<p><span style="color: #000000;"><strong>ភ្នំពេញ៖</strong> នៅព្រឹកព្រលឹមថ្ងៃទី៦ ខែមិថុនានេះ រឿងរ៉ាវហួសចិត្តមួយ បានកើតឡើង នៅមុខភូមិគ្រឹះ សម្តេចតេជោ ហ៊ុន សែន នាយករដ្ឋមន្ត្រី ដោយបុរសម្នាក់ ឈ្មោះ អៀង បូរិទ្ធ អាយុ៣២ឆ្នាំ មុខរបរ អនុប្រធានការិយាល័យ លេខាធិការដ្ឋានព្រឹទ្ធសភា ស្នាក់នៅផ្ទះលេខ ៣៥៣ ផ្លូវលំ ភូមិភ្នាត សង្កាត់ស្ទឹងមានជ័យ ខណ្ឌមានជ័យ បានជិះរថយន្ត Camry បាឡែនរបស់ខ្លួនទៅឈប់មុខក្លោងទ្វារចូលភូមិគ្រឹះសម្តេចតេជោ ហ៊ុន សែន រួចចុចស៊ីប្លេជាច្រើនលើក ដោយអះអាងថា ចង់ជួបសម្តេចតេជោ និងសម្តេចកិត្តិព្រឹទ្ធបណ្ឌិតពិភាក្សាការងារប្រទេសជាតិ។</span></p>
<p><span style="color: #000000;">សមត្ថកិច្ចនគរបាលបានឲ្យដឹងថា មុនពេលកើតហេតុ ជនសង្ស័យបានបើករថយន្តម្នាក់ឯង ម៉ាក Camry បាឡែនពណ៌ទឹកប្រាក់ ពាក់ស្លាកលេខ ភ្នំពេញ 2X-2633 ពេលជិះដល់ក្លោងទ្វារ ភូមិគ្រឹះសមេ្តចតេជោ ហ៊ុន សែន ហើយបានឈប់រថយន្ត រួចហើយក៏ចុចស៊ីប្លេ ២ទៅ៣ដង បង្ករឲ្យមានភ្ញាក់ផ្អើលដល់អង្គរក្សដែលយាមការពារភូមិគ្រឹះសម្តេច ហើយក្រុមអង្គរក្ស ក៏បានចេញមកសួរនាំ ដោយជនសង្ស័យបាននិយាយថា ចង់ជួបសម្តេច និងសម្តេចកិត្តិព្រឹទ្ធបណ្ឌិត ដើម្បីពិភាក្សាការងារតែ២នាក់។</span></p>
<p><span style="color: #000000;">សមត្ថកិច្ចបញ្ជាក់ទៀតថា ដោយឃើញកាយវិការ និងការនិយាយ មិនសមរម្យ ណាមួយខ្លាចមានភាពរញេរញៃ និងដើម្បីរក្សាសន្តិសុខសុវត្ថិភាព របស់សម្តេចតេជោ ផងនោះ កម្លាំងអធិការខណ្ឌ បាននាំជនសង្ស័យ និងរថយន្តយកមកទុក និងសួរនាំនៅអធិការ ខណ្ឌដូនពេញ។</span><br /><span style="color: #000000;">ក្រោយពីសួរនាំ ជនសង្ស័យបាននិយាយថា «ចង់ជួបសម្តេច និងលោកជំទាវ ពិភាក្សាររឿងសង្គ្រាម វិទ្យាសាស្រ្ត និងការអភិវឌ្ឍន៍ ក្នុងសង្គមបច្ចុប្បន្ន»។ ប៉ុន្តែការនិយាយនោះដូចជា សតិមិនគ្រប់ ហើយជនសង្ស័យក៏មិនស្រវឹងដែរ។</span></p>
<p><span style="color: #000000;">ក្រោយពីឃាត់ខ្លួនបានមួយសន្ទុះ ប្រពន្ធ និងបងប្អូន របស់ជនសង្ស័យ បានមកដល់ហើយ បានប្រាប់ថា «ប្តីរបស់គាត់ពិត ជាមានជំងឺសរសៃប្រាសាទ ប្រាកដមែន»៕</span></p>
<p><span style="color: #000000;"><a class="thickbox" title="" href="/FileManager/Commons/2015/6/6/6-6-2015-9-24-34-am-06-06-2015--09-30-42.png"><span style="color: #000000;"><img src="/FileManager/Articles/mce/2015/6/6/6-6-2015-9-24-34-am-06-06-2015--09-30-42.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/6/6/6-6-2015-9-24-49-am-06-06-2015--09-30-55.png"><span style="color: #000000;"><img src="/FileManager/Articles/mce/2015/6/6/6-6-2015-9-24-49-am-06-06-2015--09-30-55.png" alt="" /></span></a></span></p>
<p style="text-align: right;">ផ្ដល់សិទ្ធដោយ៖ ដើមអម្ពិល</p>