ទស្សនាវិដេអូ Arsenal ស៊ីម្ចាស់ផ្ទះ Sunderland ៤-១ នៅតែគូប្រជែងយ៉ាងក្តៅគគុករបស់ ManCity
(ក្រុងឡុងដ៍)៖ ក្រុមកាំភ្លើងធំ Arsenal បន្តរកបាន៣ពិន្ទុនៅទឹកដីក្រៅផ្ទះ តាមរយៈយកឈ្នះម្ចាស់ផ្ទះឆ្មាខ្មៅ Sunderland ៤-១ ក្នុង Premier League កាលពីថ្ងៃសៅរ៍សប្តាហ៍មុន ដើម្បីបង្កភាពភ័យខ្លាចសម្រាប់ក្រុមកំពូលតារាង Manchester City ដែលបានយកឈ្នះ West Bromwich Albion ៤-០ ដែរនោះ។
អតីតខ្សែប្រយុទ្ធ Barcelona, Alexis Sanchez ជាអ្នកតែតបញ្ចូលទីគ្រាប់១ នៅនាទីទី១៩ មុនពេលរបូត១គ្រាប់វិញ ក្នុងវគ្គទី២ នៅនាទីទី៦៥ ដោយបាល់ប៉េណាល់ទី ដោយសារតែអ្នកចាំទី Petr Cech បានធ្វើឲ្យខ្សែប្រយុទ្ធ Sunderland ដួលក្នុងប្រអប់គ្រោះថ្នាក់។
តែយ៉ាងណាក៏ដោយ ខ្សែប្រយុទ្ធជនជាតិបារាំង Olivier Giroud ដែលត្រូវបានប្តូរចូលក្នុងវគ្គទី២នោះ រកបាន២គ្រាប់ ម្នាក់ឯងភ្លាមៗនៅនាទីទី៧១ និងនាទីទី៧៦ មុនពេលដែល Sanchez បន្ថែមគ្រាប់ទី២របស់ខ្លួននៅនាទីទី៧៨ បញ្ចប់ក្នុងលទ្ធផល Arsenal ៤ និង Sunderland បន្តឈរនៅលេខរៀងទី២ មាន២៣ពិន្ទុស្មើនឹង Man City ក្នុងសប្តាហ៍ទី១០ ជើងទី១ ក្នុងក្របខណ្ឌកំពូលអង់គ្លេស Premier League៕
ផ្តល់សិទ្ធដោយ ៖ ខ្មែរថកឃីង
កីឡាអន្តរជាតិ ដែលមើលច្រើន
