ស្រា ត្រូវបានហាមឃាត់ ក្នុងព្រឹត្តិការណ៍បាល់ទាត់ Euro 2016 នៅបារាំង
(ប៉ារីស)៖ ប៉ូលិស នឹងធ្វើការឃាត់ខ្លួន ឬមិនត្រូវបានអនុញ្ញាតឲ្យចូលក្នុងពហុកីឡដ្ឋានឡើយ ចំពោះអ្នកគាំទ្រណា ដែល ពិសាគ្រឿងស្រវឹង ក្នុងព្រឹត្តិការណ៍ប្រកួតបាល់ទាត់ពានរង្វាន់ប្រចាំទ្វីបអឺរ៉ុប UEFA Euro 2016 នៅប្រទេសបារាំង ដែលគ្រោងនឹងចាប់ផ្តើមនាខែក្រោយនេះហើយ ។
តាមរយៈសារព័ត៌មាន BBC បានផ្សាយឲ្យដឹងនៅថ្ងៃទី២៥ ខែឧសភា ឆ្នាំ២០១៦ ថា បម្រាមគោចរនេះនឹងត្រូវបានធ្វើឡើងនៅម៉ោង ៦៖០០នាទីព្រឹក រហូតដល់ម៉ោង ៦៖០០នាទីល្ងាច (ម៉ោងនៅប្រទេសបារាំង) ដែលជាម៉ោងធ្វើការ ប្រកួតនៅតាមពហុកីឡដ្ឋានទាំង ១០ក្នុងប្រទេសជាម្ចាស់ផ្ទះ ក្រោមការត្រួតពិនិត្យយ៉ាងតឹងរឹងបំផុតពីសំណាក់អាជ្ញាធរបារាំង និងការត្រួតពិនិត្យជាតិអាល់កុលនៅតាមដងផ្លូវ នៅពេលពួកគេធ្វើដំណើរមកទស្សនាបាល់ទាត់ផងដែរ ។
ទន្ទឹមគ្នានោះ ទីក្រុង Lens របស់បារាំង ដែលជាទីក្រុងសំបូរទៅដោយប្រភពស្រា និងអ្នកគាំទ្រតែងតែផ្ទុះហិង្សានោះ គឺត្រូវបានរឹតបន្តឹងយ៉ាងតឹងតែងបំផុតថែមទៀតផង ជាពិសេសសម្រាប់អ្នកគាំទ្រក្រុមជម្រើសជាតិអង់គ្លេស និងជម្រើសវ៉េលតែម្តង មិនត្រូវបានអនុញ្ញាតឲ្យសេពសុរានៅតាមដងផ្លូវនានាឡើយនៅជុំវិញទីក្រុង Lens ។
ជំនួយការសន្តិសុខជាតិបារាំងលោក Mark Roberts បានថ្លែងប្រាប់ BBC ថា »ការធ្វើបែបនេះ គឺដើម្បីបញ្ចៀសអំពើហិង្សាកើតឡើងពេលកំពុងប្រកួត និងក្រោយពេលបញ្ចប់ការប្រកួត ដើម្បីរក្សាបានស្ថិរភាព ១០០% នៅទូទាំងប្រទេសបារាំង ជូនអ្នកគាំទ្រ ថ្នាក់ដឹកនាំ និងកីឡាករគ្រប់រូប» ។
មន្រ្តីប៉ូលិសខាងលើដដែលបានបន្តថា តាមស្ថិតិពីការលក់សំបុត្រ អ្នកគាំទ្រក្រុមជម្រើសជាតិអង់គ្លេសមានចំនួនច្រើនជាងគេរហូតដល់ទៅ ៥០ម៉ឹននាក់ និងកំពុងស្នើសុំបន្ថែមទៀត ដើម្បីឲ្យបាន ១.៦លានសន្លឹកឯណោះ ដោយសារពួកគេ មានជំនឿថា អង់គ្លេសនឹងឈ្នះពាន Euro 2016 ព្រោះជាក្រុមលេងល្អដាច់គេក្នុងវគ្គជម្រុះនាពេលកន្លងមក មិនដែល ចាញ់ និងស្មើឡើយ ពោលគឺឈ្នះរហូតទាំង១០ប្រកួតតែម្តង ។
សូមបញ្ជាក់ផងដែរថា យុទ្ធនាការដែលមានរយៈពេល៤ឆ្នាំម្តង UEFA Euro 2016 លើកទី១៥ នឹងសម្ពោធបើកការ ប្រកួតជាផ្លូវការនៅថ្ងៃទី១០ មិថុនា និងបញ្ចប់ទៅវិញនៅថ្ងៃទី១០ ខែកក្កដា ឆ្នាំ២០១៦ នៅកីឡដ្ឋានទាំង១០កន្លែង ក្នុងទីក្រុងចំនួន១០ នៅទូទាំងប្រទេសបារាំង ដោយមាន២៤ក្រុមជម្រើសជាតិចូលរួម ៕
ផ្តល់សិទ្ធដោយ ៖ ខ្មែរថកឃីង
- លេចធ្លាយដំណឹងអំពីទំហំអេក្រង់ទូរសព្ទអំបូរ Galaxy S22 (15/06/2021 15:20:00)
- ហេតុអ្វី អ្នកគួរបញ្ចូលជីអង្កាមក្នុងរបបអាហារប្រចាំថ្ងៃរបស់អ្នក? (17/04/2021 10:36:00)
- ជនជាតិចិនយកលុយតាមខ្លួនជិត ១លានដុល្លារ ម្នាក់ទៀតត្រូវបានឃាត់ខ្លួន (30/05/2019 11:11:00)
- កម្ពុជាប្រុងប្រយ័ត្នខ្ពស់ ករណីរាត្បាតជំងឺប៉េសជ្រូកអាហ្វ្រិកថ្មីៗទៀត នៅវៀតណាម (30/05/2019 09:30:00)
- ការប្រយុទ្ធរវាងកំពូល Titans និង Godzilla បានមកដល់រោងភាពយន្តក្នុងរឿង “Godzilla: King of the Monsters” (28/05/2019 14:36:00)
- Bella ranee និយាយអំពីរឿងដែល Weir សាងសង់ផ្ទះក្រោយរៀបការ (28/05/2019 14:20:00)
- អង្គការសង្គមស៊ីវិល ស្នើរាជរដ្ឋាភិបាល ផ្តល់ឱកាសដល់កុមារចូលរួមពិភាក្សាបញ្ហាអំពើហិង្សា (28/05/2019 10:00:00)
- ប្រឈមមុខជាប់ពន្ធនាគារ១៥ឆ្នាំ ដោយកំហឹងផ្ដើមពីប្រាក់ ១មុឺនរៀល (27/05/2019 16:38:00)
- រឿង “ដូនជីកំណាច” បែបរន្ធត់ជាស្នាដៃថ្មីពីអ្នកដឹកនាំខ្សែភាពយន្តដ៏ល្បី “Saw” II, III និង IV (27/05/2019 14:01:00)
- ក្រុមហ៊ុនចិន នឹង សាងសង់ឡសម្ងួត និងឃ្លាំងស្តុកអង្ករបាន ១លានតោន (27/05/2019 11:44:00)
កីឡាអន្តរជាតិ ដែលមើលច្រើន
