CamNews

ស្វែងរកកំរិតខ្ពស់
ព័ត៌មានអន្តរជាតិ 

នារីវ័យក្មេងម្នាក់ដេកគុកស្អាត បន្ទាប់ពីធ្វើរឿងហួសចិត្ដ ដាក់មិត្ដភក្ដិ និងឪពុកម្ដាយ

ស្ត្រីជនជាតិអូស្រ្តាលីម្នាក់ ដែលបានក្លែងថាខ្លួន មានជំងឺមហារីកដំណាក់កាលដំបូង មុនពេលបោកប្រាស់យកលុយពីមិត្តភក្តិឪពុកម្ដាយរបស់នាង ត្រូវបានតុលាការកាត់ទោសឱ្យជាប់ពន្ធនាគាររយៈពេល ៣ ខែ។

នាង Hanna Dickenson អាយុ ២៤ឆ្នាំបានទទួលប្រាក់ជំនួយចំនួន ៤២.០០០ ដុល្លារអូស្រ្តាលី (៣១.០០០ ដុល្លារអាមេរិក) បន្ទាប់ពីនាង បានប្រាប់ឪពុកម្តាយរបស់នាងថា នាងចាំបាច់ត្រូវទៅព្យាបាលជំងឺនៅបរទេស។


ប្រភពពីតុលាការបានឱ្យដឹងថា ឪពុកម្តាយរបស់នាងបានទទួលប្រាក់ជំនួយពីមិត្តភក្តិរបស់ពួកគាត់។ តុលាការបានឱ្យដឹងទៀតថា នាង Dickenson បានចំណាយលុយជាច្រើននៅថ្ងៃឈប់សម្រាក និងការចាយវាយជាមួយមិត្ដភក្ដិផ្សេងៗ ។ ចៅក្រមម្នាក់បានហៅ ការឆបោកនេះថា ជាអំពើគួរឱ្យស្អប់ខ្ពើម។

នាង Dickenson បានសារភាពទោសកំហុស នៅក្នុងតុលាការ Melbourne ទៅនឹងការចោទប្រកាន់ចំនួន ៧ នៃការទទួលយកទ្រព្យសម្បត្តិ ដោយការបោកប្រាស់។

នៅក្នុងការផ្តន្ទាទោសនេះ លោកចៅក្រម David Starvaggi បានមានប្រសាសន៍ថា នាង Dickenson បាន "ជាប់ពាក់ព័ន្ធក្នុងការប្រព្រឹត្ដអំពើ ដែលធ្វើឱ្យមនុស្សស្រក់ទឹកភ្នែកដោយអារម្មណ៍ក្ដុកក្ដួលជាខ្លាំង" ។

លោកចៅក្រម បន្ថែមថា៖ "បំណងប្រាថ្នារបស់មនុស្ស និងការជឿទុកចិត្តក្នុងសង្គម ត្រូវបានរំលោភបំពាន ដោយអំពើបែបនេះ។ ពួកគេ គឺជាក្រុមមនុស្ស ដែលធ្វើការយ៉ាងលំបាក ដើម្បីរកលុយមកផ្គត់ផ្គង់ជីវភាពប្រចាំថ្ងៃរបស់ខ្លួន មិនគួរឡើយនាង បោកប្រាស់ទឹកចិត្ដរបស់ពួកគេទេ"  ៕

ប្រែសម្រួល៖ សារ៉ាត

ប្រភព៖ ប៊ីប៊ីសុី 


Tags: International news

ព័ត៌មានអន្តរជាតិ ដែលមើលច្រើន

ប្រទេសទាំង ១០ ដែល​មហាអំណាច​អាមេរិក ជំពាក់លុយច្រើនបំផុត លើលោក

ប្រទេស​ចំនួន ១០ ដែល​ជា​ម្ចាស់​បំណុល​​ធំៗ នៃ​មហាអំណាច​អាមេរិក ច្រើន​ជាង​​គេ​ចិន និង ជប៉ុន

យដឹងថា ជំងឺវីរុសកូរ៉ូណា មានអ្នកឆ្លងដល់ទៅប្រទេសថៃ តារាថៃនាំគ្នាពាក់ម៉ាស់សឹងតែគ្រប់គ្នា

ជំងឺវីរុសថ្មី កូរ៉ូណា ដែលជាជំងឹឆ្លងតាមរយៈផ្លូវដង្ហើម និងភ្នែក ពិសេស នៅវូហានផ្ទាល់ គឺមានអ្នកឆ្លងបានកើនឡើងជំងឺមួយនេះ រហូតដល់ ២៧៦១នាក់ និងមានអ្នកស្លាប់ដោយសារជំងឺនេះ៨១នាក់ផងដែល។

ចៅក្រមញ៉ូវហ្ស៊ីលែន កាត់ទោសបុរសអូស្រ្ដាលីម្នាក់ ដាក់គុកមួយជីវិត ព្រោះតែ.......

នៅថ្ងៃព្រហស្បិ៍នេះ តុលាការញ៉ូវហ្ស៊ីលែន បានកាត់ទោសបុរសម្នាក់ ដែលសម្លាប់បរិស័ទកាន់សាសនាកាតូលីកចំនួន ៥១ នាក់ នៅក្នុងការបាញ់......