<p><span style="color: #000000;"><strong>(ឥណ្ឌា)៖</strong> ពិតជាស្មានមិនដល់ឡើយថា ស្ត្រីជនជាតិឥណ្ឌាអាយុ២៥ឆ្នាំម្នាក់ ឈ្មោះ Manita Singh បានផ្តល់កំណើតដល់ទារិកា៥នាក់ គ្រាន់តែរយៈពេលកន្លះម៉ោងប៉ុណ្ណោះ ហើយក្មេងៗសុទ្ធតែមានសុខភាពល្អថែមទៀត ។</span></p>
<p><span style="color: #000000;">ពីដំបូងស្ត្រីជាម្តាយនិយាយថា នាងគិតថាប្រហែលជាសម្រាល កូនតែម្នាក់ដូចស្ត្រីទូទៅទេ ដោយមិនស្មានសោះថា នឹងសម្រាលបានកូនស្រីដល់ទៅ៥នាក់បែបនេះឡើយ ។</span></p>
<p><span style="color: #000000;">នាង Manita Singh សម្រាលកូននៅក្នុងមន្ទីរពេទ្យរដ្ឋស្ថិតនៅតំបន់ Ambikapur, Chhattisgarh ក្រោយពីមាន គភ៌២៦សប្តាហ៍មក ហើយនៅថ្ងៃសម្រាលនោះនាងមានអាការៈឈឺពោះយ៉ាងខ្លាំងទើបត្រូវប្តីនាងប្រញាប់នាំមកកាន់មន្ទីរពេទ្យភ្លាមៗ ហើយនាង និងប្តីមានអារម្មណ៍រីករាយណាស់ នៅពេលសម្រាលបានកូនស្រីដល់ទៅ៥នាក់ ដោយមិនមានគ្រោះថ្នាក់អ្វីឡើយ ។</span></p>
<p><span style="color: #000000;">ប្តីប្រពន្ធទាំងពីរធ្លាប់មានកូនប្រុសដំបូងតែបានស្លាប់ទៅហើយ នៅពេលបានអាយុ២ឆ្នាំ ហើយពួកគេនិយាយថា នេះប្រហែលជាព្រះប្រទានកូនទាំងនេះ សងមកខ្លួនវិញ រីឯដុកទ័រនៅមន្ទីរពេទ្យក៏លើកឡើងដែរថា នេះជាករណីទី១ ហើយដែលលោកជួប ព្រោះកម្រអ្នកណាសម្រាលកូនដល់ទៅ៥នាក់ ហើយមានសុខភាពល្អធម្មតាបែបនេះណាស់ ៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/4/6/35-06-04-2016--11-34-05.jpg"><img src="/FileManager/Articles/mce/2016/4/6/35-06-04-2016--11-34-05.jpg" alt="" /></a><br /></span></p>
<p> </p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>