<p><span style="color: #000000;"><strong>(តូក្យូ)៖</strong> ក្មេងប្រុសជនជាតិជប៉ុនមួយរូប ដែលត្រូវបានឪពុកម្តាយយក ទៅបំបរបង់ចោលជាការគំរាម ហើយបានបាត់ខ្លួនរយៈពេល ៦ថ្ងៃ និងទើបត្រូវបានប៉ូលិសរកឃើញ កាលពីសប្តាហ៍មុននេះ បានយល់ ព្រមលើកលែងទោសកំហុស ដល់ឪពុកម្តាយរបស់ខ្លួនហើយ។ នេះបើតាមការចេញផ្សាយ មុននេះបន្តិច ដោយសារព័ត៌មាន BBC នារសៀលថ្ងៃអង្គារ ទី០៧ ខែមិថុនា ឆ្នាំ២០១៦។</span></p>
<p><span style="color: #000000;">ឪពុករបស់ក្មេងប្រុសអាយុ ០៧ឆ្នាំខាងលើនេះ គឺលោក Takayuki Tanooka អាយុ ៤៤ និងភរិយា បានយកកូនប្រុស ឈ្មោះ Yamato ទៅចោលនៅតាមចិញ្ចើមផ្លូវ នៅលើកោះហុកកៃដូ ភាគខាងជើងប្រទេសជប៉ុន កាលពីថ្ងៃទី២៨ ខែឧសភា កន្លងទៅនេះ។ បន្ទាប់ពីបានគិតថា ការដាក់ទោសកូនរបស់ខ្លួនរួចរាល់ ពួកគេក៏ត្រឡប់មកយកកូនវិញ តែ Yamato បានបាត់ខ្លួនទៅហើយ។ ក្រោយពីការខិតខំស្វែងរកជិតមួយ សប្តាហ៍ទើបដឹងថា ក្មេងនោះបានស្នាក់នៅក្នុងមូលដ្ឋានយោធាក្នុងតំបន់។</span></p>
<p><span style="color: #000000;">ថ្លែងនៅក្នុងបទសម្ភាសន៍មួយ ឪពុកឈ្មោះ Takayuki រូបនេះបាននិយាយថា «គេព្រមលើកលែង ឲ្យខ្ញុំហើយ។ ខ្ញុំនិយាយទៅកាន់រូបគេថា ប៉ាឲ្យកូនទៅ ព្រោះគិតថាមួយភ្លែតទេ, ប៉ុន្តែ... ឲ្យប៉ាសូមទោស។ បន្ទាប់មកកូនរបស់ខ្ញុំបាននិយាយថា ប៉ាជាប៉ាដ៏ល្អ។ កូនលើកលែងទោសឲ្យប៉ា»។</span></p>
<p><span style="color: #000000;">គួរបញ្ជាក់ថា បើទោះបីជារឿងរ៉ាវ ហាក់បានប្រសើរឡើងវិញមែន ប៉ុន្តែបញ្ហានេះបានជះឥទ្ធិពលដល់ សង្គមជប៉ុនជាខ្លាំង ដោយតាមរយៈមតិសង្គម មានការបញ្ចេញយោបល់ខុសៗគ្នា ប៉ុន្តែភាគច្រើន បានរិះគន់ចំពោះភាពមិនទទួលខុសត្រូវរបស់ឪពុកម្តាយ និង ការស្រឡាញ់ឯករាជ្យភាពជ្រុលពេក របស់មនុស្សជំនាន់ថ្មីដែលនាំឲ្យប្រជាជនជប៉ុន កាន់តែច្រើនមិនសូវខ្វាយខ្វល់ ពីការបង្កកំណើតទៀត៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/6/8/1-08-06-2016--08-33-48.png"><img src="/FileManager/Articles/mce/2016/6/8/1-08-06-2016--08-33-48.png" alt="" /></a><br /></span></p>
<p><span style="color: #000000;"><img src="http://ichef.bbci.co.uk/news/660/cpsprodpb/172B3/production/_89899849_89899484.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ខ្មែរថកឃីង</span></p>