<p>គេហទំព័រ Securitydaily ទើបតែបានចុះផ្សាយថា គេហទំព័រវៀតណាមរាប់រយត្រូវបានវាយ<br />ប្រហារពីសំណាក់ក្រុមហែកឃើរចិន។ ជាក់ស្ដែង មានគេហទំព័រ វៀតណាមចំនួន ប្រហែល<br /> ៧៤៦ ស្ថាប័ន ត្រូវរងការវាយប្រហារ គិតចាប់ពីថ្ងៃទី ២៨សីហាមកទល់នឹងបច្ចុប្បន្ន។</p>
<p style="text-align: center;"><a class="thickbox" title="" href="/FileManager/Commons/2014/9/6/cv-06-09-2014--09-21-13.jpg"><img src="/FileManager/Articles/mce/2014/9/6/cv-06-09-2014--09-21-13.jpg" alt="" /></a></p>
<p>យោងតាមស្ថិតិពី Securitydaily គិតដោយឡែក ក្នុងថ្ងៃទី ២៨សីហា មានគេហទំព័រចំនួន ២៨៩<br /> ស្ថាប័នរបស់វៀតណាម ក្លាយជាជនរងគ្រោះ នៃការវាយប្រហារ DDoS និងប្ដូរផ្លាស់អ៊ីនធឺរហ្វេស<br /> defacement ។</p>
<p>ការវាយប្រហារខាងលើ ត្រូវបានធ្វើឡើងយ៉ាងខ្លាំងក្លា និងបន្តបន្ទាប់ ក្នុងថ្ងៃទី ៤កញ្ញា ដែល<br />ពេលនោះ មានគេហទំព័រដល់ទៅ ៣៧៣ស្ថាប័ន ត្រូវរងគ្រោះ។ អ្វីដែលគួរឱ្យចាប់អារម្មណ៍ជាង<br />នេះ គឺថា ក្នុងចំណោម ៧៤៦ គេហទំព័រ ដែលត្រូវរងការវាយលុក មានគេហទំព័ររដ្ឋចំនួនដល់<br />ទៅ ៨ (ដែលមានឈ្មោះដូមេន gov.vn) និងគេហទំព័រប្រមាណជា ៤០ ផ្សេងទៀត របស់បណ្ដា<br />ស្ថាប័នអប់រំវៀតណាម (មានដូមេន edu.vn)។</p>
<p style="text-align: center;"><a class="thickbox" title="" href="/FileManager/Commons/2014/9/6/cv1-06-09-2014--09-23-16.png"><img src="/FileManager/Articles/mce/2014/9/6/cv1-06-09-2014--09-23-16.png" alt="" /></a></p>
<p>តារាងនៃគេហទំព័រដែលត្រូវបានវាយប្រហារ ត្រូវគេចុះផ្សាយនៅលើទំព័រ <span style="color: #3366ff;"><a href="http://www.1937cn.net/?post=58" target="_blank"><span style="color: #3366ff;">1937cn.net </span></a></span>(ជាប្លក់<br />សន្ដិសុខអ៊ីនធឺរណែតមួយ ត្រូវបានវៀតណាម ចាត់ទុកថា មានបំណងជម្រុញឱ្យហែកឃើរ បើកការវាយប្រហារទៅលើគេហទំព័ររបស់វៀតណាម)។ ប្រភពព័ត៌មានបានឱ្យដឹងថា មិនត្រឹម<br />តែ 1937cn.net នោះទេ ដែលបានបញ្ចេញ “ស្នាដៃ” Sky-Eye ដែលជាក្រុមហែកឃើរធំមួយ<br />របស់ចិន ក៏បានចូលរួមការវាយលុក លើគេហទំព័ររបស់វៀតណាម ដោយបានធ្វើការវាយ<br />ប្រហារលើគេហទំព័រ ជិត ១០០ស្ថាប័នរបស់វៀតណាម។</p>
<p style="text-align: center;"><a class="thickbox" href="http://www.1937cn.net/?post=58" target="_blank"><img src="/FileManager/Articles/mce/2014/9/6/cv2-06-09-2014--09-21-47.png" alt="" width="441" height="170" /></a></p>
<p style="text-align: center;">នេះជាក្រុមហែកឃើរខ្លាំងបំផុតរបស់ចិន</p>
<p><br />យោងតាមព័ត៌មានថ្មីបំផុត ឱ្យដឹងថា គិតមកដល់ពេលនេះ គេហទំព័រប្រហែលជាង ៥០% ក្នុង<br />ចំណោមគេហទំព័រវៀតណាម ដែលត្រូវហែកឃែរវាយប្រហារ នៅតែមិនទាន់ដោះស្រាយបញ្ហា<br />បាននៅឡើយ។</p>
<p>គួររំលឹកថា មុននេះ ក៏មានការវាយប្រហារឆ្លើយឆ្លងគ្នា រវាងហែកឃើរវៀតណាម និងហែកឃើរ<br />ចិន បណ្ដាលឱ្យគេហទំព័ររបស់ប្រទេសទាំងពីរ រងការខូចខាត។ មូលហេតុដែលនាំឱ្យកើតមាន<br />ការវាយប្រហារខាងលើ គឺដោយសារតែ ប្រទេសទាំងពីរ កំពុងមានទម្លោះដណ្ដើរដែនសមុទ្រ និង<br />ប្រជុំកោះមួយចំនួន នៅសមុទ្រចិនខាងត្បូង៕</p>
<p style="text-align: right;"><br />ប្រែសម្រួលដោយ ៖ តារា<br />ប្រភព ៖ Securitydaily<br /><br /></p>