មិនធម្មតា!Pacquiao សង់ផ្ទះ ១០០០ខ្នងឲ្យប្រជាជនក្រីក្រហ្វីលីពីនពីទឹកប្រាក់១៥០លានដុល្លារ
(ម៉ានីល)៖ អតីតកីឡាករប្រដាល់សកលជើងឯកពិភពលោក Manny Pacquiao បានយកលុយចំនួន ១៥០លានដុល្លារ ដែលទទួលបានពីការប្រកួតចាញ់កីឡាករអាមេរិក Floyd Mayweather ទៅសង់ផ្ទះ ១០០០ខ្នងឲ្យប្រជាជនក្រីក្រហ្វីលីពីន។
តាមរយៈគេហទំព័រ Amazyble បានចេញផ្សាយឲ្យដឹងនៅថ្ងៃព្រហស្បតិ៍ ទី២៧ ខែតុលានេះថា កីឡាករនិម្មិតរូប និងជាអ្នកនយោបាយ១រូបនៃប្រទេសហ្វីលីពីនបច្ចុប្បន្នផងនោះ បានយកថវិកាមួយចំនួន ក្នុងចំណោមថវិកាសរុប ១៥០លាន ដុល្លារ បន្ទាប់ពីប្រកួតចាញ់ Floyd Mayweather ដោយពិន្ទុកាលពីខែកញ្ញា ឆ្នាំ២០១៥ យកទៅសាងសង់ផ្ទះចំនួន ១០០០ខ្នង ចែកជូនជនគ្មានផ្ទះសម្បែងហ្វីលីពីនរស់នៅ។
កីឡាករវ័យ ៣៧ឆ្នាំដែលប្រកបអាជីពប្រដាល់ ២១ឆ្នាំមកនេះបានថ្លែងថា «ខ្ញុំសប្បាយចិត្តណាស់ ចំពោះការចំណាយ លុយក្នុងហោប៉ៅផ្ទាល់ខ្លួន សង់ផ្ទះឲ្យប្រជាជនខ្ញុំរស់នៅក្នុងខេត្ត Sarangani ហើយខ្ញុំនៅតែបន្តសកម្មភាពនេះដដែល ដោយគ្មានពាក្យរអ៊ូរទាំឡើយ ហើយក៏សុំអំពាវនាវឲ្យអ្នកមានទ្រព្យឯទៀតចូលរួមសកម្មភាពមនុស្សធម៌នេះផងដែរ»។
នេះជាលើកទី១ហើយសម្រាប់ Pacman ដែលធ្វើសកម្មភាពមនុស្សដែលមិនអាចកាត់ថ្លៃបាន ហើយវាស័ក្តិសមទៅនឹងអ្វីដែលរូបគេធ្លាប់បានលើកឡើងដែរថា «ការចូលប្រឡូកក្នុងឆាកនយោបាយ ក៏ជាការចូលរួម ចំណែកក្នុងជួយអភិវឌ្ឍន៍ និងប្រជាជនរបស់គេផងដែរ»។
សូមបញ្ជាក់ផងដែរថា Manny Pacquiao នឹងត្រូវឡើងសង្វៀនជាថ្មី ប្រកួតដណ្តើមខ្សែក្រវាត់ WBO ពីជើងខ្លាំងជនជាតិអាមេរិក Jessie Vargas នាព្រឹកថ្ងៃអាទិត្យ ទី៦ ខែវិច្ឆិកា ដែលជាការឡើងវ៉ៃលើកទី២ របស់គេក្នុងឆ្នាំ២០១៦នេះ ក្រោយពីផ្តួលកីឡាករ Timothy Bradley កាលពីខែមេសា ដោយពិន្ទុជាឯកច្ឆន្ទ៕
ផ្តល់សិទ្ធដោយ ៖ ខ្មែរថកឃីង
- លេចធ្លាយដំណឹងអំពីទំហំអេក្រង់ទូរសព្ទអំបូរ Galaxy S22 (15/06/2021 15:20:00)
- ហេតុអ្វី អ្នកគួរបញ្ចូលជីអង្កាមក្នុងរបបអាហារប្រចាំថ្ងៃរបស់អ្នក? (17/04/2021 10:36:00)
- ជនជាតិចិនយកលុយតាមខ្លួនជិត ១លានដុល្លារ ម្នាក់ទៀតត្រូវបានឃាត់ខ្លួន (30/05/2019 11:11:00)
- កម្ពុជាប្រុងប្រយ័ត្នខ្ពស់ ករណីរាត្បាតជំងឺប៉េសជ្រូកអាហ្វ្រិកថ្មីៗទៀត នៅវៀតណាម (30/05/2019 09:30:00)
- ការប្រយុទ្ធរវាងកំពូល Titans និង Godzilla បានមកដល់រោងភាពយន្តក្នុងរឿង “Godzilla: King of the Monsters” (28/05/2019 14:36:00)
- Bella ranee និយាយអំពីរឿងដែល Weir សាងសង់ផ្ទះក្រោយរៀបការ (28/05/2019 14:20:00)
- អង្គការសង្គមស៊ីវិល ស្នើរាជរដ្ឋាភិបាល ផ្តល់ឱកាសដល់កុមារចូលរួមពិភាក្សាបញ្ហាអំពើហិង្សា (28/05/2019 10:00:00)
- ប្រឈមមុខជាប់ពន្ធនាគារ១៥ឆ្នាំ ដោយកំហឹងផ្ដើមពីប្រាក់ ១មុឺនរៀល (27/05/2019 16:38:00)
- រឿង “ដូនជីកំណាច” បែបរន្ធត់ជាស្នាដៃថ្មីពីអ្នកដឹកនាំខ្សែភាពយន្តដ៏ល្បី “Saw” II, III និង IV (27/05/2019 14:01:00)
- ក្រុមហ៊ុនចិន នឹង សាងសង់ឡសម្ងួត និងឃ្លាំងស្តុកអង្ករបាន ១លានតោន (27/05/2019 11:44:00)
កីឡាអន្តរជាតិ ដែលមើលច្រើន
