំងឡាយដែលមានភ្ញៀវទៅ
កំសាន្តមានចំនួនច្រើនបំផុតក្នុងប្រទេសអាមេរិក ផងដែរ ។ សួន Brooklyn Botanic មានរុក្ខ
ជាតិទាំងអស់ប្រមាណជា ១២,០០០ ប្រភេទ ដែលគ្របដណ្តប់នៅលើផ្ទៃដីទំហំ ២១០,៤៣៦
ម៉ែត្រការ៉េ ។
![](/FileManager/Articles/mce/2011/10/4/5328-d2bc0fad-839d-4c0e-8fc6-8cf3c3f582fe.jpg)
![](/FileManager/Articles/mce/2011/10/4/5328-e0b1df4f-2be8-41b1-a46e-7f8ca0e3f1b4.jpg)
ដោយឡែកសួនផ្កាកូលាបបានបង្ហាញយ៉ាងច្បាស់ពីរបៀបរបបរបស់ជនជាតិអាមេរិក ដែល
កាលពីឆ្នាំ ១៩២៧ លោក Walter V. Cranford ជាវិស្វករស្ថាបត្យកម្មម្នាក់ បានចំណាយប្រាក់
ចំនួន ១៥,០០០ ដុល្លាអាមេរិក ដើម្បីសាងសង់សួនផ្កាកូលាបនេះឡើង ហើយមានដើមផ្កា
មួយចំនួននៅក្នុងសួននេះរក្សាបានរហូតមកដល់ពេលបច្ចុប្បន្ននេះទៀតផង ។
![](/FileManager/Articles/mce/2011/10/4/5328-b87f4d17-8877-45d9-a9c7-b0a5f5f9a8b8.jpg)
![](/FileManager/Articles/mce/2011/10/4/5328-4cb54910-8487-4f71-a72f-28bc08a5c173.jpg)
![](/FileManager/Articles/mce/2011/10/4/5328-96580b9c-750c-497e-920f-71b4c6d2b7a2.jpg)
សួនផ្កាកូលាប Cranford នៅ Brooklyn Botanic គឺជាសួនផ្កាកូលាបមួយក្នុងចំណោមសួនផ្កា
កូលាបដ៏សំបូរបែបបំផុតនៅភាគខាងជើងនៃប្រទេសអាមេរិក ដែលមានកូលាបប្រមាណជា
១,៤០០ ប្រភេទផ្សេងៗគ្នា ក្នុងនោះមានទាំងកូលាបព្រៃ កូលាបពីដើម(Original) និងកូលាប
កាត់ពូជ ។ នៅក្នុងសួន Brooklyn Botanic នេះផងដែរក៏មានតំបន់ខ្លះមានដាំផ្កាមួយចំនួន
ដែលមានក្លិនច្រើនប្រភេទសំរាប់បំពេញតំរូវការនៃអ្នកដែលចូលចិត្តស្រង់ក្លិនដ៏ក្រអូបរបស់
បុប្ផា ។ ទីនោះក៏មានសាងសង់នូវកន្លែងកំសាន្តផ្សេងៗជាច្រើនទៀតដូចជាកន្លែងកំសាន្ត
សំរាប់កុមារជាដើម....។
![](/FileManager/Articles/mce/2011/10/4/5328-661bb37d-d140-4e80-bf9e-e1fa5ded1c05.jpg)
![](/FileManager/Articles/mce/2011/10/4/5328-431a237d-8e3a-40a5-9dd3-76569b9f9ebe.jpg)
![](/FileManager/Articles/mce/2011/10/4/5328-fc9bf82d-7217-43c9-995d-a52e16fb83fa.jpg)
![](/FileManager/Articles/mce/2011/10/4/5328-8bba0df7-d80c-4f54-9ec7-54052d7c48d5.jpg)
សួនផ្កា Brooklyn មានដាំផ្កា Sukura ចំនួន ២០០ដើមដែលមាន ៤២ប្រភេទផ្សេងគ្នា និងត្រូវ
បានចាប់ដាំដំបូងនៅក្នុងសម័យកាលនៃសង្គ្រាមលោកលើទីមួយមកម្ល៉េះ គឺជាអំណោយ
របស់នាយករដ្ឋមន្ត្រីជប៉ុនជូននាសម័យកាលនោះ ។
![](/FileManager/Articles/mce/2011/10/4/5328-3501f360-f944-461d-8c2d-78b6997fcb26.jpg)
នៅពេលរដូវផ្ការីកមកដល់ម្តងៗ នៅក្នុងសួន Brooklyn នេះ ផ្កាSukura ចាប់ផ្តើមរីកអូស
បន្លាយរយៈពេលពេញមួយខែ ពេលនោះក៏ជាពេលនៃពិធីបុណ្យ Sukura Matsuri បានប្រារព្ធ
ធ្វើឡើងនៅរៀងរាល់ចុងសប្តាហ៍ ។ សួន Sukura នេះហាក់ដូចជាមាននៅគ្រប់ទីកន្លែងក្នុង
សួន Brooklyn គឺចាប់តាំងពី Cherry Esplanade និង Cherry Walk រហូតដល់សួនទឹកជប៉ុន
ដែលនេះគឺជាសួនទឹកតាមបែបជប៉ុនដំបូងដែលបានសាងសង់ឡើងនៅក្នុងសួនសាធារណៈ
ក្នុងទឹកដីអាមេរិក ដែលមានអ្នកជំនាញជាជនជាតិជប៉ុនជាអ្នកទទួលភារកិច្ចទាំងស្រុងក្នុង
ការកសាងវាឡើងមានលក្ខណៈតាមបែបជប៉ុនពិតៗ ៕
ប្រភព៖ ione.net
ដោយ៖ រដ្ឋា