CamNews

បច្ចេកវិទ្យា ៖ វីដេអូឃ្លីបពីរ ដែលត្រូវបានបង្ហោះនៅតាមបណ្តាញអ៊ីនធឺណែត និងចែកចាយតៗគ្នា នាំឲ្យមានការជជែកវែកញែកគ្រប់ទីកន្លែង សូម្បីតែនៅប្រទេសចិន ម៉ាឡេស៊ី សិង្ហបុរី សូម្បីតែតារាល្បីនៅកម្ពុជាជាច្រើនរូប និងគេហទំព័រព័ត៌មានផ្សេងៗ ក៏បានបង្ហោះជាមួយនឹងចម្ងល់ពាក់ព័ន្ធនឹងវីដេអូទាំងនេះដែរ។

មានវីដេអូឃ្លីបរយៈពេល៣០វិនាទី ចំនួន២ ។ វីដេអូទីមួយ បានបង្ហាញពីការកត់ត្រា ការគូររូប ការរៀបចំគម្រោងផ្សេងៗ និងការស៊ែលហ្វីនៅតាមដងផ្លូវ ចំណែកវីដេអូទី២ បានបង្ហាញពីទីក្រុងដ៏ទំនើប លក្ខណៈនៃការថតវីដេអូសម្រាប់បង្ហោះនៅលើយូធូប ពីប្រទេសតៃវ៉ាន់ ហ្វីលីពីន ម៉ាឡេស៊ី។ វីដេអូទាំងពីរសុទ្ធតែភ្ជាប់ជាមួយនឹងពាក្យគន្លឹះ នៅចុងក្រោយថា  #MomentOfNote ។

កញ្ញា ឱក សុគន្ធកញ្ញា តារាចម្រៀងល្បីរបស់ផលិតកម្ម ហង្សមាស បានបង្ហោះវីដេអូ ខ្លីនេះ នៅលើទំព័រហ្វេសប៊ុកជាផ្លូវការរបស់លោក ជាមួយនឹងពាក្យថា «ខ្ញុំសង្ស័យតែ Galaxy Note .... ស៊េរីថ្មីទេដឹង? ចុះអ្នកទាំងអស់គ្នា គិតយ៉ាងម៉េចដែរ?»  អ្នកលេងហ្វេសប៊ុកជាច្រើន បានទស្សន៍ទាយថា ជាទូរស័ព្ទដៃ Samsung Galaxy Note 5 ឬ Galaxy S6 Edge Plus ។ ទោះបីជាមានការជជែកវែកញែកជាច្រើន ក៏មិនទាន់មានប្រភពណាមួយហ៊ាន បកស្រាយឲ្យច្បាស់ អំពីវីដេអូឃ្លីបថាជាទូរស័ព្ទដៃ Samsung Galaxy Note 5 ឬយ៉ាងណា?

ដើម្បីបំបាត់បកស្រាយចម្ងល់នេះ ក្រុមហ៊ុនសាមសុងនឹងប្រកាសនូវព័ត៌មានលម្អិត ស្តីពីវីដេអូទាំងពីរ ក៏ដូចជាប្រកាសរូបរាងថ្មី នៃទូរស័ព្ទសាមសុងជំនាន់ថ្មីនេះ នៅថ្ងៃទី13 សីហា ខាងមុខនេះ នៅវេលាម៉ោង 11 នៅទីក្រុងញ៉ូយក ឬទស្សនាផ្ទាល់តាមរយៈ www.youtube.com/samsungmobile នៅម៉ោងប្រមាណជា 10 យប់ថ្ងៃទី ១២ ម៉ោងនៅកម្ពុជា។

អំពីក្រុមហ៊ុន Samsung Electronics co., Ltd

គឺជាក្រុមហ៊ុននាំមុខគេលើពិភពលោកផ្នែកបច្ចេកវិជ្ជា ដោយផ្តល់លទ្ធភាពថ្មីៗជូនមនុស្សគ្រប់ រូបគ្រប់ទីកន្លែង។ តាមរយៈ ការបង្កើតថ្មី និងរបកគំហើញឥតឈប់ឈរ យើងកំពុងតែផ្លាស់ប្តូរ ឲ្យកាន់តែប្រសើរ​ឡើង​នូវពិភព ទូរទស្សន៍ ស្មាតហ្វូន កុំព្យូទ័រផ្ទាល់ខ្លួន កុំព្យូទ័រលើតុ ម៉ាស៊ីន ថតរូប ឧបករណ៍ផ្ទះបាយ ម៉ាស៊ីនថតចម្លង ប្រព័ន្ធ LTE ឧបករណ៍វេជ្ជសាស្ត្រ ឧបករណ៍ផ្សេងៗ ដោយប្រើប្រព័ន្ធអគ្គិសនី និងប្រព័ន្ធ  LED។ យើង មានបុគ្គលិកចំនួន 307.000 នាក់ នៅទូទំាង 84 ប្រទេសដោយ​មាន​បរិមាណលក់ប្រចាំឆ្នាំ ចំនួន 196 ពាន់លានដុល្លារ អាមេរិក។

ព័ត៌មានបន្ថែម សូមមើលគេហទំព័រ www.samsung.com និង global.samsungtomorrow.com

ប្រភព ៖ Samsung Cambodia