<p><strong>ព័ត៌មានអន្តរជាតិ ៖</strong> ស្រ្តីជាម្តាយមួយរូប ត្រូវបានចាប់ឃាត់ខ្លួន បន្ទាប់ពីត្រូវបានរកអោយ<br />ឃើញថា នាងបានព្យាយាមលក់កូនស្រីតូចរបស់ខ្លួន ជាថ្នូរនឹងសាច់ប្រាក់ ៤០០០ ដុល្លារ<br /> នៅលើទំព័រ ហ្វេសប៊ុក នេះបើតាមការអោយដឹងពីគេហទំព័រសារព័ត៌មានបរទេស Happe-<br />ning ។</p>
<p><a class="thickbox" title="" href="/FileManager/Commons/2013/3/13/0756cf1f80e66a0b11b5bcc79e8859cd-13-03-2013--09-24-55.jpg"><img src="/FileManager/Articles/mce/2013/3/13/0756cf1f80e66a0b11b5bcc79e8859cd-13-03-2013--09-24-55.jpg" alt="" width="437" height="323" /></a></p>
<p>គួររំឭកផងដែរថា ស្រ្តីជាម្តាយរូបនោះជាពលរដ្ឋរស់នៅក្នុងរដ្ឋ Oklahoma សហរដ្ឋអាមេរិក<br />មានឈ្មោះថា Misty Van Hornវ័យ ២២ ឆ្នាំ ត្រូវបានបញ្ជូនទៅកាន់តុលាការកាលពីល្ងាចថ្ងៃ<br />ពុធ បន្ទាប់ពីក្រុមភ្នាក់ងារមានសមត្តកិច្ច តាមដាននឹងរកអោយឃើញថា នាងបានទាក់ទង<br />ជាមួយនឹងស្រ្តីម្នាក់ផ្សេងទៀត ដែលរស់នៅក្នុងតំបន់ Fort Smith តាមរយៈទំព័រហេ្វសប៊ុក<br />ក្នុងការព្យាយាមលក់កូនស្រីតូចរបស់ខ្លួន វ័យទើបតែ ១០ ខែ ជាថ្នូរនឹងសាច់ប្រាក់ ៤ពាន់<br />ដុល្លារ។</p>
<p>លើសពីនេះទៅទៀត ប្រភពដដែលបានបន្ថែមថា ស្រីជាម្តាយរូបនោះ បានសរសេរសារ<br />ផ្ញើទៅស្រ្តីម្នាក់ផ្សេងទៀត ដែលមានទីលំនៅនៅក្នុងតំបន់Fort Smithដោយបានបញ្ជាក់ថា<br />គ្រាន់តែមកផ្ទះខ្ញុំមក នោះនាងនឹងទទួលបានកូនស្រីតូចវ័យ ១០ ឆ្នាំ ដោយគ្រាន់តែទុក<br />ប្រាក់ ១ពាន់ដុល្លារមកបានហើយ ហើយក៏មានជាកញ្ជប់ពិសេស បើសិនណាទទួលទិញ<br />កូនតូចវ័យ ២ ឆ្នាំម្នាក់ផ្សេងទៀត នោះតម្លៃត្រឹមតែ ៤ពាន់ដុល្លារ។</p>
<p>ដោយឡែក មកទល់នឹងពេលនេះ ស្រ្តីជាម្តាយចិត្តខ្មៅរូបនោះ ត្រូវបានចាប់ឃាត់ខ្លួន និង<br />រង់ចាំការកាត់ទោសទៅតាមផ្លូវច្បាប់របស់ប្រទេសនេះ ហើយបើនិយាយពីមូលហេតុដែល<br />ធ្វើអោយនាងបែកគំនិតដល់ថ្នាក់ហ៊ានធ្វើបែបនេះ ក៏ព្រោះតែនាងចង់យកលុយទាំងនោះ<br />ទៅរំដោះមិត្តប្រុសរបស់ខ្លួន ដែលកំពុងតែជាប់ពន្ធនាគារ៕</p>
<p style="text-align: right;">ដោយ ៖ ពិសី<br />ប្រភព ៖ Happening</p>